home
community-header

                    
                    
Туохтан эмит санаарҕаатахпына, хомойдохпуна игин тутатына бу күнү ахтан барар идэлээхпин. Бу күҥҥэ бары даҕаны аһара дьоллоох этибит.
srnd0 12 октября 2016 г., 02:20 в Путешествия по Якутии 399

Хаһан да умнуллубат кэрэ күн, бу манна, бу сиргэ хаһан баҕара төннө туруом этэ ) 
Аммаҕа саҥа айаннаан тиийэн баран, ыбылы сылайан утуйбут уонна аһаабыт эрэ киһи диэн толкуйдаах этим. Онтон дьэ хайдах эрэ эмискэ баҕайы ол онно же олорон "перевалга" барыахха диэн буолбута, тутатына массыына көстүбүтэ уонна дьэ көлүөһэлэргэ (сидиэнньэлэрэ суох массыына этэ) игин олорон айаннаабыппыт. 
Айаннаан иһэн бэйэ бэйэбитин көрсөбүт, "хаһан тиийэбит" игин диэн толкуйдуубут, "аһара ыраатаары гынныбыт быһылаах, сарсын хайдах төннөбүт" игин дэһэн ылабыт. 


 

Дьиҥэр Аммаҕа биһиги онно ыччат ыһыаҕар диэн айаннаабыппыт уонна тиийээт, ким да ыһыахха соччо-бачча наадыйбат курдук буолан тахсыбыта. Бары хайдах эрэ сынньана, айылҕаны көрө игин диэн кэлбит дьон курдук этибит. 
Дьэ оннук айаннаан сирбитигэр тиийэн кэлбиппит, бары дьэ сөҕүү-махтайыы бөҕө, ким эрэ хаартыскаҕа түһэр, кими эрэ мастыыр, ким эрэ остуол бэлэмниир. 

 

 


Онтон дьэ түүнү быһа олорон сэлэһии, кэпсэтии, шашлык сиэһин, үүттээх чээй иһээһин, быыһыгар балыктаан буһаран сиэһин. 
Бары үөрүү-көтүү бөҕө, инникигэ киэҥ былааннар, уруккуну ырытыы, "дойдубутун хайдах сайыннарабыт?" диэн кэпсэтии. 
Оннук түүнү быһа айахпыт хам буолбатаҕа, кып-кыратык утуйан да ылбатахпыт, сылайбыппыт барыта букатын симэлийэн хаалбыта, буолары буолбаты дэлби кэпсэппиппит, күлсүбүппүт, мэниктээбиппит. 

 


Сарсыарда күн тахсыыта Амма өрүһүгэр сирэйбитин, тииспитин игин сууммуппут. Киһи маны тылынан тиэрдибэт, эрээри ол онно суунар саамай үчүгэй курдук этэ, киһи хайдах эрэ быдан ырааһырар дуу, толору дьоллонор ду курдуга. 

 

 


Кырдьан да баран ханнык да атын улахан куораттары игин буолбакка, бу Амматааҕы сырыыбын ахтарым буолуо дии саныыбын. Билигин кэлэн түүллэрбэр игин киирэр аҕай буолла, хайдах эрэ санаарҕаан игин ылар курдукпун, манна тиийбит киһи...

 

 

 

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации