home
user-header

                        
                        
Саҥа чинчийии Гитлер кырдьыктык 1945 с. өлбүтүн бигэргэттэ
21 мая 2018 г., 19:52 321

Франция чинчийээччилэрэ биллэрбиттэринэн Адольф Гитлер 1945 с Берлин куоракка цианид дьааты иһэн уонна бэйэтин бэйэтэ ытынан өлбүт. Ол туһунан European Journal of Internal Medicine сурунаалга сигэнэн phys.org суруйбут.

https://indicator.ru/imgs/2018/05/21/03/20246/0da7e86c4c7440775308d5c103cb34877d8fbfdc.jpg

Адольф Гитлер Юлиус Шрек диэн хамначчытын кытта (Wikimedia Commons хаарт)


 

Чинчийээччилэргэ фюрер ордон хаалбыт тиистэрин кыырпаҕын биэрбиттэр, олор уонна бас уҥуоҕун (череп) кыырпахтарын кытта Москваҕа харалла сыталлар. Бу иннинэ ол уҥуохтар Гитлер киэнэ буолбатах диэн араас сабаҕалааһыннар бааллара, онтон сылтаан Рейх тойоно ханна эрэ куоппут диэн конспирология теорияларын үөскэппит.

 

«Тиистэр дьиҥнээхтэр, ол туһунан туох да саарбаҕалааһын суох. Биһиги чинчийиибит Гитлер кырдьык 1945 с өлбүтүн дакаастыыр, - диэбит профессор Филипп Шарлье уонна эбэн биэрбит: Биһиги туох баар кистэлэҥ киксии теорияларын (теория заговоров) тохтотуохпутун сөп. Кини уу аннынааҕы оҥочонон Аргентинаҕа куоппатаҕа, кини Антарктидаҕа кистэлэҥ базаҕа эбэтэр Ый кэтэх өттүгэр олорбот.»

 

https://indicator.ru/imgs/2018/05/21/07/20247/eac9385514f6e0d5ac64494e32b12cd626a3c5dc.jpg

ФСБ биэрбит Адольф Гитлер тиистэрин кыырпаҕа (P. Charlier at al. хаарт.)

 

Гитлер тиистэрин кыырпаҕа уонна араас элбэх протезтара көрдөрбүттэринэн үрүҥ тиис тааһа баара биллибит уонна биир да эт сиэбит суола көстүбэтэх - диктатор вегетарианец эбит.

 

Тиистэртэн ураты чинчийээччилэр түмсүүлэрэ фюрер баһын уҥуоҕун көрбүттэр, онно кинилэр хаҥас өттүгэр хайаҕас баарын көрбүттэр, ол, быһыыта, буулдьаттан үөскээбит буолуон сөп. Образецтары ыларга учуонайдарга көҥүллээбэтэхтэр. Ол үрдүнэн учуонайдар кыырпах морфологията Гитлер өлүөн биир сыл иннинэ оҥоһуллубут рентегенограмманы кытта «толору сөп түбэһэр» эбит чуолкайдаабыттар.

 

Чинчийии Гитлер 1945 с. муус устар 30 күнүгэр Берлиннааҕы бункерын иһигэр өлбүтүн бигэргэтэр, ону таһынан туохтан өлбүтүн эмиэ көрдөрөр.

 

«Биһиги кини өлөрүгэр тугу туттубутун билбэт этибит, буулдьаны дуу, цианид ампулатын дуу. Быһа холоон иккиэннэрин тэҥҥэ туттубут», - диир Шарлье. Тиистэрин чинчийиитигэр туох да буорах суола суох эбит, ол аата, кини моойугар эбэтэр сүүһүгэр ытыммыт эбит. Күөхтүҥү дьапталлар (отложения) «цианид протез тимирин кытта дьайыытын көрдөрүөн сөп», - диир чинчийээччи.  .

 

2017 с кулун тутарга уонна от ыйыгар Россиятааҕы ФСБ сулууспата уонна гос.архив 1946 сылтан бастакы чинчийээччилэр бөлөхтөрүгэр диктатортан хаалбыт кыырпахтары үөрэтэргэ көҥүл биэрбит, - диир Филипп Шарлье.

 

Научная Россия

#гуманитарные_науки, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации