home
user-header

                        
                        
САХАЛЫЫ БИҺИК ЫРЫАТА ЫАЛ АХСЫН ЫЛЛАННЫН
8 февраля 2018 г., 19:10 125

*“БИЭБЭЙИК”*
_өрөспүүбүлүкэтээҕи интерактивнай cахалыы биһик ырыатын күрэһин тосхоло_

 

*Тэрийээччи:* «Саха сайдам оҕото» айар холбоһук

 

*Ыытыллар сирэ:* Социальнай ситимнэр нөҥүө өрөспүүбүлүкэ үрдүнэн, дьүүллүүр сүбэ Дьокуускай куоракка

*Ыытыллар кэмэ:* 
• Олунньу 1 күнүттэн кулун тутар 1 күнүгэр диэри сайаапкалары ылыы, бэлэм үлэлэри хомуйуу
•Кулун тутар 7 күнүгэр диэри кыайыылаахтары быһаарыы
•Кулун тутар 8 күнүгэр кыайыылаахтары биллэрии


*Сүрүн сыала:* Cахалыы биһик ырыатын киэҥ эйгэҕэ таһааран, дьиэ кэргэҥҥэ үөрэтии

*Соруктара:*
•Ийэ оҕотугар сахалыы биһик ырыатын ыллыыр үөрүйэҕин сайыннарыы
•Саха төрүт биһик ырыатын устуоруйатын чинчийии, киэҥ эйгэҕэ таһаарыы, үйэтитии
•Биһик ырыатын ахсаана, көрүҥэ элбиирин ситиһии
•Саха тылын туттуллар эйгэтин, кэскилин кэҥэтии

 

*Күрэс суолтата:*
•Күрэс сахалыы биһик ырыатын үйэтитиигэ, тарҕатыыга улахан олук буолуо
•Күрэс саха тылын сайдыытыгар биир суолталаах дьайыыны оҥоруо
•Күрэс түмүгүнэн дьиэ кэргэҥҥэ аналлаах бэлиэ тэрээһин ыытыллыа
•Күрэскэ кыттыбыт ырыаларынан, үлэлэринэн биһик ырыаларын диискэлээх хомуурунньуга бэчээттэниэ

 

*Күрэс хайысхалара уонна дьүүллүүр сүбэ болҕойор өрүттэрэ (хас да хайысханан кыттар көҥүллэнэр):*
1. “Биһик ырыатынан уһуллубут оҕо бастыҥ видеоклиба” (18+ кыттааччыларга) – mp4 видео формата
1.1 Толкуйа 2.2 Устуу, таҥыы таһыма
2. “Бастыҥ биһик ырыата” (18+ кыттааччыларга) – тиэкис уонна mp3 аудио формата
2.1 Хоһооно 2.2.Дьүрүскэнэ 
3. “Саха төрүт биһик ырыатын сырдатар бастыҥ суругунан үлэ” (13+ оҕолорго уонна улахан дьоҥҥо) – wоrd A4 формата
3.1 Саха төрүт (норуот) биһик ырыатын устуоруйата 3.2. Хоһуйуу тылын-өһүн ырытыы 3.3. Дьүрүскэнин быһаарыы
4. “Биһик ырыата буолуон сөптөөх аныгы ырыаны бастыҥ толоруу” (6+ кыргыттарга уонна ийэлэргэ, эбээлэргэ) – инстаграм формата (1 мүнүүтэттэн уһуна суох видео)
4.1 Ырыаны сөпкө талыы 4.2 Ырыаны ис сүрэхтэн толоруу
4.3 Толорооччу куолаһа

 

*Кыттааччыга ирдэбил:*
1. Күрэс туһатыгар хомуллар усунуоһу төлүүрэ булгуччулаах (инстаграм нөҥүө ыытыллар күрэстэн ураты)
2. Оҕо кыттар түгэнигэр төрөппүтэ сөбүлэҥ суруйара ирдэнэр 
3. Тэрийээччи күрэскэ кыттыбыт үлэлэри киэҥ эйгэҕэ (тв, радио, интернет, кинигэ бэчээттиир кыһалар) таһаарарыгар, тарҕатарыгар көҥүл биэрэр 
4. Кыттар үлэлэргэ ирдэнэр форматтары тутуһарга кыһаллар
5. Дьүүллүүр сүбэ быһаарыытыгар ытыктабыллаахтык сыһыаннаһар

 

*Тэрийээччигэ ирдэбил:*
1. Кыттар үлэлэр ааптардара чопчу буолалларын хонтуруоллуур
2. Дьүүллүүр сүбэ үлэтин салайар уонна кыайыылаахтары сөпкө быһаарыыны хонтуруоллуур
3. Кыайыылаахтар наҕараада, кыттааччылар туоһу сурук туталларын хааччыйар
4. Оҕо кыттар түгэнигэр төрөппүт сөбүлэҥин ирдэһэр
5. Күрэс хаамыытын, кыттааччылары, кыттар үлэлэри уонна бириис туруорар урбаанньыттары, тэрилтэлэри киэҥник сырдатар

*Күрэс хаамыытын, кыттааччылары, кыттар үлэлэри уонна бириис туруорар урбаанньыттары, тэрилтэлэри сырдатыы:*
1. “Биһик ырыатынан уһуллубут оҕо бастыҥ видеоклиба” хайысханан кыттар үлэлэр YouTube ситимигэр *«Тыын саха»* ханаалга таһаарабыт
2. “Аныгы ырыаһыт биһик ырыатыгар сөптөөх ырыатын бастыҥ толоруу” хайысханан кыттар толоруулары Instagram ситимигэр *“Happychildsakha”* балаһаҕа таһаарабыт
3. “Саха төрүт биһик ырыатын сырдатар бастыҥ суругунан үлэ” уонна “Бастыҥ биһик ырыата” хайысхаларынан кыттааччылар үлэлэрэ Фейсбук ситимигэр *“Дьиэ кэргэн – Ийэ тыл кэскилэ”* бөлөх балаһатыгар таһаарабыт


4. Бириис туруорар урбаанньыттар, тэрилтэлэр туһунан бары ыйыллыбыт ситимнэр сырдатыахтара

*Кыайыылаахтары наҕараадалааһын кээмэйэ (ыйыллыбыт суумма, бириис ахсаана элбиэн сөп):*
1. Биһик ырыатынан уһуллубут бастыҥ видеоклип: 30 тыһыынчалаах бириис 
2. Бастыҥ биһик ырыата: 20 тыһыынчалаах бириис 
3. Саха төрүт биһик ырыатын туһунан бастыҥ суругунан үлэ: 5 тыһыынчалаах икки бириис – оҕоҕо уонна улахан киһиэхэ 
4. Аныгы ырыаһыт биһик ырыатыгар сөптөөх ырыатын бастыҥ толоруу: 3 тыһыынчалаах икки бириис – оҕоҕо уонна улахан киһиэхэ
5. Социальнай ситимнэргэ элбэх дьон сэҥээриитин ылбыт устууларга биһирэбил бириистэр баар буолуохтара 
6. Кыттыбыт дьон бары өрөспүүбүлүкэтээҕи күрэскэ кыттыыны туоһулуур сертификат тутуохтара

_Сайаапкалары *kyndely2018@gmail.com* электроннай почтаҕа уонна ватсап нөҥүө *+7 962 739-45-07* нүөмэргэ (салайааччы Күндэли аатыгар) кэтэһэбит_

 

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации