home
user-header

                        
                        
Австралия кытылыгар таммах-балыгы уонна хоруоп-балыгы туппуттар
19 июня 2017 г., 21:06 311

Бэс ыйын 16 күнүгэр «Инвестигейтор» хараабылга «Дириҥ боруобалары сүүмэрдээһин» (Sampling the Abyss) диэн миссия түмүктэммит. Ол миссия Австралия илиҥ кытылын дириҥ экосистематын чинчийэр миссия эбит. АВС News кэпсииринэн чинчийээччилэр тыһыынчаттан тахса муора фаунатын хомуйбуттар, онтон 1/3 саҥа көрүҥнэргэ киирсэр эбит. Сүүмэрдэммит балыктардан уруккуттан биллэр, ол гынан баран ситэ үөрэтиллибэтэх балык көрүҥнэрэ эмиэ баар эбиттэр: таммах-балык, хоруоп-балык (coffinfish) уонна күлгэри-балык. Экспедиция хайдах ааспытын туһунан проект блуогар ааҕыахха сөп.

Таммах-балыгы 2500 м дириҥтэн туппуттар. 2013 с. кинини Сир үрдүнэн ордук мара көрүҥнээх кыылынан аахпыттар


 

«Инвестигейтор» экспедицията ый устата барбыт. Ити кэм иһигэр учуонайдар Тасманияттан Брисбен куоракка дылы океан шельфатын устунан устубуттар уонна 7 байҕал заповедниктарын уу аннынааҕы ньуурдарын уонна экосистемаларын чинчийбиттэр. Чинчийиилэр сүрүннээн 2500-4000 м дириҥҥэ видеокамералар көмөлөрүнэн ыытыллыбыт, образецтары муҥханан уонна уу түгэҕин хомуйар хоруопкаларынан таһаартаабыттар. Сорох дириҥҥэ устубат балыктар муҥханы тардан истэхтэринэ илимҥэ хаптарбыттар. 

Кыһыл хоруоп-балык (coffinfish), быһа холоон саҥа көрүҥ (Robert Zugaro / Victoria Museums / CSIRO)

 

Күлгэри-балык 3500 м дириҥҥэ олорор (Asher Flatt / Victoria Museums / CSIRO)

 

Миссия кэмигэр чинчийээччилэр балык арааһын туппуттар. Австралия уонна Саҥа Зеландия кытылларыгар олохсуйар таммах-балыгы 2,5 км дириҥтэн туппуттар. 2013 с интернет-ситим туттааччылара кинини ордук мара харамайынан аахпыттар уонна кини Мара харамайдары харыстыыр түмсүү (Ugly Animal Preservation Society) ымыыта (талисман) буолбут.

 

Хаунакастар бөлөхтөрүгэр киирсэр кыһыл хоруоп-балыгы, быһыыта саҥа көрүҥ, килэмиэтир кэриҥэ дириҥтэн туппуттар. Чинчийээччилэр ону таһынан күлгэри-балыгы туппуттар. Ити сиэмэх балык 3500 м дириҥҥэ устар уонна тугу көрбүтүн барытын сиир, бэйэтин көрүҥүн эмиэ. Учуонайдар хайыы-үйэ офиурдар — уу түгэҕин кыыла, тас өттүттэн муора сулустарыгар майгынныыр — саҥа көрүҥнэрин суруйбуттар. Саҥа көрүҥү «Былаас былдьаһыы» офиурата диэн ааттаабыттар (офиура «Игры престолов»), Ophiohamus georgemartini. Бу харамай хатыыта сериалга көрдөрүллэр хоруонатын тиистэригэр майгынныырын иһин.

 

Офиура саҥа көрүҥэ, Ophiohamus georgemartini, «Былаас былдьаһыы» сериал чиэһигэр ааттаммыт (Caroline Harding / Victoria Museums / CSIRO)

 

Экспедиция кэмигэр хаптарыллыбыт офиуралар (Robert Zugaro, Asher Flatt / Victoria Museums / CSIRO)

 

Муора дириҥ ооҕуй-оҕуһа сүнньүнэн хараҕа суох буолар эбиттэр, ол да үрдүнэн бэртээхэй ууһуттар (Robert Zugaro / Victoria Museums / CSIRO)

 

Атлантика идиаканын (Idiacanthus atlanticus) 1500 м лириҥтэн туппуттар. Бу сиэмэх балык бултууругар бэйэтин уотунан тыктарар эбит (Jérôme Mallefet / Victoria Museums / CSIRO)

Сипункулуда эбэтэр муора арахис чиэрбэтэ. Чаарга (мелководье) олохсуйар кыыл, кумахха көмүнэн кэбиһэр эбэтэр быраҕыллыбыт хаалары толорор. Холобур кинилэри аймаатаххына түүрүллэн хаалар (сжимаются) уонна кырдьыктыы арахис аһыгар майгынныыр буолар. (Robert Zugaro / Victoria Museums / CSIRO)

 

Бу иннинэ экспедиция сирэйэ суох балыгы туппутун туһунан иһитиннэрэн турардаахпыт.

 

N+1

#экология, #естественные_науки, #сахалыы

Нравится
  • 19 июня 2017 г., 21:43

    Энин араас дьиктилэр! Эриэхэбэй оноьуулар!

    ... Дьоллоох того эмиэ хоруоп диэтилэр?::)

    Ити офиуралар интириэьинэй эбиттэр уонна. Бутэьик арахиска майгыннаабат ээ. Размердара киьи тарбагын сагалар эбит, барахсаттар...

     
  • 20 июня 2017 г., 00:01

    Сипункулуда тугу эрэ санатар...

     
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации