home
user-header

                        
                        
Күһүҥҥү санаа - хоһоон
7 октября 2017 г., 06:05 225

КҮЛҮК КҮҺҮН

.

Күлүгүрбүт күһүн күнэ

Мин үрдүбэр ыйанна.

Бороҥ суорҕан халлааммыт

Хамсаабаттыы хатанна.

*

Күнүн аайы ылбат-биэрбэт

Халлаан аалар сүрэхпин.

Уоскуйаары онтон мин

Күөх сайыммын саныыбын.

*

Ханна баарый мэник тыал

Сэбирдэххэ сөтүөлүүрэ,

От быыһыттан дьоллоохтук

Аһыыкабыт ыллыыра?

*

Мин харахпын симэбин:

Күөл үрдүгэр турабын,

Хомус оттор сипсиһэллэр,

Нуоҕалдьыһа үҥкүүлүүллэр


*

Күөл аннараа өттүгэр

Көнө ньууру хайытан

Тыаһаабакка наллаан устар

Килэгир тиистээх андаатар

*

Уу кырсынан кыахтаахтык

Кумаардары тутан сии

Көтөн ааһар махталга

Тоноҕосчут обургу.

*

Чыычаах ыалга үрдук үөрүү

Оҕолоро көтөннөр -

Эриэккэс да ырыаннан

Мин тулабын толороллор.

*

Киһи эрэ дьулайыах

Дыыгыначчы сапсынан

Сибэккиттэн сибэккигэ

Көтөр мүөттээх ыҥырыа.

*

Сибэккилэр сиэттиһэннэр

Хонуу устун тэнийэннэр

Ыһыах ыспыт курдуктар

Түһүлгэлээн үүммүттэр.

*

Үчүгэйиэн сайын күн -

Мин манньыйа турбутум...

*

Эмискэччи тыал үрдэ,

Атаҕым да тоҥон барда.

Харахпын мин арыйдым,

Күлүк күһүнү көрө түстүм.

*

06.10.2017

 

 

 

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации