home
user-header

                        
                        
Дойду чинчийээччилэрэ сотуунтан утары саҥа эмп оҥорбуттар
15 мая 2017 г., 20:33 98

Сотуунтан (сибирская язва) утары оҥоһуллубут саҥа эмп күүстээх аллергияны үөскэппэт. Эми кэлэр өттүнээҕи чинчийиилэр пуонда (Фонд перспективных исследований, ФПИ) сорудаҕынан оҥорбуттар, ол туһунан ССТА иһитиннэрэр.


 

"Өлөөрү сытар дьон өлүүлэрин аччатар туһугар саҥа сыһыан олохтообуттар, онно тобрамицин диэн антибиотигы уонна сотуунтан утары туттуллар киһи иммуноглобулинын туттарга сүбэлээбиттэр", - диэн иһитиннэрбиттэр.

 

Саҥа эмт тутуута ааспыт сэрэдэҕэ Киров куоракка буолан ааспыт. Эмп айааччылара - Кировтааҕы гематология уонна хааны кутуу чинчийэр институт "Восток" компаниятын үлэһиттэрэ. 

 

Эмп дьоҥҥо сотуунтан утары суһал профилактика оҥорууга уонна эмтииргэ аналлаах.

 

ФПИ-га эппиттэринэн сотууну эмтииргэ сүрүн кыһалҕанан ыарыы тыҥа, оһоҕос уонна дьааттаах көрүҥнэрэ антибиотигынан эмтээһиҥҥэ бэриммэтэ буолар. Ити көрүҥнэри эмтииргэ антибиотигы кытта киһиттэн ылыллыбыт иммуноглобулин туһаныллыахтаах. Билигин сылгыттан оҥоһуллубут иммуноглобулин туһаныллар, ол эмп оҕолорго иккистээн тутталларыгар күүстээх аллергияны ыҥырар.

 

"Саҥа эмп туһатын лабораторияларга экспэримиэн нөҥүө бигэргэппиттэр", - диэн ФПИ-га бэлиэтээбиттэр.

 

Научная Россия

#медицина, #наукороссия, #сахалыы

Нравится