home
user-header

                        
                        
Арассыыйа табаардарын атыыта. Кытай.
25 апреля 2017 г., 20:59 в ФОТОМАНЫ 3185

 


Бүгүн уулуссанан хааман иһэн, өрүү көрөр, ол эрэн хаһан да киирэ сылдьарга санамматах Арассыыйа Уһук Илиннээҕи табаардара атыыланар лааппытыгар киирэ сырыттым. Лааппы куорат кииниттэн ыраах, дьалты соҕус, Хотугулуу-Илиҥҥи Холбоһуктаах Ил Үрдүк үөрэҕин кыһатын (Северо-Восточный Федеральный Сельско-Хозяйственный Университет) аттыгар турар (Харбин, Сианфаҥ мкр., Гоҥбинлу уул.). Оптуобуска олорон, куруук көрөр этим да, киирэ соруммат этим, тоҕо диэтэр, "Арассыыйа маҕаһыына", "Нуучча лааппыта" диэн сымыйа маҕаһыыннар олус элбэхтэр. Иһигэр киирдэххэ үтүгүннэриллэн оҥоһуллубут сымыйа "Аленка" сакалаат уонна арыгы арааһа эрэ баар буолар. Оттон бүгүн киирэ сылдьыбыт сирим - отой туспа, дьиҥ Арассыыйа аһа-үөлэ, утаҕа, туттар тэрилэ уонна киэргэлэ дэлэй сирэ эбит. Туалиэт кумааҕытыттан саҕалаан кэнсиэрбэлэммит эһэ этигэр тиийэ. Үрүҥ ас, муора бородууксуйата уо.д.а арааһа киһи ааҕан сиппэт элбэх ахсааннаах. 

Чэ, элбэҕи суруйа барбакка, аллара хаартыскалары угабын. Биирдэ көрбүт, сүүстэ истибиттээҕэр ордук.

 

 

 

 

 

 

 

 

 

 

 

 

 

Чээрэ. Кытайдар обургулар барытын ылар эбиттэр.

 

Хаһан даҕаны тыатааҕыны, тайаҕы кэнсиэрбэлииллэрин истибэтэҕим. Ону тэҥэ, кэнсиэрбэлэммит тыатааҕыны Кытайга көрүөм диэн өйбөр да оҕустарбат этим...Дьикти, оччо элбэх тыатааҕы баара буолуо дуо, кэнсиэрбэ оҥоруохтарыгар диэри?... 

 

Таба уонна кабан этэ. Эмиэ кэнсиэрбэлэммит.

 

 

 

Балтика 7, 9...  Пиибэ эгэлгэтэ, арыгы арааһа...

 

 

 

 

 

Киһи сөҕүөн иһин, кырааныыссаны туораан кэлбит, нолуок, пошлина бөҕөтүн туораабыт бородуукталар сыаналара биһиги сахабыт сирин сыанатынааҕар чэпчэки эбэтэр тэҥ.

 

1л үүт - 15 юа. - 122.04 cолк.

300г бастыҥ хаачыстыбалаах сыыр - 32 юа - 260.35 солк.

Хойуннарыллыбыт үүт (сгущенка) - 10 юа - 81.36 солк. 

Эбиэс бэчиэнньэ - 12 юа - 97.6

Кыһыл искэх (кэнсиэрбэлэммит) - 25 юа - 203.40 солк.

Бухааҥка килиэп - 5 юа - 40.68 солк.

Бэчиэнньэлэр - 5-15 юа - 40.69 - 122.04 солк. тиийэ.

Чили соус - 5 юа - 40.68 солк. 

"Mакфа" лапса - 6 - 48.81

Kэнсиэрбэлэммит шампиньон - 8 юа - 65.08 

"Хокланд" - 12 юа - 97.6

Kабан этэ (кэнсиэрбэлэммит) - 25 юа - 203.40 (Тыатааҕы, таба, тайах гиэнэ эмиэ бачча сыаналаах)

Пиибэлэр ортотунан 10-15 юа - 81.36-122.04 солк.

Доширак - 5 юа - 40.68 солк.

"Любимый" утах - 7 юа - 56.96 солк.

Халбаһыылар - 23 юа саҕалаан - 187.27 солк. 

Ону тэҥэ киһи ааҕан сиппэт нуучча арыгытын арааһа, Беленькая, Путинка уо. д .а. Сыанатын өйдөөбөккө хаалбыппын. Муора харамайдара (аҕыс-атах, халмаар, байҕал оҕурсуута, кыһыл балык, кирибиэккэ, Хамчаакка кырааба уо.д.а)

 Бары-барыта баар...

 Оннооҕор саллаат сиэхтээх аһа. Байыаннай кэнсиэрбэлэр.

Сокуонунан көҥүллэнэр дуо маннык тас дойдуга атыылыыр?

 

 

 

Лааппы тас көстүүтэ. "Арассыыйа Уһук Илиннээҕи (Дальний Восток) табаардарын атыылыыр киин" - диэн тылбаастыахха син.

 

Бэйэбэр бу ыллым. Кимиэхэ эрэ бүгүн бырааһынньык :)

Кытай аһыттан хал буолбут киһиэхэ, кыра даҕаны эбилик буолар. 

 

Ону тэҥэ, аһаҕастык чээрэни (сүртү) атыылыыллар, маҕаһыын иһигэр дьааһыгынан ууруллан тураллар. Айылҕаҕа сырыттым ини, сылдьыбатым ини - бачча элбэх чээрэни көрө иликпин. Хомойуох иһин, харчы барытын быһаарар...

 

Сыана өттүнэн ылан көрөр буоллахха, холобур, килиэп да сыаната буоллун, кытай бэйэтин килиэптэринээҕэр чэпчэки сыаналаах, төһө да хаачыстыбатынан 100 төгүл баһыйдар. Үрдүк хаачыстыбалаах табаар Кытайга олус кэмчи. Ол иһин, Арассыыйа табаара хаачыстыбатынан кытай табаардарын баһыйарын иһин, үрдүк сыаналаах буолуохтаах этэ дии саныыбын. 

 

Избранное
Чтобы оставить комментарий, вам нужно авторизоваться
с помощью аккаунта в соц.сети
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации