home
user-header
Саха эдэр боотурдарыгар,ыччатыгар ыҥырыы сурук
2 января 2017 г., 18:36 1824

Саха эдэр боотурдара,ыччаттара!

Эһиги бэйэ бэйэҕитин харыстаныҥ,кыраттан буолартан буолбаттан иирсимэҥ,ытырсымаҥ,атааннаһымаҥ,улуустаһымаҥ,охсуһумаҥ,өлөрсүмэҥ!Хас биирдии саха бэйэтэ Улуу Куйаар оҕото,сорҕото буоларын умнумаҥ!Саханы саха дэтэр иннибитигэр эһиги бааргыт - уолугунан тыыммыт урааҥхайдар!

Тулаҕытын биирдэ өйдөөн көрүнүҥ,олоххутун олоппоско тура олоро ырытан ылыҥ-тугуй бу,кимий бу?Ама да Аан Дойдуну сөмүйэтин үрдүгэр талбытынан эргиппит Улуу Боотурдар сыдьааннара маннык олоххо кэллибит дуо?Тыый,тоҕо маннык буолла?Ама да Улуу Өбүгэ хаалларбыт сирдэрин уоттарын, баайдарын дуолларын босхо туран биэрэбиэт,атын омукка хамначчыт буолабыат,буруо буолан унаарабыат,туман буолан көтөбүөт?

Суох!!!Өссө төгүл суох!!!

Уһуктуҥ,өрөйүҥ чөрөйүҥ,өйгүтүн арыгы аска,куһаҕан дьайдарга сүүйтэримэҥ,өргөс кылаан санааҕытын өрө тутуҥ,быстах былаҕайдарга былдьанымаҥ,боотур буоларгытын умнумаҥ!

1,5 млн.киһилээх Чечняҕа сылга 10 өлөрсүү.

0,5 млн.киһилээх Сахабыт Сиригэр сылга 500 өлөрсүү.(ст.105+111)

Бу сыыппараны сыта-тура толкуйдааҥ, тоҕо маннык бэйэни кырыктаахтык кыдыйсыыга кэллибитий?

Хас биирдии иннинэн сирэйдээх,икки атахтаах,сиик тыыннаах,сүмэһин хааннаах бороҥ урааҥхай бу Орто Дойдуга түннүгүнэн чылып көстөн ааһар чыычаах курдук муҥур үйэлэнэн туох эрэ соруктаах,сыаллаах кэлэн ааһаргын умнума!Ол сүрүн сыалыҥ сорудаҕыҥ удьуоргун ууһуннарыы,норуоккун элбэтии, кини Аатын Суолун Аан Дойду аҕыс аартыктарыгар аҕыстаах атыыр кистииринии,тоҕустаах оҕус айаатыырыныы суон сураҕарарын,Аата ааттанарын ситиһии!

Эн,саха эдэр боотура,ыччата, өргөс кылааҥҥын өрө үүннэрэн,хаҥыл сүрэххин хабаарынсытан,хатан тимир халтарыйар хабараан санааҕын киллэрэн,норуотуҥ туһугар олоххун анааҥҥын,дурда хахха буолар Кэмиҥ тиийэн кэллэ эбээт!!!

Убайгыт Афанасий Максимов

02.01.2017.

  • 2 января 2017 г., 18:53
    илинсаха   Пожаловаться

    Афанасий,манна баҕас эйигинниин 100% сөбүлэһэбин...Саха омугун инникитэ-САХА ЭР КИһИТИН ИЛИИТИГЭР БААР...Ону хаһан өйдөөхтүүрбүт буолла...Хас биирдии саха уолана..дьиэ-уот тэринэн..оҕо уруу төрөтөн үлэлээн-хамсаан олордор ханнык-ОНТОН АТЫН ТУОХ ДА НААДАТА СУОХ ээ...омук быһыытынан чөл хааларбытыгар.

  • 2 января 2017 г., 23:51
    swagggg   Пожаловаться

    Оннук баар дьэ.

    А5ыйах сылла5ыта биьиги "Ураанхайдарбыт" дии дии миэхэ 8 киьи буолан туспуттэрэ, биир бииргэ кыайбаккалар.

    Хас оробул ахсын бэйэ бэйэлэрин кыргыьаллар.

  • 3 января 2017 г., 00:03
    Сур Бере   Пожаловаться

    Бу сыыппараны сыта-тура толкуйдааҥ, тоҕо маннык бэйэни кырыктаахтык кыдыйсыыга кэллибитий?

    Биллэр суол, улахан аҥаара арыгы содула...

  • 3 января 2017 г., 12:05
    sLava1986   Пожаловаться

    Ити "Зодиак" диэн кирдээх, куьа5ан сыттаах сиргэ сылдьымац! Онно охсуьуу, елерсуу бе5ете буолар! 02 саамай элбэх ыцырыы ити сиртэн буолар, статистиканы кердеххе. Уопсайынан сабан кэбиьиэххэ наада КЦ "Зодиак". Аатыгар олох эппиэттээбэт!!! "Культурный цэнтэр" блээ! Тьфу!!

  • 6 января 2017 г., 12:29
    Gramor   Пожаловаться

    Үчүгэй ыҥырыы, ол гынан баран, запятой кэннэ пробел баара буоллар, ааҕарга өссө иҥэмтэлээх буолуо этэ.

  • 6 января 2017 г., 17:39
    Эндыбал   Пожаловаться

    Бэрт этии, Убай!
     

Чтобы оставить комментарий, вам нужно авторизоваться
с помощью аккаунта в соц.сети
Читайте также

Помню несколько лет назад лежала в КВД. В нашем, местном. Не подумайте ничего, у меня вполне обыденное, многим знакомое заболевание было - прыщи. Пробовала сама их травить да вот хрен. Додумалась таки к дерматологу сходить. Только те у кого был РЕАЛЬНО огроменные гнойные прыщи, почти полной россыпью на лице поймут каково это. Там нас было где-то 5 человек. Проказники-псориазники называли нас "прыщиками") Проблемы у некоторых были посерьезнее так что нам казалось, что у нас не так и плохо. Ходили на процедуры, курили когда хотели, пугали народ своими лицами) избавилась от них большими усилиями, но следы остались. Хотя я иногда благодарна своим прыщам. Благодаря им я не переедаю так как приходиться ограничивать себя в питании. У меня есть своя система за уходу за кожей, ведь чем раньше начинаешь за ней ухаживать тем лучше. С прыщами ты начинаешь понимать людей, их комплексы, не отказываешь в помощи. Прыщи - эстетическая, деликатная проблема, требующая долгого терпеливого лечения. Ведь в большинстве случаев она на лице, я как известно люди обращают первое внимание на эту часть тела. Ребзя, те у кого реально много прыщей, не надо затягивать поход к дерматологу, ведь чем раньше, тем с меньшими последствиями от них можно избавиться. Кому помог КВД? Как вы относитесь к девушкам с прыщами?

Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации