home
user-header
Саҥа Дьылынан!!!
31 декабря 2016 г., 22:47 200

Сахам дьонун барыгытын кэлэн иһэр 2017 дьылынан ис сүрэхпиттэн сүһүөхтээх бэйэм сүгүрүйэн туран эҕэрдэлиибин!Бу Орто Дойдуга, иннинэн сирэйдээх,икки атахтаах,босхо бастаах,мутугунан быраҕар муҥур үйэлээх,бороц урааҥхай олоҕо,өбүгэ саҕаттан өлбөт сүппэт туһугар күннэри түүннэри охсуһуу,мөккүөр.Улуу Өбүгэлэрбит биһиэхэ хаалларбыт сирдэрэ уоттара киэҥэ куоҥа,баайа дуола Аан Дойду бары адьырҕаларын харахтарын түҥ былыргыттан аалар,иҥсэлэрин оботторун инники да өттүгэр көбүтүө турдаҕа.Бу олох кырдьыга.Улуу Өксөкү өтө көрбүтэ,эппитэ тыыммыта,сэрэппит кэмнэрэ,кии буоларбыт дуу,киһи буоларбыт дуу тирээн кэлиллэр диэтэхпинэ баа буолбата буолуо дии саныыбын.

Кэлэр дьылларга биһиэхэ аныгы олоххо дурда хахха буолуохтаах Ил Дархаммыт,Ил Түмэммит быыбардара күүтэллэр.Биһиги батаспыт -куоласпыт быыбарга,кылыспыт- тылларбыт өстөрбүт,кыайыыбыт хотуубут түмсүүлээх буолуубут.Онон өркөн өйдөөхтөрбүтүн түмүөҕүҥ,өйбүтүн санаабытын сааһылыаҕыҥ,атах тэпсэн олорон Ил Сүбэ тула сипсиһиэҕиҥ,кэпсэтиэҕиҥ,сөптөөх сытыы хотуу,өргөс кылаан дьоммутун алаас сыһыы ,улуус куорат аайыттан көтөҕүөҕүҥ,быыбардарга талыаҕыҥ.Өрөйүөҕүҥ,чөрөйүөҕүҥ,тиис- тиискэ ,муос- муоска.Тускуо!!!



Эстибэт эрэлбит

Эһиэхэ бар дьоммут!

Уолугунан тыыммыт

Улуу урааҥхайдарга!

Самныбат санаалаах

Саха чулууларыгар!

Судургу керүүлээх

Сахабыт дьонугар!

Ыарахан кэмнэри

Ындыы оҥостумуохха,

Табыллыбат күннэри

Таһаҕас гынымыахха!

Сомоҕолоһуохха,суулаһыахха!

Түмсүөххэ,түмүллүөххэ!

Биир санааннан

Биир туһаайыыннан

Биир хайысханнан

Ол сырдык саҕахха

Кырдьыкка ырааска

Иннибит хоту!!!


Бары үтүөнү кытта Мунньан Дархан сыдьаана Афанасий Максимов.

31.12.2016.

Нравится
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации