home
user-header

                        
                        
Австралияҕа 100 сыл анараа өттүгэр сүппүт үөн-көйүүрү булбуттар
9 октября 2017 г., 23:19 170

Учуонайдар Австралия Лорд-Хау диэн арыытыгар ааспыт үйэ 20-ис сылларыттан көстүбэтэх үөн-көйүүрү булбуттар – Dryococelus australis палочнигы. Чинчийии түмүктэрин Current Biology сурунаалга таһаарбыттар.

Rohan Cleave, Melbourne Zoo


 

1918 сыллаахха арыы аттыгар уу аала саахаллыытын түмүгэр арыыга хара күтэрдэр баар буолбуттар. Олор тарҕаныылара арыыга хас да дэҥҥэ көстөр чыычаах бииһэ, үүнээйилэр уонна тоноҕоһо суохтар (бспозвоночные), ол быыһыгар  D. australis суох буолббуттар. 1960 сыллардаахха кэккэлэһэ турар Болс-Пирамид диэн арыыга палочник хас да өлүгүн булбуттар. Тыыннаах палочнигы булбатахтарын иһин уонна өлүктэрэ D. australis-тан кыра атыннаахтарын иһин көрүҥү сүппүт дии саныы сылдьыбыттар.

 

2001 сыллаахха Болс-Пирамидка кып-кыра D. australis колониятын булбуттар. Олор бары тыһы буолан биэрбиттэр уонна партогенез көмөтүнэн ууһатаналлар эбит. Булуллубут колонияны учуонайдар искуссветннай ууһатыныы программатыгар киллэрбиттэр.

 

Учуонайдар булбут үөн-көйүүрдэрэ D. australis көрүҥэ буоларын толору эрэммэтэхтэр – кинилэр урут булуллубут көрүҥнэртэн атыннаахтар эбит. Ол гынан  баран 2017 сыллаахха ыытыллыбыт ДНК аналиһа саарбаҕалааһыны үрэйбит, төһө да тас өттүнэн атыннааххтарын үрдүнэн аныгы да, былыргы да көрүҥнэр араастаһыылара 1% аҕыйах эбит. 

 

 

2018 сылга Лорд-Хау арыыга күтэрдэри өлөрөр программа ыытыллыаҕа. Ол кэннэ чинчийээччилэр D. australis олорор эйгэтигэр төннөрүллүөҕэ. Билигин палочник сүтэр кутталлаах көрүҥнэргэ киирсэр.

 

Газета.ру

#естественные_науки, #экология, #сахалыы

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации