home
user-header
Ким баҕар
9 июля 2018 г., 07:53 269

Манна "баҕар" тыл ис хоһоонун, туох өйдөбүллээҕин өйдүү сатаатым да, сатаммата. Мин баҕарыам, эн баҕар, кини баҕарыа - диэн ырытыахха сөбө дуу? Син биир сыыһа тахсар. Бэйэ-бэйэлэрин кытта ханан да кыайан ситимнэспэт тыллар холбоспуттар. Ол да буоллар, маннык этии радиоҕа да, телевидениеҕа да элбэхтик иһиллэр буолла. Ити сахалыы тылларбыт ис хоһооннорун өйдөөбөккө эрэ саҥарарбытыттан тахсар. Киэҥ эйгэҕэ маннык саҥа элбэхтик иһиллэр буоллаҕына, сотору сахабыт тыла сүтэргэ тиийиэҕэ.

Дьиҥэ "ким баҕарар" буолуохтаах этэ. Нууччалыы эттэххэ - "все, кто захочет", -  диэн. Радиоҕа, кыра оҕо курдук саҥара сылдьарбыт сүрэ бэрт буолбатах дуо? Арай урут, кырачааннар убайдарыгар үчүгэй үөрэҕин иһин биэрбит махтал суруктарын "убайым грамота" дииллэрин истэн сонньуйарым. Устунан, бу наҕарааданы "грама" диэн этэн барбыттара. Кинилэри өйдүөххэ сөп, кыралар буоллаҕа - сорох нуучча тылын билбэттэр. "Грамотата" дииллэрин оннугар итинник эттэхтэрэ. Онтон дьоһуннаах, радиоҕа ыытааччынан үлэлиир киһи "баҕарар" оннугар, "баҕар" дии олорорун иһиттэхпинэ сонньуйбаппын, сахам тыла умнуллан эрэриттэн санаарҕаан санньыйабын эрэ

Избранное
  • 9 июля 2018 г., 08:46
    jkkll   Пожаловаться

    ким баҕар диэн уруккаттан саҥараллар да суруйаллар да, ким баҕарар диэнтэн кылгатыы - мин санаабар, сөп, ити аайы тыл өлбөт. Аныгы тыллартан ол-бу буотта, диида .. дьадайар/сүтүө.

    Амыдай, хайгыыбын уонна хайҕыыбын - хайата сөбүй, тыл үөрэхтээххин курдук өйдүүбүн?

  • 9 июля 2018 г., 08:57
    jkkll   Пожаловаться

    уонча сылынан ким эмэ буотта, баатта диэнтэн кэлэйэн суруйуо, тугу истээри - эс, былыргыттан оҕо эрдэхпиттэн саҥарабыт диэхтэрэ 

    • Автор
      9 июля 2018 г., 15:14
      Амыдай   Пожаловаться

      jkkll, мин тыл үөрэхтээҕэ буолбатахпын. Техническэй үөрэхтээхпин. Аныгы сахалар, оннооҕор "ҥ" дорҕооммутун сүтэрэн эрэбит. Көннөрү кэпсэтэргэ да, уонна сурукка-бичиккэ кытта "н" дорҕоонунан солбуйбыт. Ырыаларга да, улаханнык сөбүлүүр ырыаһыттарбыт кытта, оннук ыллыыллар. Холобур, "кэлиҥ" диэн оннугар "кэлин" дииллэр. Хатыҥ оннугар - хатын. Биир өйдөбүл оннугар, атын өйдөбүл тахсан кэлэр. Ону эдэр ыччат истэ сылдьан, итинник сөп эбит, дии саныыр

      Ити барыта цензура суоҕуттан уонна редактордар үлэлээбэттэриттэн тахсар. Сүтэр ахсааҥҥа киирбит тылга, ол хайаан да аан маҥнайгынан баар буолуохтаах.

      Радио уонна телевидение үлэһиттэрэ литературнай тылынан саҥарыахтаахтар. "Батта-буотта" дииллэрэ сэмэлэниэхтээх. Буолбат дуо? Буолбаат? диэтэхтэринэ туохтара быстан түһүөй?

      • 9 июля 2018 г., 15:47
        jkkll   Пожаловаться

        Амыдай, сөп, наар тылы ырытарыҥ иһин оннук санаа үөскээбит. Радиолар, твлар, хаһыаттар истээччилэрин/көрөөччүлэрин/ааҕааччыларын көмөлөһүннэриэ эбиттэр, босхо ким баҕарар ыйан, кэрдэн, сүбэлиэ этилэр, үөрүүнэн. 

        Буоллаҕа оннугар буо, бо дииллэр, үчүгэй баҕайы - учей баи.

        Онтон ким баҕар, биһи (биһиги) диэн курдук кылгатыылар былыргыттан бааллар, ол сөп. 

        • 9 июля 2018 г., 17:25
          Dima Rogin   Пожаловаться

          jkkll, орфоэпияны технарьдар ордук тутуһаллар. гуманитарийдар отой да наадыйбаттар. тыл да үөрэхтээхтэр ыраас сахалыы саҥаралларын аҕыйахта истэбин

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь