home
user-header
Санньый уонна сонньуй
6 июля 2016 г., 08:43 393

 

 

Баара суоҕа биир дорҕоон


Эн мөссүөҥҥүн көрдөрбүн эрэ мин

Сонньуйабын, долгуйабын

 

Сэгэрбин суохтааммын баҕардар

Сонньуйбут санаабын киэр кыйдаан

Ырыабын ыллыаҕым доргуччу

 

Түүннэри ытыыбын сонньуйан...

 

Хоһоонньут буолбатахпын. Ол эрээри, баара суоҕа биир дорҕоон хоһооҥҥо сыыһа киирэн хаалбыт буоллаҕына, эбиитин радиоҕа сотору-сотору хатыланан ылланара, кыһыылаах да буолар. Холобур быһыытынан ити, хас да строкалары ситимтэн булан аҕаллым.

Түүннэри ытыыбын сонньуйан...

Тылдьыты арыйан көрүөҕүҥ

сонньуйуу

и. д. от сонньуй = лёгкая улыбка; албын сонньуйуу лукавая улыбка; эҕэлээх сонньуйуу хитрая улыбка; кэлэйбиттии сонньуйуупрезрительная улыбка

 

Үөһээҥи строкабыт суолтата хайдах буолан тахсарый? Санаабар кыратык мичээрдээн ылан баран, түүннэри ытыыбын, диэн дуо? Чэ, алҕас сыыһа сурулуннун даҕаны. Ол эрээри, ону сотору-сотору эфиргэ ыытан сыыһаны өссө күүһүрдэр сыыһата чуолкай.

Дьиҥэ, бу тыллар автордара “түүннэри ытыыбын санньыйан...” диэхтээҕэ сыыһа барбыт.

санньый=

1) начинать опускаться, начинать снижаться; кустар санньыйбытынан бардылар утки сразу стали снижаться; кун санньыйбыт солнце начинает клониться к закату; 2) перен. разг. печалиться, грустить

Көстөрүн курдук “санньыйан” диэммит - санааҕа баттатан, санаарҕаан, санаата түһэн – ол аата “санаа” диэн тылтан үөскээбит эбит.

Оттон “сонньуйбут” диэммит – сонун (саҥа санаа), сонурҕаа диэнтэн тахсыбыт. Холобур маннык туттуллар

Дьарааһын Баһылайабыс устунан устудьуон эрдэҕинээҕитин санаан сонньуйан ылла

Киһи, төбөтүгэр ханнык эмэ саҥа үтүө санаа көтөн түстэҕинэ сонньуйар. Санньыар санаатан санньыйар, сонун санааттан – сонньуйар.

 

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь