home
user-header

                        
                        
Городская проза жизни - хоһоон
7 октября 2017 г., 21:21 197

Оптуобуска эдэр уол

*

Күнүн аайы тохтообокко

Куорат устун "өрүс" устар.

"Өрүс" элбэх салаалардаах

Эҥин араас тыгар уоттаах.

*

Ол сүүрүккэ оҕустаран

Биһи тохтуур кыахпыт суох.

Кими үлэҕэ, кими дьиэҕэ

Сүүрүк тиэрдэр идэлээх.

*

Ол сүүрүктээх "өрүскэ"

Мэлдьи устар "оҥочо"

Туолуор диэри дьону симтэр,

Оптуобус диэн ааттанар.

*

Эрдэ туран "оҥочоҕо"

Эдэр уолчаан олорсор.

Билии ыла, өй тута

Сэргэлээххэ айанныыр.

*

Арай биирдэ тымныыга

Тохтобулга кыыс киирэр -

Уолбут тоҥмут сүрэҕэр

Сааскы салгын сайа охсор.

*

Күнүн аайы Кинини

Уолбут мэлдьи кэтэһэр.

Киирбит кэрэ кыысчааны

Тохтообокко кини кэтиир.

*

Кэрэ кыысчаан кэмчиэрийбит

Мичээриттэн кэрэ суох.

Килбик харах алҕас көрөн

Эдэр уолу долгутууй...

*

Уолбут дьолу чуҥнаан көрөн

Долгуйара улаатар

Хорсун санаа хомунан

Кыыска этиэн баҕарар: -

*

"Мин эйиэхэ, эн миэхэ

Этэр тылбыт олох суох.

Ол да буоллар минньигэстик

Хараҕынан кэпсэтиэх.

*

Тугу эрэ ыйытардыы

Мин утары көрүөҕүм.

Туора-маары көрө-көрө

Эн кылгастык эппиэттиэҥ.

*

Маннык ыраас "кэпсэтииттэн"

Дууһам олус долгуйан,

Тохтобулбун ааһа түһэн

Мин төттөрү ыстаныам."

*

Хаһан эрэ кэрэ күн

Хайалара эмит - биирэ,

Хардыы бастаан оҥоруо,

Хаары таптал уулларыа!

07.10.2017

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации