home
user-header

                        
                        
Эмчиттэр битэмиин эбиликтэригэр туһаны да, куһаҕаны да булбатахтар
30 мая 2018 г., 17:03 312

Метачинчийии түмүгүнэн битэмиин уонна мультибитэмиин комплекстара туох да уһулуччу туһалааҕын булбатахтар.


 

Улахан Канада учуонайдарын бөлөҕө Journal of the American College of Cardiology сурунаалга тарҕаммыт битэмиин уонна мультибитэмиин эбиликтэрин (добавки) тохсунньу 2012 саҕалаан алтынньы 2017 сылыгар дылы бэчээккэ тахсыбыт системаламмыт түмэн көрүү (обзор) түмүгүн таһаарбыттар. Үлэ көрдөрбүтүнэн араас ыарыылартан өлүүгэ туох да сабыдыала суох.

 

«Киһи дьиктиргиэх ордук тарҕаммыт эбиликтэр ордук кыра туһалаахтар — диир чинчийээччилэртэн биирдэстэрэ Дэвид Дженкинс (David Jenkins). — Биһиги түмэн көрүүбүт көрдөрбүтүнэн холобура эһиги мультибитэмииннэри, D битэмиини, кальцийы эбэтэр С битэмиини иһиэххитин баҕардаххытына куһаҕаны оҥоруо суоҕа, ол гынан туһаны эмиэ аҕалыа суоҕа».

 

Ырытыллыбыт эбиликтэри автордар үс бөлөххө араарбыттар уонна бастакы эрэ бөлөххө кыра туһаны аҕаларын булбуттар (битэмиини иһэн баран өлүү куттала суох буолар корреляциятын): фолий аһыыта (фолиевая кислота) уонна В битэмиин бөлөҕө сүрэх уонна тымыр ыарыыларыгар кыратык дьайар кыахтаах. Иккис бөлөх (мультибитэмииннэр, С уонна D битэмииннэр, бета-каротин, кальций, селен) туох да туһаны аҕалбат; оттон үһүс бөлөх (антиоксиданнар, ниацин) битэмииннэрин иһии төттөрүтүн куһаҕаны аҕалыан сөп.

 

«Араас аһы кыттар сиэнэр (ол быыһыгар ас тиийэр уонна тиийбэт режимнарыгар) эбиликтэр туһалааҕын биир сүрүннээх дакаастабылын көрдөрбөтүлэр», — диэн учуонайдар түмүктүүллэр.

 

Naked Science

#медицина, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации