home
community-header

                    
                    
Pro аккаунт
Намнар сэрэтэллэр
HALAN 22 августа 2016 г., 13:16 в Author.Ykt.Ru 921

Намнар бассаапка суруйбуттарын хатылыыбын:
 

БОЛҔОЙОН 1 мүнүүтэ аах - улахан иэдээнтэн көмүскэллээх буолуоҥ.

Билигин БЭЙЭҤ БАС БИЛЭР СИРДЭРИҤ докумуоннарын барытын оҥотторон РОСРЕЕСТРГА Публичнай кадастровай картаҕа ЧУОЛКАЙ киллэртэрбитиҥ дуо? (дьиэҥ, даачаҥ уһаайбаларын, садовой учаастактар, оттуур ходуhалар, бааhына сирдэр, ханна эрэ турар хаһаайыстыбаннай тутуугут сирэ..., өбүгэлэриҥ сирэ, ханнык баҕарар баар сириҥ барыта...).
 

 

 

Билигин бэйэҥ ИЛИИГЭР баар докумуоннаргынан толору ХАҺААЙЫН БУОЛБАТАХХЫН (Свидетельство государственной регистрации, Межевое дело, распоряжение Главы Администрации наслега, технический паспорт домовладения, Договор дарения, Договор купли-продажи... эбэтэр ханнык баҕарар атын докумуоннарыҥ баар да буоллуннар). 


 

ГЛАВНАЙ билигин сиргин Публичнай кадастровай картаҕа киллэртэрэн РОСРЕЕСТРГА учуокка туруортарыы.
 Аны билигин хас да араас кадастровай карталар бааллар эбит, онон сорох кадастровай инженердар атын картаҕа оҥорбут буолуохтарын син. Ол иhин сорох дьон Уус Алдаҥҥа баар сирдэрэ Кэбээйи улууhугар, Нам улууhугар Нам с. турар дьиэ учаастага Партизааҥҥа, Арбын нэhилиэгэ Лена өрүс олох үрдүгэр турар диэн көрдөрөр эбит...
Онон ХАЙААН ДА СИРИҤ билигин сөптөөх кадастровай картаҕа баар буолан ол картаттан Федеральнай информационной системаҕа (ФИС) киирбит буолуохтаах.

 


*ФИСка эрэ киирбит сирдэр туора-кэлии дьоҥҥо БОСХО үллэһиккэ БАРБАТТАР. *
Уонна бары аһаҕас сирдэр бу сыл алтынньы 1 күнүттэн (1 ОКТЯБРЯ) Саха сиригэр пропискалаах, 2017 сыл олунньу 1 күнүттэн (1 ФЕВРАЛЯ)  Россияҕа пропискалаах ханна баҕарар олорор ким баҕалаахтарга буор босхо түҥэтиллэр..... аукциона иҥин суох..... Дальневосточнай гектар сокуонунан.

  Онон түргэнник балаҕан ыйын 1 күнүгэр диэри (ДО 1 СЕНТЯБРЯ) эрэ олохтоох эбэтэр Улуус дьаhалтатыгар тиийэн  УВЕДОМЛЕНИЕ суруйан түһэрдэххинэ  сиргин 6 ыйга, быстах да кэмҥэ буоллар, Геоаналитическай информационнай системаҕа (ГАИС) киллэртэрэ охсон, салгыы Минвостокразвития нөҥүө ФИС картатыгар киллэрэн, сиргин туора-кэлии дьоҥҥо буор босхо барарыттан көмүскүүгүн уонна сириҥ докумуоннарын ити 6 ый иhигэр ситэри оҥоттороҕун.

 

Арай билигин маны ааҕан баран бу 10 ЭРЭ КҮН хаалбытын кэннэ син биир аахайбакка дуу, сүрэҕэлдьээн дуу, итэҕэйбэккэ дуу олорон хаалан УВЕДОМЛЕНИЕ биэрбэтэххинэ, ол сириҥ ФИСка аhаҕас сир диэн көстөн алтынньы 1 күнүттэн (уже с 1 октября) туора-кэлии дьонно мээнэ босхо барар. Ол түгэҥҥэ аны ону билэ охсон 6 ый иhигэр сууттаhан эрэ бэйэҕэр хаалларар кыахтанаҕын уонна эмиэ суут "сиргин оҥотторо  оҕус"- диэн уураахтанаҕын... эбии ороскуот, стресс...
Эбэтэр олох да билигин олорор ДЬИЭҔИН ханна эрэ КӨТҮРЭН илдьэргэр, көhөрөргөр тиийэҕин, атын саҥа хаһаайын кэллэҕинэ.
Манна Сахабыт сиригэр олохтоох баһылык да, улуус да баhылыга, Саха сирин Правительствата да, Ил Дархан да кыайан көмөлөһөр кыахтара суох. 

 

Бу сымыйа буолбатах - бу ФЕДЕРАЛЬНАЙ СОКУОН.
Бу Дальневосточнай гектар сокуона.

Онон кытаат, ойон туран Дьаһалтаҕар бара сырыт, телефонунан билсэ оҕус. 
Бэйэҕин БЭЙЭҤ эрэ КӨМҮСКЭНЭР кыахтааххын. Олохтоох Дьаһалта эн бэйэҥ сириҥ докумуоннарын илдьэ тиийэн уведомление суруйа иликкинэ хайдах да, төһө да эн дьиэҥ былыргыттан ити сиргэ турарын биллэр Росреестрга, ФИСка да киллэртэрэр кыаҕа суох.

 

 

Болҕойуҥ!
 УВЕДОМЛЕНИЕ биэрэргэр 2 лиискэ суруйан бараар уонна бииригэр Дьаhалтаҕа биэрэргэр ылбыт специалист аатын уонна докумуон хаhан ылыллыбыт күнүн, докумуон киирбит нүөмэрин суруйтараргын умнумаар. Эбэтэр онно эбии ханнык ылбыт докумуоннарын  бэлиэтэтэн туран расписката суруйтараар. Сириҥ докумуоннарын барытын КОПИЯЛААР. Сорох дьон докумуоннарын дьаhалталара номнуо сүтэрбиттэр...


Сиргэ сыhыаннаах докумуон баарын барытын илдьэ баран ханнык сирдэрдээххин барытын көрдөр. Билигин суох да буолбут төрөппүттэриҥ, өбүгэлэриҥ сирин эмиэ...

 

Бу сурук ватсап нөнүө киһини барытын хаппат, онон дьоҥҥо барытыгар эбии КЭПСЭЭ, ТАРҔАТ.

Бу билигин бэйэ бас билэр сирин оҥотторуу хайдах эрэ бытаан, чуумпу курдук эбит, ол эрээри балаҕан ыйын 1 күнүттэн (1 СЕНТЯБРЯ) дьэ аймалҕан саҕаланыа оҥотторбокко хаалбыттарга. 
Алтынньы 1 күнүттэн (1 октября) сирдэри ылан бардахтарына аны АЙДААН тахсыан сөп... Онон сиргин оҥотторорго харчыҥ да суох буолбутун иһин уведомлениета биэр.

 

Оттон эбии информацияҕа наадыйар буоллаххына, эбэтэр олохтоох дуу, улуус дуу дьаhалтата "билбэппин" диир буоллахтарына КУМИларга, МИЗОларга этэн быhаартар.

СИРГИН буор босхо көрөн туран  БЫЛДЬАТЫЫ - бу иэдээн төрдө...
Олорор бэйэлээх бэйэҥ ДЬИЭҔИТТЭН МАТЫЫ - улахан иэдээн.....
Арендаҕа да булан олоруохпут диэн уоскутунуу - ыал эстэр ИЭДЭЭНЭ... 

Сахам сирин олохтооҕо, сарсыҥҥы күнүҥ, кэлэр кэскилиҥ туhугар бүгүн КЫҺAЛЫН, ХАМСАН.

Биhиги бары түмсүүлээх, бэйэбитигэр көмөлөһөр, кыһаллар эрэ буоллахпытына норуот быhыытынан сарсыҥҥы күммүт сырдык, кэрэ буолуо! 

 

 


Сир суох -  норуот суох...

Ис сүрэхтэн баҕарабыт Эһиэхэ ААЛ ЛУУК маскыт тэнийэн, сайдан, кыаҕыран, тупсан иhэригэр!
Дьоллоох буолуҥ!

Маны күүскэ тарҕат!
Бары бииргэ - барыбыт туһугар!

"Сир - биһиги уйабыт" Нам улууһун уопсастыбаннай тэрилтэтэ.

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации