home
user-header

                        
                        
Ватсаптан кэпсээн.
20 сентября 2016 г., 19:17 377

20:00 ааһыыта Саха сирин араадьыйатыгар бу кэпсээни интернетэ суох истээччилэрбэр ааҕан иһитиннэриэм.Киһи барыта ватсаптаах буолбатах.Араадьыйа fm 107.1 долгуҥҥа эбэтэр УКВга эмиэ иһиллэр,ону тэҥэ nvk-online.ru сайтка РАДИО диэҥҥэ киирэн истиэххитин сөп.Эбэтэр сотовайгар НВК САХА диэн приложенияны хачайдаа. Кии олох диэбитим киhилии олох эмиэ баар…

Бостуук а5ам атастарынаан иhэн кэлэн ийэбин кырбыыр, онуоха ийэм аhыы ута5ынан ыарыытын аhарынар… Биhиги бииргэ төрөөбүттэр бэhиэбит, эдьийим уонна үс балтыларым – бары кыргыттар. Ферма5а үлэлээн улаатан бары кэриэтэ үөрэххэ барбатахпыт, ыанньыксытынан үлэлиибит, арай эдьийбит эрэ үөрэхтээх. Ыал иккис улахан кыыстара буоламмын балтыларбын көрөн-харайан номнуо кэргэн тахсар сааhым кэллэ, ол эрэн аттыбар сүбэ-ама буолар ийэлээх а5ам суохтар - хотон, аhыы утах кинилэр олохторун кии оңорон орто дойдуттан суох буолбуттара. Утумнааччы удьуору батыhар диэбиттэринии мин эмиэ аhыы утах көhүннэ да көмүс түгэңңэ тэңнээн иhэбин… Күңңэ тэңниир күндү аспын истэхпинэ үчүгэйэ эрэ бэрт, бу ыарахан олохтон сынньаммыкка, дуоhуйбукка дылы буола5ын. Мин кэннибиттэн кэлэр балтым эмиэ улаатан миигин кытта биир остуолга олорсор буолла. Ол курдук биир, икки, үс сыл ааста. Бу ас миигин элбэх атаhы кытта алтыhыннарда, үгүс эр дьону кытта көрүhүннэрдэ. Туох барыта түмүктээх буоларын курдук биир маннык көрсүhүүттэн о5о үөскээбитин билэн иhэ-аhыы сылдьан син о5олоннум – уол… Уол о5оннон уруйдаммыт киhи быhыытынан балыыhаттан тахсаат да бырааьынньыктаатым, син икки сыл курдук эр дьону бэйэбэр чугаhаппатым… Уолум иккитигэр дьахталлар күннэрин бырааhынньыгар уруккуттан астына көрөр киhим «кэргэн ылабын» диэн этии оңорон «дьолум бу тосхойдо» диэн аhыы утахпыттан син аккаастанан олорбутум. Эрим дуома иккис ыйбытыгар тахсан барбыта да5аны төннүбэтэ5э, ол сыл атын кыахтаах ыал о5отун, мааны дьахтары кэргэн ылбыта. Ол кэннэ киниэхэ кыhыйбыт санаабыттан күннэтэ аhыы утахтаммытым, оннук сылдьан иhим улаатан сэттис ыйыгар о5олоноору сылдьарбын билэн араастык суох гына сатаабытым табыллыбата5а. Иккис кыыс о5ом күн сиригэр баар буолбута. Төhө да аhаатарбын, өйдөннөхпүнэ хаhаайка бастыңабын, ийэ күндүтэбин, аhаары гыннахпына о5олорбун бэрийэрбин, ahатарбын-сиэтэрбин хаhан да умнубатым, ол эрэн о5олорум барахсаттар иhээччи ийэлээх дьон үгүс ыарахаттары көрсөөхтөөбүттэрэ буолуо ээ…

Биир түгэн дьүөгэлэрбинээн бырааhынньыктыы олордохпуна табаарыспыт Бааска саңа армияттан кэлбит табаарыспын кыргыттардыын эhигинниин билиhиннэрэбин диэн ааттан киллэрбитэ. Сырдык хааннаах, орто уңуохтаах, саңалаах-иңэлээх уол киирэн кэлбитигэр кыргыттар бары кэриэтэ миэстэлэриттэн өндөңөлөөн ылбыттара. Арай мин икки о5олоох, иhээччи дьахтары ба5ас көрбөтө ини до5ор диэн санааннан улаханнык наадыйбатым, бииргэ аhаан кэпсэтии-ипсэтии, билгэлэhии буолла. Сарсыныгар утуйан турбутум бэ5эhээцци армеец уолум мин аттыбар сытарын көрөн испэр бэйэбин туох баарынан үө5үннүм, эчи сааты-сууту, хайдах буолабын диэн санаа5а ылларан киhибин туруоран дьиэлэттим. Киhим мух-мах туттан син дьиэлээтэ, ол кэннэ нэдиэлэ курдугунан дьиэбэр эмиэ мустан олордохпутуна киирэн кэлэн бииргэ олоруста, бастаан кыбыста санаан баран син аhыы утахпыт сааты-сууту ыраа5ынан киэр кыйдаата. Ол эрэн бүгүн ааспыттааңңы курдук өйдөөбөт буолуохпар дылы дьаабыламаппыт диэн сыал туруорунан киhим хаала сатаабытын үүрдүм, киhим киирэр ааңңа утуйбут эбит этэ. Мантан сиэттэрэн киhим арахпат буолла, кэлин тиhэ5эр киирэн олорунан «ойох ылабын» диэбитигэр уруккубун саныы биэрээт «суох» диэн икки ый устата эккиритиннэрдим. Хайдах маннык мин курдук иhээччи, икки о5олоох дьахтары кэргэн ылан нус-хас олоруом дии саныыгын диэн араастык этэ сатыыбын да, хата эр бэрдэ буолан аккаастаммакка иннибин ылан олордубут. Арай биир күн киhим дьоммун кытары билсиhиннэрэбин диэн сиэппитинэн дьиэтигэр илдьэ барбыта, ып-ыраас, улахан дьиэлээх кыахтаах дьоңңо киирбиппин билинэн олуhун долгуйдум, маннык дьоннор миигин тэңнээбэттэр чуолкай диэн саныы-саныы син билсистим. А5ата улаханнык сэргээбэтэр да уола эппитэ сокуон буолан биэрдэ, эдьийдэрэ бары уурбут-туппут курдук кыраhыабай, мааны кыргыттар – мин курдук буолбатахтар, арыгы диэн аhы хааппыланы да испэттэр, ону көрөн олус сөхтүм, мин билэр дьонум бары иhэллэр эбээт…

Бу дьиэ5э-уокка сылдьан, эдьийдэрин көрөн киhилии олох диэн бу дойдуга баар эбит диэн санаа5а ылларан, аhыы утахпыттан букатыннаахтык быра5ан кии олохпуттан аккаастанан киhилии оло5у са5алаатым. Аңардас бу дьон уолларыгар тэңнээтиннэр диэн күүстээх санаа ылынан мин аhыы ута5ы атын сиринэн ааратар буоллум, билгэлэhэр атастарбын уларытан кини эдьийдэринээн чугастык билсэн элбэххэ үөрэнним. Биир эдьийэ миигин олус чугастык ылынан хаhаайыстыба5а сатаабаппын барытын үөрэтэрэ, сүбэтин ылынан сөпкө оңордохпуна хайгыыр тыллара саамай күндүлэрэ миэхэ, урукку кии олохпор «эн ба5ас», «эрэйдээх» эрэ диэн сэниир, түhэрэр тыллар киhилии олохпор сымнатан ааттыыр, хайгыыр тылларынан солбуллан оло5ум тупсан барбыта. Ол эрэн кэминэн, аны кэргэним араас табаарыстардыын алтыhан аhыырын тохтоппоко күнүн аайы арыгылаан барбыта, онно эппинэн-хааммынан билбитим аhыы ас миигин ба5арбытынан салайа сылдьыбытын, саатар аhаан кэлэн утуйара эбитэ буоллар син чэпчэки буолуо этэ да5аны киhим уруккуну-хойуккуну санатан кырбыыра кыhыы этэ… Ол оннук үhүс о5олонон 10-тан тахса сыл олордубут. Киhим аhыырыгар үөрэммит киhи быhыытынан барытын буолуохтаа5ын курдук ылына, биирдэ «эн эмтэммэккин да, көрүүй хайдах олорорбутун, дьиэбитин-уоппутун, о5олорбутун» диэн сылайбыт куоласпынан саңа аллайбытым, киhим сарсыныгар эмтэнним диэн кэлбитигэр итэ5эйбэтэ5им, ол эрэн син билигин 10-тан тахса сыл буолла аhыы утахха чугаhаабакка олохпут тупсубута. Билигин биhиги хаhан да испэтэх-аhаабатах дьон курдук олохпутун көннөрөн ыал мааныта буолан дьиэлээхпит-уоттаахпыт, араас тимир көлөлөөхпүт, туспа хаhаайыстыбалаахпыт, о5олорбут олохторугар күүс-көмө буола сылдьар эhэллээх эбэбит. Бу сыллар тухары олорон кэлбит олохпун ыраңалаан көрөн «арай кинини көрсүбэтэ5им, кини дьонун кытта билсибэтэ5им буоллар, арааhа ийэм-а5ам курдук кии олохтонон киhилии оло5у билиэ суох эбиппин» дии саныыбын уонна Дьыл5абар тапталбын кинини төhө да5аны аhыы-сии сылдьан булустарбыт, көрүhүннэрбитигэр улахан махталлаахпын. Күндү аа5ааччым, уруккуну суоруллубат, ол эрэн кэлэри бэйэң эрэ илиигинэн уларыта тутуохха сөбүн хаhан да умнума!!!

Мария КОБЕЛЬЯНОВА - ТУСКУЛААНА

Избранное
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации