home
user-header

                        
                        
Кытайдар, кэриэйдэр, дьоппуоннар саха устудьуонун хараҕынан
23 октября 2016 г., 23:04 в САХА ЭЙГЭТЭ 598

 


 

Бу манна, Кытайга олоруохпуттан, хас да араас омугу кытта алтыһан, бииргэ олорон, ардыгар охсуһан да ылар түгэннэр бааллара. Син омуктар майгыларын биллим диэххэ сөп. Чуолаан кытайдары, кэриэйдэри, дьоппуоннары кытары. Чэ ол курдук кылгастык ойуулаатахха маннык.

Кытайдар - судургулар, кинилэргэ улахан наадата суох курдук. Ол эрэн баай талым олоххо тардыһаллар, өйдөрүгэр-санааларыгар байар эрэ туһунан. Ол араас тэрилтэҕэ, дуоһунаска барытыгар тиийэ дириҥник иҥпит. Дьонтон ураты буолан көстө сатыыллар, ол иһин “аБиБас“ эҥин диэн брендтэри айан таһаараллар. Саамай сыаналаах тэриллэри (айфон сэттиһин, массыынаттан - мерседес бенц, уо. д. а.). Бүтэһик харчыларынан саамай сыаналаах малы-салы ылыахтара. Дьонтон үрдүк буолан көстөөрү. Эмиэрикэ олоҕун үтүктэллэр, эмиэ да Эмиэрикэни абааһы көрөллөр. Саастаах кытайдар нууччалары, Арассыыйаны аймаҕырҕыыллар, эдэрдэр - суох. Бэйэлэрин омугун эмиэ да үрдүктүк тутар курдуктар, эмиэ да сиилииллэр. Дьэ манна баар - бары биир суолунан хаамыы, бииргэ ыллааһын, бииргэ үҥкүүлээһин. Тыһыынчанан эмээхситтэр хас киэһэ аайы уулуссаҕа үҥкүүлүү тахсаллар. Үлэһиттэр да, сүрэҕэ суохтар да элбэхтэр, син биир дьон-дьон курдуктар. Арай үөрэххэ тардыһаллара күүстээх курдук да, эмиэ да билиилэрэ соччо суох курдук. Ахсааннара элбэҕинэн кыайаллар быһыылаах. Соччо ырааһа суохтар. Үгүс кытайдар иһэри сөбүлүүллэр. 
Кэриэйдэр. Урут ытыктыы көрөр курдук омугум, кэлин кинилэри кытта алтыһартан куотунабын. Хадаар, өһөс, киҥнээх, хобу-сиби тарҕатар омуктар. Даа, даа... дорамаҕа көстөр курдук буолбатахтар. Тас көрүҥнэринэн эрэ кэрэлэр, утары кэпсэттэххэ олус үчүгэйдэр, ол эрэн кэннигиттэн кырыы харахтарынан көрөллөр, ырыталлар (уолаттар да хаалсыбаттар). Ол эбэтэр сирэй көрбөхтөр. Бэйэлэрэ тус олохторо суох, дьону ырытан олороллор, кинилэргэ тус-олоҕун туһунан кэпсиэҥ - тута ол күн бүттүүн кэриэйдэр эн тускунан билиэхтэрэ. Кинилэргэ информация олус түргэнник тарҕанарыттан киһи да соһуйар. АРГЫҺЫТТАР. Арба уонна үгүс кэриэй дьиэлэрэ олус ыһыллаҕас, кирдээх буолар. Рзч буолбут омугум. 
Үчүгэй өрүттэриттэн: бэрсинньэҥнэр, кэпсэтинньэҥнэр. Бэлэх бэрсэри да, ылары да астыналлар. 
Дьоппуоннар. Дьоппуоннары кытта олорбут кэмнэрбин ахта саныыбын. Ыраас, чэнчис, чуумпу омуктар. Бииргэ олорор кэммэр биирдэ да улаханнык мэһэйдэппэтэҕим. Сытыы өйдөөхтөр, ырааҕы көрөн толкуйдууллар. Дьоҥҥо мэһэйдээбэт буола сатыыллар уонна дьон мэһэйдиирин эмиэ тулуйбаттар. Үөрүйэх олохторо оннук быһыылаах. Фантазиялара олус сайдыбыт курдук, имэҥи-дьалыҥы үрдүктүк туталлар, онно тардыһар курдуктар, дьиикэйдэр:) Хара сарсыардаттан киэһэ хойукка диэри үөрэнэллэр, өрөбүлгэ эмиэ. Сынньаннахтарына бииргэ олорон кыратык арыгы иһэллэр, астына кэпсэтэллэр. Бэйэлэрин үрдүктүк туталлар, хаһан да тус олохторун, тугу саныылларын туруору этиэхтэрэ суоҕа. Өһү ситиһэр майгылаахтар. Сабыылаах, кистэлэҥнээх омуктар. Хайдах эрэ сахаларга олус майгынныыллар.
Таиланнар. Таиланнары кылгастык эттэххэ - куруук үөрэ сылдьаллар. Сылаас дойдуга олорор буолан буолуо, күн кыһалҕата суохтар. Туох да буоллун - барытыгар үөрэ-көтө сыһыаннаһаллар. Саамай куһаҕан да күҥҥэ кинилэри көрсөн кэпсэттэххэ биирдэ “сырдыы” түһэҕин. Аһара оптимистар. Аһаҕастар. Элэккэйдэр. Хомойдохторуна тута аһараллар.

Уопсайынан азия омуктара арыгыны сөбүлээн иһэллэр диэххэ. Оодьэ, дьэ сахалар арыгыһыт да омукпут диибит да... эһиги кэриэйдэр хайдах иһэллэрин билиэ этигит...) Бу үөһэ суруйуу - ХАЙААН ДА МАННЫК ДИЭН БУОЛБАТАХ, БУ МИН БЭЙЭМ ТУС САНААМ, УОПУТУМ. ИМХО

Нравится
  • 23 октября 2016 г., 23:42

    Омуктары дьэ сиьилиитик ырыппыккын, мин сэхтум. Аан дойдуну баран кэрийэ иликпин, гынан баран ол туьунан санаалар бааллар. Маннык дьон суруйаллара туьалаах диэн саныыбын, син биир киьи хайдах туттарын-хаптарын билэ сылдьахтаах диэн толкудуубун. Араас омук араас еттулээх.

     

    Аны урун омуктары (европейцы) туьунан тугу эмит аа5ыа этим. Нууччалары бары бэркэ билэбит, ол быьыынан ессе да элбэх омуктар бааллар. Англичанин американецтан ду ниэмэстэн ду туох эмит уратылаах ду игин диэн.

     
  • 24 октября 2016 г., 00:29

    Astyna aahtym , mahtal .

     
  • 24 октября 2016 г., 06:53

    Кэриэйдэр наар батталга, атаҕастабылга, кырыымчыктык олорбут омук, баҕар ол иһин оннук буолуохтара. Уонна кытайдар, дьоппуоннар иннилэригэр улахан комплекстаахтар, ону ситиһэ сатыыр курдуктар. Абааһы көрөллөр хайаларын даҕаны, ордук дьоппуону. Ол быыһыгар эмиэ кинилэри үтүктэ сатааһын эмиэ баар. Биһиги нууччаларга сыһыаммытыгар маарыҥнатабын.

     
  • 24 октября 2016 г., 11:16

    Бэрт-бэрт, ессе суруйан ис бу омуктар тустарынан, ыалларбыт буолла5а, онон хайдахтарын билиэхтээхпит.
     

     
  • 24 октября 2016 г., 15:28

    бэт ба5айытык суруллубут:)

     
  • Наһаа үчүгэйдик суруйбуккун, наһаа астына аахтым. Махтал !

     
  • 25 октября 2016 г., 13:35
    аныгыскытын дьэбириэйдэри кытта хохуол омуктары ырытарыҥ буолуо. биһиги дьоппуоннардааҕар кинилэрдиин элбэхтик алтыһабыт
     
  • 29 октября 2016 г., 02:20

    Чэхчы киһи кэрэхсиир. Онтон атыттар? Вьетнамнар? Хаһаахтар? Моҥгуоллар? Уйгурдар хайдахтарый? 

     
  • 9 ноября 2016 г., 20:24

    Дорообо дневниктээххин дьэ көрдүм.Ааттаах үчүгэй.Бу ыстатыйаҥ ватсаапка тарҕанна аҕай.Кыралаан Одун туһунан суруйарыҥ буоллар.

     
    • 10 ноября 2016 г., 01:45

      ivanshamaev, махтал, Уйбаан Уйбаанабыс! барыта баар буолуо аа-дьуо

       

       
      Автор
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации