home
user-header

                        
                        
Киэһээҥи санаалар...
18 ноября 2016 г., 23:19 252

 

Оо... урут төрөөбүтүм буоллар. Ааспыт үйэ биэһэнис-алтыаныс сылларыгар... Сибилигин дьэҥкир таастаах чэрэниилэҕэ мас бөрүөбүн булкуйан ыла-ыла туох эрэ өйдөөҕү суруйбута буолуох этим. Хас сарсыарда ахсын эрдэ туран ынахха от быраҕа тахсыах этим, ол кэннэ ыан баран ханна да ыксаабакка үүт туттара барыах этим. Күнүһүн биир луоску ынах арыыта буккуллубут тар хааһытин сии-сии сибиниэһинэн бэчээттэммит хаһыаты ылан эргитэ сылдьан ааҕыах этим Ол кэннэ эмиэ үлэлии барыах этим... Сынньалаҥҥа доҕотторбун кытта айах атан астына-дуоһуйа ырааҕы-чугаһы сэлэһиэх этим, эбэтэр таһараа ыалбыт Ньукулай оҕонньордооххо ыалдьытыы, үүттээх чэй иһэ тахсыах этим. Эргэ ыскааппар туруохтар этэ араас былыргы халыҥ да халыҥ кинигэлэр. Биирдэ эмит ыарахан ыйааһыннаах граммофоммун хостоон пластинкалары холбоон ырыа истэн дуомнуох этим. Киэһэтин уу-чуумпуга араадьыйа "улуйарын" истэ-истэ күннээҕи үлэттэн сылайбычча кытаанахтык даа утуйуох этим... 
Оттон билигин? Сүүр-көт, төһө да тугу баҕар гын - бу барыта оруна суохха дылы, уонна күн сарсын умнуллуо турдаҕа. Өйдөһөр-өйдүүр да дьон суоҕун тэҥэ. Бары "хаппахтаах халлааҥҥа“ хаайтаран сылдьаахтыыбыт. Күнтэн-күн олох тэтимэ түргэтээн иһэр. Манна мин өйүм-санаам, этим-сииним бэлэмэ суох. Ардыгар кини элбэҕи өйдөөбөт, ардыгар кини манна бас бэринэргэ тиийэр, ол онтон кини санаарҕыыр уонна мунчаарар. Муунтуйар.
Хомойуох иһин, алдьаммыт сүүрбэ биирис үйэ ыччатабын. Айыы айбыта-туппута оннук буоллаҕа. Бассаап, инстаграам, айпуон, ол-бу буолар-буолбат... Бу барыта миэнэ буолбатах эбээт. Ол эрэн маны хайдах да уларытар кыах суох. Соҕотоҕун. Олох тэтимэ оннук. Сөпкө этэллэр кырдьаҕастар: “биһиги ыарахан кэмҥэ олорбуппут, оттон эһиги олоххут өссө ыарахан буолуо“ - диэн... Санаарҕыыбын төрүт алаастарбыт оттоммокко быраҕыллан иһэллэриттэн, тыа сириттэн ыччат бара турарыттанн, урут күннэтэ оонньуур халдьаайыбыт иччитэхсийбитэ ырааппытыттан. Санаарҕыыбын сайын оттуу барар ыллыктарбыт сылтан-сыл сүтэн-оһон иһэллэриттэн, таһырдьа оҕолор оонньообот буолбуттарыттан, ыаллар ынахтарын эһэ туралларыттан. 
Бу барыта - мин кыракый сүрэхпэр ыар ыйааһын буолан аала, аллараа баттыы сылдьар.


Оо... урут төрөөбүтүм буоллар.

  • 19 ноября 2016 г., 00:20
    ID_YKT.RU   Пожаловаться

    Киэһээҥҥи

    • Автор
      19 ноября 2016 г., 05:51
      Alaas_uola   Пожаловаться

      ID_YKT.RU, Киэһээҥи диэн буолар

    • Автор
      19 ноября 2016 г., 10:38
      Alaas_uola   Пожаловаться

      ID_YKT.RU, Дапсы хайдах саҥараҕын да оннук суруйаҕын диэбитэ баар. Ити биир. Иккиһинэн сарсыардааҤы, ылааҤы, киэһээҤи диэн эбитэ буолуо эрээри, чахчы сыыһа суруйбуппун быһыылаах. 

      Ол эрэн дьыала сыыһа суруйуутугар буолбатах.

  • 19 ноября 2016 г., 16:33
    -Айисена.   Пожаловаться

    Оо... урут төрөөбүтүм буоллар.

    кураанаҕынан кэмсинии... ыл да оҥор ээ. өбүгэлэриҥ өтөхтөрүн тахсан сөргүт. ити самныбыт дьиэлэр, сатарыйбыт күрүөлэр оннуларыгар саҥа тутуута тут. сибилигин...сүүрэр-көтөр, кыанар эрдэххинэ. аныгы үйэҕэ саха санаабыта барыта баар. чэпчэки пластмасс турбалары өтүүктээн кэбистиҥ да благоустройство бэлэм, кытай тыраахтыра оттуурга баар. кимэн киирбит талах сыыһын барбах аҕай японс хотуурунан имэрийтэлээн ходуһаҕын сыл аайы ыраастаан биэрэ турдаххына тоҕо оһуой, быраҕыллыай? дьэ, кырдьык урут баар этэ, илииннэн кээһэн оттуур. билигин тыаҕа олорон сибиэһэй  аһынан аһыырга туох баар усулуобуйа барыта баар. сүрэх-бэлэс, доруобуйа эрэ наада. 

    • Автор
      19 ноября 2016 г., 16:40
      Alaas_uola   Пожаловаться

      -Айисена., манна бэйэм туспунан буолбакка эрэ, омук туьунан суруйуу. Ейдеебекке эрэ мээнэ суруйуохха диэн суруйуу буолбатах..

      • 19 ноября 2016 г., 21:05
        -Айисена.   Пожаловаться

        Alaas_uola, мин хоруйбун эмиэ оннук өйдөө ээ. хас биирдии киһи бэйэтиттэн саҕалаатаҕына бүтүн омук олоҕор олук ууруо дии саныыбын. 

  • 20 ноября 2016 г., 01:35
    Январина   Пожаловаться

    саамай сепке суруйбуккун. куннээ5инэн быьаарыныы биьиэнэ. ына5ы эьии, ходуьалары быра5ыы содула сотору биллэрэ буолуо...

    • Автор
      20 ноября 2016 г., 04:57
      Alaas_uola   Пожаловаться

      Январина, биллэн, чуолаан Булуу белех уонна Хоту улуустарга биллиэн сеп

Чтобы оставить комментарий, вам нужно авторизоваться
с помощью аккаунта в соц.сети
Читайте также

 

На прошлой неделе мы совершенно анонимно на 5 АЗС города Якутска взяли пробы бензина Аи-92. Почему Именно 92? Ну в качестве разминки, основным мы все таки считаем с учетом значения для различных структур дизтопливо.
До этого коллеги с Рен ТВ делали подобные испытания, и "Якутск Вечерний" тоже делал анонимные тесты. Результаты в принципе сходятся, равно как и то, что по некоторым основным показателям в целом все ровно.

Единственным минусом и наших, и тестов коллег можно считать один факт. Сертифицированная лаборатория у нас одна, и расположена она в Жатайской нефтебазе. Мы обратились в СВФУ, нам порекомендовали прогнать еще и в лаборатории ГПЗ Сахатранснефтегаза. Под катом много фото и видео.

Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации