home
user-header

                        
                        
Х үйэтээҕи викинг дьахтар буолбута быһаарылынна
11 сентября 2017 г., 20:20 524

Уҥуох генетикатын аналиһа көрдөрбүтүнэн элбэх сэрии сэбиргэллээх көмүллүбүт боотур дьахтар буолара быһаарылынна. Чинчийии American Journal of Physical Anthropology сурунаалга таҕыста.


 

Х үйэ ортотугар көмүллүбүт боотуру (Bj 581 нүөмэрдээх) 1880-ыс сыллар бүтүүтүгэр булбуттар. Аныгы Швецияҕа баар Бирка дэриэбинэ таһыгар көстүбүт уҥуох ордук сэрии-сэбиргэлинэн уонна олох-дьаһах тэрилинэн баай көмүү буоларынан биллэр. Чинчийээччилэр уҥуох генетикатын анализтаан баран өлүк дьахтар буоларын быһаарбыттар.

 

 Bj 581 көмүүгэ кистэммит тэриллэр үрдүк дуоһунастаах киһи киэнигэр сөп түбэһэр эбит. Киһини кытта икки ат — атыыр уонна биэ, — уонна элбэх сэрии тэрилэ. Ииҥҥэ батыйа (меч), сүгэ, үҥүү, хас да оноҕос, сэриилэһэр быһах уонна икки илии куйаҕа. Ону таһынан уҥуох таһыгар хас да фигуралардаах оонньуур дуоска булбуттар: археологтар көмүллүбүт киһи тактикаҕа уонна стратегияҕа быһаарсар эбит диэн түмүккэ кэлбиттэр. Бу тэриллэр көмүллүбүт киһи син мээнэ улахан сэрии дуоһанстааҕын көрдөрөр.

 

Көмүү хаттаан оҥоһуута, Evald Hansen

 

Сүүстэн тахса сыл устата көмүү эр киһи киэнэ диэн ааҕыллар эбит, төһө да хас да чинчийээччи дьахтар уҥуоҕа буолуон сөбүн эппиттэрин үрдүнэн (уҥуохтар морфологията дьахтар киэнигэр ордук барсарын иһин).

 

Бүтэһиктик эрин-дьахтарын быһаарарга учуонайдар өлүк уҥуохтарын хас да чинчийиитин оҥорбуттар. Тиистэн уонна санны уҥуоҕуттан ылыллыбыт ДНК-анализ Y-хромосома суоҕун быһаарбыттар. Митохондриальнай ДНК чинчийиитэ өлүк генетика өттүнэн билиҥҥи Хоту Европа олохтоохторугар чугаһын көрдөрбүт. Ону тэҥэ учуонайдар Bj 581 уонна Бирка таһыгар көмүллүбүт өссө биэс дьон өлүктэр тиистэрин эмалигар баар стронций изотобун чинчийбиттэр. Анализ көрдөрбүтүнэн дьахтар эдэр сылдьан сиртэн сиргэ көһө сылдьыбыта уонна кэридэх буолара быһаарыллыбыт.

 

Дьахтар уҥуохтарыгар өлүөн иннинэ дьоһуннаах бааһырыы баара көстүбэтэх — быһа-холоон кини атын биричиинэттэн өлбүт буолуон сөп. Ити дойду диэки соҕотохтуу көмүүлэргэ бааһырыыта суох өлүктэр уратылара эбит. Бааһырыыттан өлбүт дьону биир улахан ииҥтэн ордук чаастатык булаллар.

 

Бу иннинэ учуонайдар викиҥнар наар сэрииһиттэринэн эрэ биллибэттэрин быһаарбыттар. Өр кэм устата кинилэр эйэ-дэмнээхтик ыаллыы дойдулары кытта олорбуттар уонна орто үйэтээҕи Европа элбэх дойдуларын кытта эргинэллэр эбит.

 

Naked Science

#гуманитарные_науки, #сахалыы

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации