home
user-header
Өлөрүөхсүттэр Cassini-ны суох гыннылар
16 сентября 2017 г., 21:33 291

Бүгүн, балаҕан ыйын 15 күнүгэр куйаар илдьитэ Cassini 20 сыллаах соругун түмүктээн Дьэндэли (Сатурн) былыттарыгар букатыннаахтык сууллунна. Cassini үлэтин 1997 сыллаахха саҕалаабыта, 7 сыл Дьэндэлигэ диэри көппүтэ уонна 13 сыл устата кини тула эргийтэлээбитэ. Бу кэм устата дьоҕус аппарат 9,7 биллион килэмиэтири айаннаата, Сиргэ 635 гигабайт информацияны уонна 453 тыһыынча хаартысканы ыытта.

Cassini соругун иккитэ уһата сылдьыбыттара, ол эрээри 20 сыл сыралаах үлэ түмүгэр оборудованиета радиацияттан күүскэ эмсэҕэлээн салҕыы туһаныллара кыаллыбатын туһунан биллэрэллэр. Куйаар илдьитин Дьэндэли орбитатыгар таах хаалларан кэбиһэр табыгаһа суох - Дьэндэли аргыстарыгар Титаҥҥа уонна Энцеладка Сирдээҕи биоматериал хааллаҕына кинилэргэ баар буолуон сөптөөх харамайдар олохторугар орооһуу буолар. Оттон Дьэндэлигэ олох диэн чуолкай суоҕа биллэринэн сибээстээн Cassini соругун кини ньууругар түмүктээтилэр.

Cassini

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации