home
user-header

                        
                        
Үүт соһумар кутталын булбуттар
13 февраля 2018 г., 02:24 726

АХШ-ҕы ыарыылары хонтуруоллуур уонна профилактикалыыр киин үлэһиттэрэ быһаарбыттарынан ыаныллыбыт үүтү иһии антибиотиктарга туруктаах инфекциялар тарҕаныыларын кытта ыкса сибээстээҕин быһаарбыттар. Ол туһунан ArsTechnica билиһиннэрэр.

Максим Богодвид / РИА Новости хаартыската


 

2016 сыллаахха Колорадо штатыгар Campylobacter jejuni бактериянан 12 ыалдьыбыта биллибит, ол бактерия куртаҕы уонна очоҕостору бааһырдар, атын органнарга иккис ыарыы тарҕанар кииннэрэ буолар, ону таһынан абсцесстары уонна некрозтары ыҥырар эбит. 

 

Төһө да штатка ыаныллыбыт үүтү атыылыр бобуулааҕын үрдүнэн сорох фермердар хаһаайыстыбалара ити бобууну кэһэллэрэбит. Эпидемия 171 хаһаайыстыбаҕа тарҕаммыт, сэрэтии кэнниттэн 91 эрэ хаһаайыстыба атыыны тохтоппут.

 

Чинчийээччилэр бэлиэтээбиттэринэн, ыаныллыбыт үүттэн Campylobacter jejuni инфекция тарҕаныыта 2015 сылтан саҕаламмыт. 1993 сылы кытта тэҥнээн көрдөххө 2015 с. ыарыы тарҕаныыта түөрт төгүл элбээбит. Ону туран ыаныллыбыт үүттэн пастеризацияны ааспыт үүтү кытта тэҥнээтэххэ ыарыы 150 төгүл элбэх эбит.

 

Campylobacter jejuni  ыарыы бэлиэлэринэн очоҕоһун тартарыыта, хотуо, лихорадка уонна ис ыарыылара буолаллар эбит. Микроорганизмнар бэйэлэрэ ууга уонна киһи сиир аһылыктарыгар көстүөн сөп, ол быыһыгар үүккэ. Ону таһынан ыарыы үс антибиотиктарга бэриммэт: Тетрациклинҥа, налидикс аһыытыгар уонна ципрофлаксациҥҥа.

 

Lenta.ru

#медицина, #сельское_хозяйство, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации