home
user-header

                        
                        
Учуутал
6 февраля 2017 г., 01:21 142

Учуутал диэн үрдүк аат.

Михаил Андреевич Алексеев аатынан Үөһээ Бүлүүтээҕи Өрөспүүбүлүкэтээҕи гимназияҕа, кылгастык да буоллар, үөрэммитим диэн, саныырга астык. Ол эрэн, аныгы алдьатыылаах кэм үөрэҕирии систиэмэтигэр ардай тыҥырахтарынан орооһор кэмэ буолан, тулуйбакка, үөрэнэр таһыммын ситэ арыйбакка, Хоро оскуолатыгар көһөргө күһэллибитим. Математика курдук уустук предмети, араас дифференциаллары, первообразнайдары, функция арааһын нуучча тылынан быһааран үөрэтэллэрин өйдөөмүнэ, ЕГЭ-бин кыайан туттарыам суоҕа диэн, оҕо киһи куттанан, гимназияттан барарбар күһэлиннэҕим. Бу - Үөһээ Бүлүүтээҕи Өрөспүүбүлүкэ гимназиятын салалтатын биир сүрүн сыыһата эбит диэн билигин саныыбын. Оҕо төрөөбүт тылынан үөрэнэрэ толкуйдууругар табыгастаах, кини өйүн-санаатын буккуйбат, наука "дириҥ чүөмпэлэрин" хасыһан үөрэтэригэр көмө буолар диэн үөрэхтээхтэр да этэллэр. Ол курдук тыа сирин оҕолоро куорат оҕолорунааҕар үөрэхтэригэр ордук буолаллара эмиэ көрдөрөр.

Михаил Андреевич курдук талааннаах, ханнык да систиэмэҕэ бас бэриммэт, идэтигэр толору бэриниилээх саха инникитин уһансар учууталлар өссө да баар буолуохтара диэн бигэ эрэнэбин! Төрөөбүт тылынан үөрэтии баар буоллун!

Нравится
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации