home
user-header

                        
                        
Ыһыах. Эдэр сааска долгуйуу, тапталга дьулуһуу күнэ.
23 июня 2018 г., 09:39 143

Бүгүн күн да тыкпатар, эдэр сүрэх долгуйара буолуо. Онон өссө да эдэр, эрчимнээх сүрэххэ анаан хоһоон суруйан көрдүм.

.

МИН ТАПТАЛЫМ

.

Мин билиэхпин баҕарабын

Таптал суостаах кутаатын,

Буурҕа курдук ытыллар

Кини модун сүүрүгүн...

.

Эн билбэккин, эн эрэ

Миэхэ олус кэрэҕин.

Сааскы кэрэ сибэккилии

Күнүүн тэҥҥэ тыгаҕын.

.

Алҕас көрсө түстэхпинэ

Сатаан тыыммын ылбаппын,

Кэрэ тырым харахтаргын

Сатаан өрө көрбөппүн.

.

Хаһан эмит эйиэхэ

Мин тапталбар билиниэм.

Баҕар эн тумнуоҕуҥ,

Тэйэ хааман ааһыаҕыҥ...

***

Лыах курдук тэлээрэн

Өрө дайа сылдьаҥҥын,

Ким эрэ эйигин таптыырын,

Эн билиниэх тустааххын...

23.06.2018

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации