home
user-header

                        
                        
Волга кытылыгар волгатитаны булбуттар
10 декабря 2018 г., 17:49 290

Ульяновскайтан 5 км сиргэ, Волга 6р8с кытылыгар, палеонтологтар сиргэ 130 мөл. сыл сыппыт эрдэ биллибэт динозавр 7 тоно5ос уҥуохтарын булбуттар. Былыргы сүүнэ улахан рептилияны волгатитан диэн ааттаабыттар. Чинчийии түмүгүн Biological Communications сурунаалга таһаарбыттар.

https://indicator.ru/imgs/2018/12/09/06/23954/5da06cb345df9a295ad0934ce8d2006b834d9be3.jpg

Титанозаврдарга киирсэр динозавр (Дмитрий Богданов уруһуйа)


 

Волгатитан зауроподтар бөлөхтөрүгэр — 65-200 мөл. сыл анараа өттүгжр олоро сылдьыбыт уһун моойдоох уонна кутуруктаах сүүнэ улахан отунан аһыыр динозаврдар — киирэр. Былыргы көйүүр ыйааһына 17 туонна эбит. Кинини сэттэ кутуругун тоноҕосторун уҥуохтарынан ойуулаабыттар, уҥуохтар улааппыт кыыл киэнэ эбит — ону тоноҕос уҥуохтарын кытта холбуу үүммүт невральнай дуга (ниэрбэлэри уонна тымырдары көмүскүүр тоноҕос чааһа) көрдөрөр.

 

 

Динозавр Volgatitan simbirskiensis диэн ааты сүкпүт. Аата Волга өрүстэн уонна Симбирск куорат (билиҥҥитэ Ульяновскай) төрүттээх. Оттон титаннар диэн Былыргы Греция таҥаралара этэ, олор сүүнэ улахан эбиттэр үһү, ол иһин палеонтология үгэһинэн зауроподтарга киирсэр титанозаврдар бөлөх элбэх динозавр ааттарын төрдүгэр бэриллэр.

 

«Урут титанозаврдар сайдыылара (эволюция) сүннүнэн Соҕуруу Америкаҕа ааспыт уонна хойукку мел периодугар атын көрүҥнэр Хотугу Америкаҕа, Европаҕа, Азийаҕа тарҕаммыттар диэн ааҕыллара — диэн быһаарар СПбГУ профессора Александр Аверьянов. — Азийаҕа эрдэтээҕи мелга атын бөлөх кыыллара баһылаан олорбуттар — титанозавриформалар, соторутааҕыта ойууламмыт сибиротитан курдук кыыллар уустара. Ол гынан баран соторутааҕыта Баҕал илин эҥэригэр булуллубут тенгризавр уонна бу ойууламмыт волгатитан көрдөрбүттэринэн, титанозавр эрдэтээҕи мелга быдан киэҥник тарҕаммыттарын көрдөрөр уонна баҕар сайдыы суолталаах этааптара Илин Европаҕа уонна Азийаҕа барбыт буолуохтарын сөп».

 

Индикатор

#естественные_науки, #наукороссия, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь