home
user-header

                        
                        
Футбол фанаттарын бардамнарын сүрүн төрүөтүн быһаарбыттар
25 июня 2018 г., 20:01 284

Учуонайдар 2014 с. Бразилияҕа буолан ааспыт футбол чемпионатын фанаттарын бөлөхтөрүн быһыыларын ырыҥалаан көрөн баран кинилэр бардамнарын (агрессия) төрүөтүнэн ыалдьааччылар (болельщики) истэригэр баар ситимнэртэн тутулуктаах диэн түмүккэ кэлбиттэр. Маны таһынан чинчийээччилэр атын да уордайбыт бөлөхтөр мотивациялара эмиэ инник буолуон сөп диэн сабаҕалыыллар. Чинчийии Evolution & Human Behaviour сурунаалга таҕыста

https://indicator.ru/imgs/2018/06/25/08/21067/661abf69ac498a2b7a4dffe06283318df2fa5753.jpg

Umit Bektas/Reuters


 

Ыалдьааччылар араас элбэх улахан күрэстэргэ бардамнык тутталлар. Ордук харахха быраҕаллар көстүү футбол турнирын кэмигэр баар. Учуонайдар итини бэлиэтии көрбүттэрэ ырааппыт. Урукку үлэлэргэ чинчийээччилэр инник быһыы-майгы бастатан туран урут эмиэ бардамнык тутта-хапта сылдьыбыт дьоннорго көстөр диэн этиини тутуһаллар эбит.

 

Саҥа чинчийиигэ учуонайдар Бразилия 465 фанатын чинчийбиттэр. Ыалдьааччылар улахан аҥаардара бэйэлэрин бөлөхтөрүн таһыгар асоциальнай быһыы-майгыны көрдөрбөттөр эбит. «Биһиги үлэбит көрдөрөрүнэн күлүгээннээһин дэҥҥэ тахсыбат эбит, — диир Оксфорд университетыттан сылдьар үлэ бастыҥ автора Марта Ньюсон. — Бардам быһыы-майгы наар кэриэтэ куттал төрүөтүгэр хайысхалаах, холобура: куоталаһар бөлөх ыалдьааччылара эбэтэр, ардыгар, полиция. Аллаах (рьяный) ыалдьааччылар истэригэр киирии сонно-тута күлүгээннээһин төрүөтүн үөскүүр факторын үрдэтэр».

 

 

Төһө да чинчийиигэ Бразилия футбол фанаттара кыттыбыттарын үрдүнэн чинчийээччилэр атын да бөлөхтөр быһыы-майгыларын эмиэ инник быһаарыахха сөптөөх дииллэр, спорт эрэ эйгэтигэр буолбакка, холобура, политика уонна итэҕэл экстремистэрин бөлөхтөр. «Кыргыһар бөлөхөр төрүөттэринэн буолар психология быһыыта киһи эволюцийатын биир тутаах бэлиэтэ, — диир Ньюсон. — Бөлөххө хайаан даҕаны атыттартан ордук элбэх ас, улахан сир уонна элбэх биир санаалаах дьоннордоох буолуон наада. Ити биис-уус психологиятын биһиги аныгы фанаттар бөлөхтөрүгэр көрөбүт».

 

 

Автордар санааларыгар инник радикальнай көрүүлээх ыалдьааччылары кытта охсуһуу, холобура, харах уутун таһаарар гааһынан (слезоточивый газ) быһыыта таһаарыыта суох. Ити барыта бөлөх өссө чиҥээн биэрэригэр тиэрдэр. Итини «биир санаалаахтар холбоһуулара» диэн психология концепцията быһаарар. Ити концепция этэринэн тас баттабыл бэйэн бөлөҕүн дьонун көмүскүүргэ тиэрдэр. 

 

 

Индикатор

#психология, #спорт, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации