home
user-header

                        
                        
Элбэх калорий күнүскү уонна киэһээҥҥи сынньалаҥҥа баранар
12 ноября 2018 г., 19:50 255

Дьоннор күнүс эбэтэр киэһэ сынньанар буоллахтарына 129 калориянан элбэҕи барыыллар, ол туһунан Current Biology суруйбуттар. Түүнүн уонна сарсыарда ити биология процеһа быдан бытааннык барар эбит. Түмүктэр көрдөрөллөрүнэн, киһи доруобуйатыгар биһиги аспыт эрэ буолбакка хайдах сынньанарбыт эмиэ улахан суолталаах.

Science News хаартыската


 

Сынньалаҥ кэмигэр уматыллар калориялар организмҥа араас «уматык» буолар: тахсыбыт энергия мэйии үлэтин көҕүлүүр, эппит температуратын биир таһымҥа тутар. Урут чинчийээччилэр атын-атын дааннайдаахтар эбит: калорий биир тэҥ скуораһынан умайаллар эбэтэр ити процесс киһи биологиятын чаһыытыгар бас билинэр дуу диэн. Билигин иккис сценарий буолара чуолкайданна.

 

Brigham and Women's Hospital Балыыһа (АХШ) учуонайдарын чинчийиилэригэр 7 кыттыбыт. Кинилэр күн ханнык кэмигэр баалларын билбэтиннэр диэн үс нэдиэлэ устата түннүгэ суох хосторго олорбуттар. Хас күн ахсын холонон көрүнээччилэр (испытуемые) ааспыт күнтэн 4 чааһынан хойут утуйа бараллар эбит. Быһа холоон эттэххэ кинилэр аан дойдуну биир нэдиэлэнэн эргийэн кэлбиттэр диэххэ сөп. График уларыйыыта чинчийээччилэргэ хас биирдии холонон көрүнээччилэр ритмнарын айылҕатын тас дьайыыта суох үөрэтэргэ кыах биэрбит. 

 

Кыттааччыларга калорий умайыытын чуоккай «расписанийата» баара көстүбүт. Ол гынан баран бириэмэ муҥутуур улахана (максимум) уонна муҥутуур кырата (минимум) араас-араас эбит. Инник гынан ортотунан ордук элбэх калорий киэһэ биэс чааска умайар эбит, ол гынан баран сорохторго муҥутуур уһук күнүс икки чааска, сорохторго киэһэ аҕыс чааска. Муҥутуур кыра калорий сарсыарда биэс чааска умайар эбит. Хас биирдии киһиэхэ ол бириэмэ иккиттэн биэскэ дылы халбаҥныыр (варьировать) эбит.

 

Бу уларыйыылар суука ритмнарын айылҕата буолар дииллэр чинчийээччилэр. Кэмниэ-кэнэҕэс, сорох дьон күөрэгэйдэр, сорохтор - мэкчиргэлэр. Кинилэр сууккатааҕы чаһыыларын «оҥоһуга» ити уратылары көрдөрөр.

 

Научная Россия

#медицина, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации