home
user-header

                        
                        
8 сыл иһигэр Мексикаҕа ягуардар ахсааннара 20% үрдээбит
18 июня 2018 г., 20:03 245

Билиҥҥи туругунан айылҕаҕа сылдьар ягуардар ахсааннара 4800 куоһарбыт, ол эбэтэр 2010 сылтан 20% элбэх. Ол туһунан phys.org портал суруйар. Үчүгэй сонуну Мексикатааҕы Аан дойду айылҕа харыстабылын фондатын (WWF) сайтыгар суруйбуттар

«Reino Animal» диэн мексикатааҕы зоопарк икки эдэр ягуара (Phys.org хаартыската)


 

Айылҕа кыылларын ахсаанын Мексика уон штатыгар ыыппыттар. Онно 16 тэрилтэ уонна 25 наука бөлөх чинчийээччилэрэ кыттыбыттар уонна барыта холбоон 396 камераны туттубуттар.

 

«Ягуардар бааллара экосистема үлэлиирин туоһулуур, отунан аһыыр кыыллар ахсааннарын тутар уонна айылҕа чөл туруктааҕын көрдөрөр», – Элиот Сарса (Heliot Zarza), ягуардары харыстыыр дойдутааҕы альянс (National Jaguar Conservation Alliance) вице-президена, диэн бэлиэтиир.

 

Ягуар – куоскалар бииһин-ууһун сиэмэх кыыла, Хоту уонна Соҕуруу Америкаларга тарҕаммыт кыыл. Чуоҕур (пятнистый) куоскалар Америка 18 дойдутугар бааллар, олортор 90% Амазония тропик тыатыгар бааллар. Тас өттүттэн ягуар леопардка майгынныыр, ол гынан баран быдан улахан. Сиэмэх кыыл 100 киилэҕэ дылы ыйааһыннаах буолуон сөп. Ол гынан баран Мескика ягуардара сэдэххэ 60 киилэни куоһурар.

 

Аан дойдутааҕы айылҕа харыстабылын сойууһун дааннайдарынан, тыаҕа быһа холоон 64 тыһ ягуар баар, олор ахсааннара аччаан иһэр, оттон сылтаан сүтэр кутталлаах. Мексикаҕа өссө 2005 с дойду пааркаларын сулууспата ягуардары харыстыыр программатын саҕалаабыт. Чуолаан эттэххэ чуоҕур куоскалар ахсааннарын кини элбэппит. Соторутааҕыта инник программалары атын дойдулар ылыммыттар. Бу сыл кулун тутар 1 күнүгэр 14 Латыын Америка дойдулара ХНТ-га (ООН) 2030 сылга диэри улахан куоскалары харыстыыр программаны олохтуурга сөбүлэһии түһэрбиттэр.

 

Научная Россия

#экология, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации