home
user-header
САХА УРУККАТТАН - САХА ОМУК!
3 июля 2017 г., 17:36 117

САХА УРУККАТТАН - САХА ОМУК!

Бэс ЫЙЫН үүнэр кэмигэр, 400 сыл кэнниттэн толору сахалыы ааттаах, сахалыы араспаанньалаах, аҕа ааттаах сахалар, нууччалыы эмиэ "Саха" - дэтэр сахалар, хантан да көһөн кэлбэтэх Боотур Сахалар, төрүт ТАҤАРА итэҕэллээх сахалар, олохтоох омук ааттаах сахалар, төрүт өбүгэ саҥалаах сахалар бастакы ыһыахтара Саха Сирин - Сир Сүрэҕин Киинигэр Хамаҕа Хамаҕаттаҕа, Хара Таала Тыатыгар буолан ааста! 
Бу Ыһыахха Биир даҕаны (ФИО) нууччалыы ааттаах суох. 
Улуу Россия саҥатын алдьатан "баһыыба, боппуруос, эппиэт, маама-паапа..." - диэччи суох, биир да "сэмэнэп, уйбаныап, бөтүрүөп..." - суох, "өлүөскэ, сиэнньэ, бааска..." - суох... "ньукулаайабыс, сиидэрэбис, уйбаанабыс,.." - диэччи суох. 
Бу Ыһыахха Оҕолоро-сиэннэрэ бары, толору сахалыы Ааттаахтар, Аҕа Ааттаахтар, сахалыы Араспаанньалаахтар КҮНҮ айхаллаатылар. 
Биир даҕаны нууччалыы христианскай-православията суохтар. 
Дьиҥнээх сахалыы ТАҤАРА итэҕэллээх сахалар, - КҮНҮ уруйдаатылар, Сир Сүрэҕин ортотун, Эҥсиэли Эбэ Киин Хатыҥ Маһын саламаннан симээтилэр, кымыһынан утахтаатылар.
Дьэ, кэмниэ кэнэҕэс 400 сыл кэнниттэн, бастакы сахалыы ЫҺЫАХ буолан ааспытынан барыгытын Эҕэрдэлиибин!.
Сахалар - Бары, Сир Сүрэҕин олохтоохторо буолабыт. 
Уруйданыҥ-айхалланыҥ, астаныҥ-таҥастаныҥ сахалар! 
Элбээн иһиҥ сахалар!

 

САМААН САЙЫНТАН САЛАЛЛАН СЫРДЫК САЛГЫНЫ САҔААЧЧЫ САХА САМААНА ХАРА ТААЛА.


 

Нравится
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации