home
user-header
    Саха Сиригэр Кэлии герофорд, австрийскай...
    ТААЛА_ХААН - 9 ноября 2018 г., 10:01

    Саха Сиригэр Кэлии герофорд, австрийскай... син-биир өлөр ынахтар оннугар, САХА ЫНАҔЫН ииппиккит буоллар, 
    Саха Ынаҕар бу Модут курдук үчүгэй евро хотон туппуккут буоллар, 
    Саха Ынаҕын мүөттээх аһылыгынан аһаппыккыт буоллар, Саха Ынаҕын премиум-класс добавканнан битэмииннээбиккит буоллар! 
    Саха дояркатын 40 тыһ. хамнастаабыккыт буоллар. 
    Саха ынаҕын үүтүн 60 солк. туппуккут буоллар - САЙДЫЫ, ороскуоту САБЫЫ, инникигэ - ХАРДЫЫ буолуохтааҕа ХААЛЛА!
    Аны, Атын сүөһүнү Саха Сиригэр аҕалымаҥ! 
    Саха Ынаҕын сайыннарыҥ!

    Читать далее 71
    Дьахтар анна алгыска аана аһаҕас.
    ТААЛА_ХААН - 8 ноября 2018 г., 21:30

    Дьахтар анна алгыска аана аһаҕас.

    Эр киһини тустууга, боксаҕа, күрэхтэһиигэ, булка алгыа суохтаах. Былыргыттан ол тутуһуллар. 
    Дьахтар оннооҕор илими, муҥханы, анньыыны, сүгэни, куйууру, уһуктааҕы, сааны,-быһаҕы, эр киһи туттар тэриллэрин үрдүнэн атыллыа суохтаах! - диэн баарын бары да билэр инигит. Дьахтар Атыллаата да бүттэ - ол сэп киртийэр, быртахтанар, балык да туппат, булт да куотар, күрэхтэһиигэ кыайтарар! 
    Дьахтар дьиэ иһинээҕини, дьиэ иһигэр алгыахтаах. Атаарарга, көрсөргө эрэ.
    Дьахталлар дьахталлары алгыахтарын сөп, көннөрү дьүөгэлэһиигэ, эйэргэһиигэ, эйэлэһиигэ. Эр дьону суох!
    Дьахтар төрөппүт уолун, эрин, үлэҕэ-үөрэххэ алгыыр. Урууларга, малааһыҥҥа, түмсүүлэргэ, көрсүһүүлэргэ дьахталлар алгыахтарын син.
    - Онтон спортивнай күрэхтэһиилэргэ, эт-сиин эмтэрийэр киирсиигэ, сыра-сылба баранар охсуһууга (тустуу, бокса, муай-тай, каратэ, кикбоксинг,.. сүүрүү, ытыы, күрэхтэһии бары көрүҥэр), булка-тайахха, табаҕа-бэдэргэ, балыкка-билгэ... - дьахтар алгыыра алдьатыылаах. 
    Дьахтар эмтиэхтээх. Дьахтар - сестра милосердия.
    Эмтиир уонна алгыыр диэн тус-туспалар.
    Дьахталларга барыгытыгар Үтүөнү баҕарабын! 
    Үөрүҥ, Үтүөрүҥ, Үтүөрдүҥ! 
    Эрдэ эмтэрийимэҥ, эрдэ эмээхсин буолумаҥ! 
    Эдэр буолуҥ, Кэрэ буолуҥ! Туох барыта аналлаах!
    Күн баар! Саха Баар! ТАҤАРА Баар!

    ХАРА ТААЛА ХААН.

     

     

     

    Читать далее 5
    МорозДедДорМосСтрой
    ТААЛА_ХААН - 8 ноября 2018 г., 21:00

     

    Читать далее 89
    Сүбэ: Маарыйа Саабына хааны астыыр ньымалара
    ТААЛА_ХААН - 8 ноября 2018 г., 20:33

    Сүбэ: Маарыйа Саабына хааны астыыр ньымалара
    Рая СибиряковаАлтынньы 30 күнэ, 14:52, 2017 3244 көрдүлэр
    Идэһэ кэмэ саҕаланна, саха ыалыгар сибиэһэй эти сиир дьоро киэһэлэр үүннүлэр. Чурапчы Далбар Хотуна Маарыйа Саабына бүгүҥҥү сүбэтэ хааны кутан буһарыыга ананар.

    edersaas.ru. 
    Баччаларга дьиэ кэргэнинэн остуол тула олорон сып-сылаас хааны сиир оо, үчүгэй да буоллаҕа! Сорох эдэр хаһаайкалар ньаҕайа бэрт диэн дуу, эбэтэр наһаа уустук курдук санаан дуу, хааны астыы сатаабаттар. Дьиҥинэн, хааны кутуу бэрт судургу.

    Субайдааһын

    Идэһэ сүөһүтүн өлөрөөт, хаанын лаахтаах иһиккэ сүүрдэн ылылларын бары бэркэ билэҕит. Ол хааны булкуйуллубат, мээнэ хамсатыллыбат. Хааны икки көрүҥҥэ: субайга уонна хара хааҥҥа араарыллар. Субайы, сүрүннээн, убаһа хаанынан бэлэмнииллэр эрээри, ынах сүөһү да хаанынан оҥоруохха сөп. Сүүрдүллүбүт хааны сөрүүн сиргэ туруоран сөҥөрдөн баран (сороҕор хонноруллар) үрдүгэр тахсыбыт дьэҥкирин холбуйан ылыллар. Ити субайдааһын дэнэр. Оттон хара хааны бэлэмнээһин судургу, хааны аҕыйах чаас туруора түһээт, сиидэлээн, убаҕаһын арааран ылыллар.

     

     

    Читать далее 20
    БУОККА БИИР ТАММАҔА
    ТААЛА_ХААН - 8 ноября 2018 г., 20:11

     

     БУОККА БИИР ТАММАҔА 

    Арыгы таммаҕа - ТАҤАРА хараҕын уута буолбатах! 
    Биир хара кут хараҕын уута! 

    Өлбүт, өссө Аллараа Абааһыга Ааспыт Аньыылаах харалаах хара кут, аат уотугар (газка) умайбыт, ытаабыт-соҥообут, ыксаабыт хараарбыт хараҕын хара уута буолар. 
    Арыгы туһунан иһирдьэ суруйуубар этиллибитэ. 

    Читать далее 27