home
user-header

                        
                        
Ракеталар уонна Саха Республикатын инники соруктара
30 апреля 2016 г., 15:22 в САХА ЭЙГЭТЭ 532

 

 

Бары истибиппит-көрбүппүт курдук, бу ый 28 күнүгэр Циолковский куорат (уруккута Углегорск) "Илин" космодромуттан маҥнайгы ракета көттө, Ракета сүһүөхтэрэ Бүлүүбүт сиригэр уонна Алдаҥҥа таммалаатылар. Түспүт сүһүөхтэр дьааттаахтара, тулалыыр айылҕаҕа уонна дьоҥҥо-сэргэҕэ туох охсууну оҥоруон сөптөөхтөрө биллибэт. "Роскосмос" этэринэн, көтөр ракеталар гептили (тэҥэ суох диметилгидрозин) уматык быһыытынан туттубаттар, онон нэһилиэнньэ долгуйарыгар биричиинэ суох. 

 

Ааспыт үйэттэн саҕалаан Саха Республиката, чуолаан Бүлүү бөлөх сирэ-уота, Сэбиэскэй Сойуус сир аннынааҕы ядернай дэлби тэптэриилэриттэн, космоска көтөр уонна байыаннай баллистическай ракеталар гептиллэриттэн, алмаас хостооһунуттан, ГЭС-тэн уо.д.а  олус элбэх охсууну ылла уонна ыла да турар. Ол да буоллар, нэһилиэнньэҕэ ситэ болҕомто ууруллубат.


Саха Республикатын үрдүкү салалтата, бу буолбут түгэннэри көрөн туран,  туох соруктары ылыныан сөбүй?

 

Бастатан туран, Федерация тэрилтэлэрэ кыттыгаһа суох, бэйэ Республикатааҕы экология мониториҥнарын тэрийиллиэхтээх.
Федерация бэйэтэ эмиэ туспа экология мониториҥын ыытыахтаах, нэһилиэнньэ доруобуйатын кэтээн көрүөхтээх. Бу икки ыытыллар мониториҥнар бэйэ-бэйэлэрин кытта сибээһэ уонна тутулуга суох буолуохтаахтар.

 

Иккиһинэн, Саха Республиката тас сайдыылаах дойдулартан (АХШ, Дьобуруопа дойдулара) экология мониториҥнарын ыытарыгар көрдөһүөхтээх. Салгын, сир, уу анализтарын ыларыгар көҥүл биэриэхтээх. Тиһэххэ, мониториҥнар түмүктэрин тэҥнээн көрүү оҥоһуллуохтаах.

 

Үсүһүнэн, Бүлүү куоратыгар "Роскосмос" билим киинин тутарын ситиһиллиэхтээх. Саха сирин космоһы уонна ракетостроениены үөрэтиитин киининэн Бүлүү куората буолуохтаах. 
Саха сирин бүттүүнүн олохтоохторугар сылга биирдэ босхо КМО (комплексный медицинский осмотр) оҥоһуллуохтаах. 

 

Төрдүһүнэн, "Илин" космодромҥа Саха Республикатыттан тутулуга суох кэтээн көрөр комиссия тэриллиэхтээх. 

 

Саха Республиката, бэйэтэ туһунан омуктаах, итэҕэллээх, тыллаах Республика. Биһиги атын омуктары кытары тэҥҥэ сайдарбытыгар, үөрэҕириибит тэнийэригэр, Саха сирин олохтоохторо ыалдьыбаттарын, доруобай буолалларын, төрөтөр оҕолорбут инникилээх буолалларын инниттэн, Үрдүкү Салалта бары суоллары көрөн, сөптөөхтүк дьаһаныахтаах, кытаанах дьаһаллары ыларыттан уонна ирдиириттэн туттунуо суохтаах.

 

Сайдыы-дьаалы улааттын, сахалыы саҥа сатараатын, Саха омук сайыннын!

30/04/16

 

Нравится
  • 30 апреля 2016 г., 15:33
     
  • 30 апреля 2016 г., 16:04

    Арай Саха Өрөспүүбүлүкэтин үрдүнэн ракета көтөр трассата отой суох буоллун диэтэхпитинэ? Кыаллыа суоҕа диэбит курдук да?

     
    • 30 апреля 2016 г., 16:22

      JuiZ, төһө да утарсыбыппытын үрдүнэн, син биир көтүттүлэр ди. Суол солонно, билигин кэлэн уларытар кыаллыбата буолуо. 

       
      Автор
  • 30 апреля 2016 г., 18:58