home
user-header

                        
                        
Өс хоһооннор
20 ноября 2017 г., 11:43 1303

#сахалыы өс хоһооннор хаһан эрэ эмискэ наада буолан хаалаллар.

Бэҕэһээ хоспохпун хаһа сылдьан раритет кинигэ буламмын сахалыы бэнидиэнниккэ быыр бааччы сөп түбэһиннэрэн таһаарарга сананным. Оскуола оҕолоохторго туһалаах буолуо дии саныыбын ))

1. Айан аргыһы таптыыр.

2. Айан киһитэ аргыстаах, суол киһитэ доҕордоох.

3. Алгыс баһа сыалаах, кырыыс баһа хааннаах.

4. Атаҕастыыбын диэн атаххыттан ыллараайаҕын.

5. Аччыктаатахха ас эрэ амтаннаах.

6. Баайбын диэн баҕыдыйыма, дьадаҥыбын диэн сэнэнимэ.


7. Көрдөрөн туран балыырдаах, туттаран туран мэлдьэхтээх.

8. Кус уҥуоҕун кыайан тоһуппат киһи.

9. Кырдьык үрдүгэр сымыйа ыттыбат, арыы үрдүгэр уу дагдайбат.

10. Сатабыллаах саһыл саҕалаах.

11. Сылдьыбыт сыыһы булар.

12. Сүгэ кыайбатаҕын сүбэ кыайар.

13. Тиэтэйбит сыарҕа сыыр анныгар хаалар, тиэтэйбэтэх сыарҕа сыыр үрдүгэр тахсар.

14. Уулаах балык быстыбат, дьонноох киһи тутайбат, ойуурдаах куобах охтубат.

15. Ылар илии билбэт, биэрэр илии билэр.

16. Ытаабат оҕону эмсэхтээбэттэр.

17. Илии тутуурдаах, өттүк харалаах.

18. Кулгаах ырааҕы истэр, харах чугаһы көрөр.

19. Отонноотоххо оҥоойук туолар.

20. Сүрэҕэ суох сүүс сүбэлээх.

 

Бу ис хоһооннорун бэйэм өйдүүр тыллаахтары уктум. Эһиги өйдүүгүт да ис хоһоонун? Хаһааҥҥы өс хоһооннор эбитэ буоллар, кэмҥэ барытыгар барсаллар эбит ))) Аныгы диваннай критиктар сүрэҕэ суох сүүс сүбэлээхтэр, уктньюс бардыргыыр дьон Алгыс баһа сыалаах, кырыыс баһа хааннаах диэни билиэхтэрин наада эбит. Онтон биһиги, дневниктэргэ барсар Айан киһитэ аргыстаах, суол киһитэ доҕордоох диэн саамай сөп түбэһэр быһылаах )))

Избранное
  • 20 ноября 2017 г., 13:15
    стрела81   Пожаловаться

    Мин сөбүлүүр өс хоһооннорбуттан:

    Киһи эриэнэ иһигэр, сүөһү эриэнэ таһыгар.

    Иһэ- эриэн үөн, таһа- таҥара чүмэчитэ.

    Тыала суохха- мас хамсаабат.

    Күөскүн эрдэттэн өрүнүмэ.

    Сэнээбиккиттэн сэттэҕин ылыаҥ.

    Саҥарыан иннинэ, санаан көр.

    Абааһы аһаабыт сириттэн арахпат.

    Сыылла сылдьан сыарҕа быатын кэбийэр.

    Чэ, һитигирдик))

  • 20 ноября 2017 г., 14:21
    tuuyas   Пожаловаться

    Ок, анаарын сана биллим. Стрела81 киэнин барытын билэр эбиппин.

Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации