home
user-header

                        
                        
Про вылазку за грибами во вторник
3 августа 2018 г., 08:22 149

Тэллэйгэ маҥнайгы тахсыы

.

Саҥа быкпыт тэллэйи,

Ньалҕаныйбыт төбөнү,

Быһан ылан дьоллонуохпун

Олустук да баҕаран,

Куорат айдаан тиэргэниттэн

Арахсаммын аттанаммын,

Соҕуруулуур суолунан

Табаҕаны аттынан.

Туора-маары салайан,

Үрдүк сыыры дабайан,

Мыраан көнө көхсүгэр

Массыынабын тохтоттум.

Үчүгэйиэн...Чуумпу ойуур

Чэбдик мүөттээх салгына,

Чобуо чыычаах ыраах маска

Чуопчаарытар ырыата.

Манна тииттэр, хатыҥнар

Тоҕуоруһан үүммүттэр

Мааны тэтиҥ, талахтар

Онон-манан быкпыттар.

Туора түспүт мас элбэх -

Төҥкөйөбүн, атыллыыбын,

Тыабыт муохтаах ньуурунан

Аргыый көрөн хаамабын.

Өрө тэбэр сымнаҕас

Ойуур халыҥ көбүөрэ

Атахтарбын сылатта,

Хата ыллык көһүннэ.

Толкуйдата барбакка,

Ыллыгы атаҕым батыста,

Өйүм-санаам сөпсөһөн,

Эппиэт буола оҕуста:

"Ыллыганан хаамтахха

Элбэх сири эргийиэн,

Тэллэй үүммүт хонуутугар

Эбэһээтинэ эн тиийиэҥ..."

Эмиэ да сөпкө ырыалаах

Ыллыгынан хаампыппын,

Айылҕаны көрбүппүн,

Астына-дуоһуйа тыыммыппын:

Бокуруобускай тыраакка

Тэллэй тахса илигэ,

Бүтэй Бүлүү тыраагар

Барыахтааҕым хаалбыта...

03.08.2018

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации