home
user-header
Күөрчэх туһунан өссо биирдэ
2 августа 2016 г., 00:43 652

 

 Ус хонук анараа өттүгэр, ютубка мин былырыын сэтинньи ыйга суруйбут сабаҕалааһыммын бигэргэтэр киинэни уктулар. Ону көрүҥ


Урукку суруйуум бу баар https://dnevniki.ykt.ru/Амыдай/743948#more

Избранное
  • Автор
    2 августа 2016 г., 00:55
    Амыдай   Пожаловаться

    Санатар буоллахха маннык:

     

    Уустар, уот температуратын үрдүк гынар туһуттан, үрдэрэн күртээн биэрэллэрэ. Онуоха, тирииннэн оҥоһуллубут «күөрт» диэни тутталлар.

     

     

    Үлэлиир принцибэ өйдөнөр – тирии мөһөөччүгү имитэн, ол салгынын клапаннарынан хаайан үрдэриллэр.

    Аныгы үйэҕэ, уустар электричествоҕа холбонор центробежнай вентиляторы тутталлар.

     

     

    Былыр да манныгы билэллэрэ эрээри, мотуор оннугар илии күүһүнэн эрийэллэрэ. Ол гынан баран, сахалар маннык күөрдү тутта сылдьыбыттара ханна да ахтыллыбат. Арай, бу вентилятор «рабочай көлүөһэтин» курдук көрүҥнээх, күөрчэх ытыгын «күөрт» диэнтэн таһааран ааттаабыттара дьикти. Үлэлиир принциптэрэ да, үөһэ кэпсээн ааспытым курдук, атылыы.

    Ытык уонна носуос оробуочай уорганнарын тэҥнээн да көрүҥ

     

     

    Онтон, «күөрчэх» диэн ытык буолбакка, ас көрүҥүн эрэ аата, диир дьоҥҥо анаан, Э.К. Пекарскай тылдьытыттан быһа тардан биэрэбин: «Күөрчэх (ср.абак.тат. корчик – войлочное веретено для образования сладкой пены в сваренном молоке Адр.) 1) Мутовка для взбивания сливок (ытык); кругло-дощатая мутовка; 2) Молочная пена, приготовляемая посредством взбивания и прибавления небольшого количества золы Б.; Взбитые посредством мутовки сладкие сливки, якутский крем (=дагда), к которому подбавляют иногда толчёную сардану или ягоды (=отонноох күөрчэх); «блюдо это считается барским, почётным и ставится дорогим гостям» В. С.»

    «Күөрчэх» диэни аска сыһыаннаан этэр буоллахха, суолтата «салгынынан күөртэммит убаҕас сүөгэй», диэн буолар. Өскө, сүөгэйи салгынынан күөртээбэккэ, булкуйар эрэ түгэҥҥэ, күөрчэх буолбакка, арыы тахсан кэлэр. Сатаан ытыйбат киһи, дириҥ иһиккэ күөрчэх оҥоро сатаатаҕына, сүөгэй иирэн, арыыга кубулуйан хаалыан сөп.

    Саха тылыгар тимиринэн уһаныы тиэрминнэрэ, ити курдук киһи кэтэспэтэх эйгэтигэр өтөн киирбиттэр

  • 12 сентября 2016 г., 04:32
    Гриша2016   Пожаловаться

    Кырдьык даганы...Тугун дьиктитэй... Киьи олоххо баар чахчылары болгомтого уурбата тугун сурэй. Итинтэн да атын интириэьинэй быьаарыылар элбэхтэрэ чуолкай. Ону болгомтого ылан, толкуйдаан корор мэлисээй.

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь