home
user-header
Арыыны ууга тимирдэбит
4 сентября 2016 г., 00:05 942

 

 

Арыы ууга тимирбэт, кырдьык үрдүгэр сымыйа ыттыбат, диэн саха өс хоһооно баар. Бу сөптөөх этии дуу, сыыһа дуу? Эбэтэр ардыгар биһиги, арыыны уу дии саныыбыт дуу?


Маннааҕы форумнарга, Никон диэн аатынан киирэр кыттааччы суруйуутун аахпыт дьон, манна баар буолуохтааххыт. Кини нууччалыы уонна сахалыы тыллары иһиллиититнэн тылбаастыыр идэлээх. Ардыгар кини этиитэ оруннаах буолар. Сороҕор, дьээбэ-хообо курдук көрөн, аһардан кэбиһэҕин. Холобур, кини суруйар – «пила» диэн нуучча тыла, сахалыы «билэ» диэнтэн тахсар диир.

 

 

Бары да, хайдах да оннук буолар кыаҕа суох диэхпит. Чахчыта даҕаны, атах таҥаһын киэргэлэ туттар сэпкэ-сэбиргэлгэ туох сыһыаннаах буолуой? Иһиллиитэ эрэ маарынныыр ини?

Бүгүн мин сыалым-соругум Никон бу этиитин бигэргэтии:

Билэ диэн, эрбии биитин курдук этэрбэскэ түһэрии ойуу аата.

Биитэр мас эрбиир эрбии билэтэ диэн эрбии тииһин аата. Долгун курдук билэтинэн эрбии маһы быһа түһэр

Ону нууччалар ылан Билэ = пила диэн илдьэ сылдьаллар

Бигэргэтэр сорукпутун толорон бардахпыт…

Дьиҥэ, кини арыый да сыыһар. Эрбии тииһин, билэтэ диир. Дьиҥэ, билэ диэн болотуната (полотно). Оттон тиистээх өттө – эрбии

 

 

Эрбии билэтигэр фирма маркировката уонна араас ойуулар түһэриллибиттэр. Оттон этэрбэс эбэтэр үтүлүк билэтин көрдөххө эмиэ ойуулар-оһуордар бааллар.

Үтүлүк, этэрбэс аналлара биллэр. Билэ кинилэргэ сыһыарыы киэргэл. Онтон эрбиигэ – тиистэрин (кини сурүн аналын) тутулуга. Билэтэ суох, тиистэрин туохха тутуһуннарыаҥый?

 

 

Сиэх манжетатын сахалыы «бэлэнньик» дииллэр. Урут баҕар «билэнньик» дииллэрэ буолуо.

«Эрбии» уонна «билэ» диэн тыллар ситимнэрин ол да буоллар булбатыбыт. Барыта сабаҕалааһын эрэ.

Ити ситими кордөөн, былыргы Пекарскай тылдьытын арыйан көрүөҕүҥ. Онно маннык быһаарыы сурулла сылдьар

 

 

Иккис суолтаҕа болҕомтоҕутун хатааҥ эрэ.

Десны – тиис билэтэ (ср. миилэ)

Эрбии эмиэ тиистэрдээх. Онтон тиистэрэ, болотунаҕа кэчигирэспиттэрэ, киһи тиистэрэ тиис билэтигэр кэчигирэспиттэриттэн туох атыннааҕый? Мин санаабар, улахан атына суох.

 

 

 

 

 

 

 

Ити кэнниттэн бэйэҕит сыаналааҥ – «билэ» «пила» диэн тылы кытта ситимнээх дуу, суох дуу?

Салҕыы барабыт. Никон итинэн бүппэт. Кини, хайаан да, дьиҥ баары "хой баһыгар кубулуйуор" диэри салҕааччы. Ол курдук, маннык этиигэ тиийэр

Омуктар чуолаан Sax диэн биистэр Билэ диэни file диэн илдьэ сылдьаллар.

Сахалыы эмиэ билэ диэн буолар

Бу этии Никон эрэ эттэҕинэ хой баһын туойуу курдук иһиллэр. Дьиҥинэн, ити курдук тылбаас аҕыйах сыллаахха тылдьыппытыгар киирбитэ.

билэ

оторочка (на рукавицах, обуви); обшивка, опушка; саһыл тыһа билэлээх үтүлүк рукавицы с оторочкой из лисьих лапок; сукуна билэлээх этэрбэс торбаса с суконной оторочкой.

компь. файл

Туох санааттан итинник тылбаастаабыттара биллибэт. Тылбаастаммыт – ону биир-биэс тыла суох ылынарбытыгар эрэ тиийэбит. Ол да буоллар, ити тыллар ситимнэрин көрдөөн көрүөҕүҥ.

 

 

 

 

 

 

Файл (англ. file) — именованная область данных на носителе информации

диэн быһаарыыттан тирэҕирэбит. Былыр-былыргыттан билиҥҥи кэмҥэ тиийэн кэлбит «носитель информации», кумааҕы буолар. Кинигэ, тэтэрээт, чопчулаан эттэххэ – илиис кумааҕы. Кумааҕы илииһигэр суруллубуту файл диэн ааттыаҕы, киниэхэ аата тиийбэт. Чахчыта да, аата суохха хайдах ссылка биэриэххиний? Сигэниэххиний? Страницаҕа сигэнэр туһуттан, киниэхэ аат иҥэриэхтээххин. Ол аат нүөмэр быһыытынан, илиис полятыгар суруллар.

 

 

Үөһээҥи эбэтэр алларааҥы колонтитулларга (поляларга) эмиэ араас ааттар баар буолуохтарын сөп.

Көстөрүн курдук, кинигэ страницатын полята «файл» ирдэбиллэригэр эппиэттэһэр.

Поля уонна билэ арыт суолталара сөп түбэһэллэрин, сэлээппэ полятын холобуругар эмиэ көрүөххэ сөп.

 

 Этэрбэс дуу, үтүлүк дуу билэлэрин санатар буолбаат?

 

Онон, «поля» уонна «билэ» диэн тылларбыт эмиэ биир төрүттээх буолаайаллар?

 

 

 

 

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь