home
user-header

                        
                        
Ыттар оһоҕосторун микрофлората киһи киэнигэр майгынныыр
23 апреля 2018 г., 20:58 322

Кутуйахтардааҕар уонна сибиинньэлэрдээҕэр ыттар оһоҕосторун микробиомнара киһи киэнигэр ордук чугас. 


 

Европатааҕы молекулярнай биология лабораториятын (EMBL) уонна Nestlé Research тэрилтэ учуонайдара дьиэтээҕи ыттар оһоҕострун микробиомун чинчийбиттэр, онно кинилэр микрофлоралара кутуйахтардааҕар уонна сибиинньэлэрдээҕэр чугаһын быһаарбыттар. Ол туһунан Microbiome сурунаалга ыстатыйа таһаарбыттар.

 

Ыстатыйа автордара микрофлора «генетика киэбин (профиль)» чинчийбиттэр уонна ас белоктара уонна углеводтара киһиэхэ уонна ыттар араас боруодаларыгар тэҥник дьайарын көрдөрбүттэр. Эмиэ биһиэхэ курдук, орто ыйааһыннаах кыыллардааҕар уойуунан ыалдьар ыттар микрофлоралара элбэх белоктаах аска ордук билимтиэ эбит. Уонна төттөрүтүн, ыттарга да, дьоҥҥо да сөптөөх оһоҕос микрофлората ордук бигэ таһымнаах. 

 

Экспэримиэн оҥорорго 64 ыты талбыттар: аҥаарынан бигллары уонна ретривердары, орто да ыйааһыннаахтары, үрдүк да ЭМИ (ИМТ) көрдөрүүлээхтэри. Ый устата кинилэри ыт мэлдьи аһыыр (обычный) аһылыгынан аһаппыттар, ол кэннэ икки бөлөххө араарбыттар. Иккис ыйга бастакы бөлөх ыттара элбэх белоктаах уонна кыра углеводтаах аһы аһаабыттар, иккис бөлөх төттөрүтүн аһаабыттар. Учуонайдар кинилэр фекалияларыттан бактерийалар ДНК-тын ылбыттар уонна 1.25 мөл кэриҕэ геннары каталогтаабыттар.

 

Ол кэннэ ити «генетика киэбин» дьоннор, сибиинньэлэр уонна кутуйахтар киэннэрин кытта тэҥнээбиттэр. Киһи соһуйуох, ыттар микрофлораларын киэбэ дьоннор киэнигэр ордук чугаһын көрдөрбүт — төһө да уойуу проблемаларыгар үгэс быһыытынан сибиинньэлэри уонна кутуйахтары тутталларын үрдүнэн. «Биһиги үлэбит көрдөрөрүнэн ыттар ордук сөп түбэһэр модель буолуохтарын сөп, — диир автордартан биирдэстэрэ Луис Педро Коэльо(Luis Pedro Coelho). — Кинилэри дийиэталар киһи микрофлоратын дьайалларын үөрэтиэххэ сөп, оттон дьоннор ыттар аһыыр астарын үөрэтэргэ модель буолуохтарын сөп».

 

Naked Science

#естественные_науки, #медицина, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации