home
user-header

                        
                        
Тыа үлэһиттэрин кнүнэн, оччуттарга...
8 октября 2017 г., 08:16 174

Ходуһаҕа

*

Итии салгын биһигини

Күүскэ-күүскэ кууспалыыр.

Кумаар өрө дыыгынаан

Ытыраары элиэтиир.

Чугас талах быыһыгар

Ыллыыр чыычаах

тохтообокко,

Үөһээ халлаан ньууругар

Устар элиэ

дайбаммакка...

Дьэ бу отчут омурҕана

Хорсун дьонноох ходуһаҕа!

*

Айылҕабыт чэчирээн

Сайын саамай өрөгөйө.

Араас кэрэ сытынан

Туолбут эмиэ ходуһа.

Хоһуун хотуур биититтэн

Бүгүн саҥа охтубут,

Күп-күөҕэ от сыта

Минньигэһиэн, астыгыан!

Эчи киһи көрөрүгэр

Охтубута чөкөтүөн!

*

Бэлэм, тыаһыыр бэйэтэ,

Икки күннээх куурбут от,

Кыраабылга кыбыллан,

Атырдьахха аалыллан

Субурҕаҕа субуллар,

Бугул буолан чөкөйөр,

Көстүбэттик быыл ыһар,

Муннубутун дьээбэлиир.

Тулуйбакка мунньар кыыс

Дөрүҥ-дөрүҥ ытырдар.

*

Бастаан окко киирдэххэ

Күөх нэлэмэн ходуһа

Киһи дууһатын абылыыр

Дьойдулааххын санатар...

Оттоон бүтэр саҕана

Ыраас ньуурдаах хадьымал,

Көнө түстээх кэһии оттуун

Киһи үлэтин туоһулууллар

Астыннара көстөллөр...

Ходуһаны... чуҥкуталлар...

08.10.2017

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации