home
user-header

                        
                        
Күөх чэй сорҕото инфарктан көмүскүө диэбиттэр
4 июня 2018 г., 17:57 765

Чэйгэ баар EGCG молекулалара хорук тымыр (артерия) бөлөнөҕүн (тромб) туура тардар уонна инфарктка тиэрдэр белогу алдьатар.


 

Күөх чэй уустук молекулаларын, галлата эпигаллокатехинынан (EGCG), уһулуччу баай. Ол молекулалар чэй араас туһатын кытта ситимнээх, ол быыһыгар рак ыарыы уонна ниэрбэ кэхтиитин (нейродегенеративный) ыарыылар сайдар кутталларын ачатыыта буолар. Британия учуонайдара өссө биир кэрэхсибиллээх туһаны булбуттар — тымыры бүөлүүр уонна инфарктка тиэрдиэн сөптөөх бөлөнөхтөр үөскээһинин бытаардыы.

 

Соторутааҕыта оҥоһуллубут чинчийии көрдөрбүтүнэн EGCG «үчүгэй холестерины» сүгэр белок, аполипопротеин А1 (apoA-I), дьайар эбит. Ол туһунан Ланкастер университет профессора Девид Миддлтон (David Middleton) коллегаларын кытта Journal of Biological Chemistry сурунаалга ыстатыйаларын таһаарбыттар.

 

Биллэринэн apoA-I  «ыраас» протеин сааһыран истэҕин ахсын организмҥа мунньуллан иһэр уонна биирдэ эмит тымыр эркиннэригэр мунньуллубут белог бөлөнөхтөрүн туллалларыгар көҕүлүүр — бу маннык инфаркт үөскүүр. АpoA-I чэйгэ эбэн баран Миддлтон коллегаларын кытта микроволновкаҕа сылыппыттар, ол түмүгэр EGCG белок салааларын кэлгийэр уонна кинилэр алдьаныыларын көҕүлүүр, ол түмүгэр буортута суох фрагменнар үөскүүллэр. 

 

Учуонайдар чэйи өлгөмнүк иһии сүрэх уонна тымыр ыарыыларыттан көмүскүүр диэн этэр кыах суох. Ордук ол ыарыыттан көмүскүүр ньымалар — табах тардыытын быраҕыы, эти сөптөөхтүк үлэлэтии (физическая нагрузка), баланстаммыт аһылык уонна стресстар суохтара.

 

Naked Science

#медицина, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации