home
user-header

                        
                        
Уһук Уйбаан бэйэтэ кэлэн кинигэлэрин бэлэхтээтэ
16 мая 2017 г., 11:32 206

ЦГБ 2 филиалыгар "Школьный мир" библиотекага Попов Иван Михайлович, ол эбэтэр Уһук Уйбаан олоххо сырдаппыт икки кинигэтин кэлэн бэлэхтээн ааста. 

Кини төрөөбүт төрүт буора Сунтаар оройуонун, урукку Үөһээ Мээйик нэһилиэгэр Ойууһут бөһүөлэгэр, билигин быраҕыллыбыт түбэҕэ, 1944 с. олунньуга төрөөбүтэ.  Бүлүүчээн орто оскуолатын 1962 с. бүтэрэн, биир сыл, аармыйаҕа барыар диэри, К. Маркс аатынан холкуоска болуотунньуктаабыта.

Сэбиэскэй Аармыйа кэккэтигэр ыҥырыллан үс сыл  "Спецназ"-ка сулууспалаабыта. Аармыйа кэнниттэн, оччотоо5у "Якуттяжстрой" трест 2-с ТМУ Дьокуускайга болуотунньугунан үлэлээн баран, Усть-Каменогорскайдааҕы строительно-дорожнай институт архитектурнай факультетыгар "Городское строительство" идэтинэн үөрэнэ киирэн, 1972 с. бүтэрбитэ. Сэргэ, байыаннай кафедраҕа үөрэнэн, "Общевойсковые объекты и фортификационные сооружения" байыаннай тутуу инженерэ идэлэммитэ.

1982 с. СГУ инженерно-техническэй факультетын тутууга инженерин идэтин бүтэрбитэ. Идэтинэн бырайыактыыр, тутар уонна туттарар тэрилтэлэргэ үлэлээбитэ.

СӨ "Быыһыыр сулууспатын" хааччыйар управлениетын салайааччытынан үлэлии сылдьан биэнсийэҕэ барбыта.

Сынньалаҥҥа олорон, саха тылынан уус-уран айымньытыгар үлэлиир, Публицистическэй ыстатыйаларын хомуурунньуктарын "Санаам утахтара" диэн циклынан 5 кинигэни таһааттарда. Хоһооннорун "Санаам утахтара"  циклга кыттыһыннаран туспа кинигэнэн хомуйбута. "Олох барахсан" диэн кэпсээннэрин хомуурунньуга уонна "Дьылҕа" диэн сэһэнэ тахсыбыттара.

Бу Төрүт буор тардыыта арамаанын бастакы кинигэтэ Түөлбэ сиригэр таҕыста.


 

 

"Түөлбэ сиригэр" - "Төрүт буор тардыыта" роман бастакы кинигэтигэр Саха сирин ыраах түөлбэтигэр саха омук быдан былыргыттан сурдэригэр-куттарыгар, эттэригэр-сииннэригэр иҥэрэн илдьэ сылдьар үгэстэрин Сэбиэскэй былаас ыытар сиэрин-майгытын иитигэр киллэрии кэпсэнэр. Ааҕааччы киэҥ араҥатыгар ананар.

 

 

Кинигэ саха омук айылҕаҕа туохха итэҕэйэрин, тоҕо сугурүйэрин тугу ситиһэрин ис хоһоонун билэн, өбүгэлэр сахтан илдьэ сылдьар итэҕэлбитин этинэн-сиининэн, кутунан-сүрүнэн, өйүнэн-санаатынан ылынан олоҕун аргыһа оҕолорго дьулуһуннарыы буолар.

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации