home
community-header

                    
                    
Туос түннүгүнэн күн уота, саас мин дьиэбэр киирэрэ, Муостата суох туой буорга, ойуу буолан түhэрэ...
-Айисена. 11 марта 2017 г., 16:40 в САХА ЭЙГЭТЭ 444

 

 


 

 

Мин оҕо сылдьан бу ырыаннан туос түннүгү оҥорон көрө сатыырым. Сырдык киирэрин курдук чап-чараас гыннахтарына тыал хайыта көппөт муҥа дуу дии саныырым. Кэлин улааппытым кэннэ хайдах оҥоһулларын эбээм кэпсээбитэ.

 

Туос өстүөкүлэлээх түннүгү 19-с үйэ бүтэһигэр туттар буолбуттар. Өстүөкүлэ сыыстарынан маннык сайыҥҥы түннүк оҥостоллор эбит.

 

Ол иһин күн уота тыктаҕына муостата суох буорга ойуу буолан көстөрө үһү. Бу хаартыскаҕа көстөрүнэн арыый тэҥ өстүөкүлэлэри ылбыттар. Онтон урут хайдах түбэһэринэн булар буоланнар ойуута симметричнайа суох буолара үһү. Итинник хас да өстүөкүлэни мунньаллар. 


1.    Икки туоска тэҥ заготовка оҥороллор. Өстүөкүлэлэрин ууран төгүрүччү арыый улахан размердаан бэлиэтииллэр. Онтон ортотугар ууран аны өстүөкүлэлэринээҕэр кыра размердаан төгүрүччү быһан ылаллар. Оччоҕуна туос араама буолан тахсар.

 
2.    Туос  + өстүөкүлэ + туос холбуу тутан баран, бэлиэтээбит сирдэринэн тула өттүнэн, өстүөкүлэ икки туос ыккардыгар «хаайтарар» гына, сиэлинэн тигэллэр.


3.    Түннүк размерынан хас да оннук заготовка оҥорон баран аны олору бэйэ-бэйэлэрин кытта холбууллар. (лоскутнай мозаика курдук))


4.    Уонна түннүк арааматыгар саайан кэбиһэллэрэ үһү. 

 

Кыһынын муус түннүгү анал тимиринэн күн аайы кырыатыыллара. Түннүк иэнэ 30х50 см – 60х70 см тиийэ буолара. Ахсаана балаҕан кээмэйиттэн көрөн 2-тэн 9-ка тиийэрэ. Балаҕан соҕуруу, арҕаа өттүнэн түннүктэрдээх буолар эбит. Хоту өттүгэр түннүк туруорбаттар.

 

 

...Тутан ылаааары мин ону, ытыспынан харбыалыырыыым.

Ол сырдык оһуор ойуунууу оҕо эрдэхтэн таптыырыыыым...

 

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации