home
user-header

                        
                        
Сахалыы
14 августа 2019 г., 20:59 199

Бэҕэһээнҥҥи бэтинээски, сигэнэ оонньуур силлиргэхтээх маһын, аалына оонньуур арынах маһын мин буолбута дуо?


Аакка киирбит саха ситим хоруутугар араас сахалыы суруллубут туһалаах иһитиннэриилэри ырытыылара аалын баһа хоннон биэрбэт. Бэл диэтэр аан антах түһэр санааларын да суруйбаттар. Ол гынан сорохтор аан далаҕа тыал буолар санааларын хааллараллар. Кинилэр, аанньаллара киирдэҕинэ ааннаах-үүттээх дьон курдук буолаллар. Атын кэмҥэ арааһы ыыстаан бардахтарына арааһа айылгы да дьахтар ааны кэтэҕинэн астарара буолуо. Дьэ эрэ аах-маас тылласпакка аар-маар барыахха дылы күүстээх санааларгытынан үллэстиҥ эрэ. Абааһы олоппоһун саҕаны буолбакка, толору, абааһы кымньыылаабыт да дьоно тиллэн кэлэллэрин курдук мындыр, сытыы тылгытынан сырдатын эрэ. Аҕа баһын тосту олоруҥ. Мин аҕыс айдаанынан булбут бу этиилэрбин өйдөөн, ырытан, этэр-тыынар тылгытыгар туттан ирэ-хоро сэһэргэһиэххэйиҥ. Аддай киһи аатын ылымаары ини-маны мин да сэһэргээн көрүүм. Биирдэ, уһук хоту мин аан далаҕа тыалы билэн турардаахпын. Онно ала кулуну төрөппүтүм дьэ. Биир ала бэлиэ күн улуус кииниттэн эбэни нөҥүөлээн олохтоох дойдубутугар айаннаан иһэн эмискэ буурҕа саба баттаан Өлүөнэ хабыллар хаба ортотугар умуллан хааллыбыт. Киһим абааһы олоппоһун саҕа да буоллар күүһэ диэн аар саарга аатырбыт эр. Ол гынан тимир көлөтүн аанын кыайан арыйбата, хор. Араас албас да бөтүөхтэппэтэ. Тоҥон, сойон киирэн баран истэхпитинэ аны көлөбүт аалын сабыыта өрө көтөн таҕыста да хаарын аҕалан симэн барда. Ити икки ардыгар, куттаныах бэтэрээ өттүгэр атын үлүгэрдик барыта иһийэн хаалла. Дьэ дьикти. Биһиги арааһа манна ачабытын ылларан ыт буоларбыт буолуо дии санаабыппыт. Атахпыт сири билбэт буолан собуоттана охсон айаннаатахпыт дии... Кэнники атах тэпсэн олорон кэпсэтиигэ дьэ дьулаҕайбар тиийбитэ, кыл-мүччү тыыннаах хаалбыт эбиппит....

.

туттуллубут тыллары туһаммакка тугу суруйбуппун таайан көр. Онтон бы аллаоаа суруллубуту туһанан аах, тэҥнээн көр :

аакка киирбит - известный, прославленный

аал аҕалбытын курдук - обильное множество

Бэҕэһээҥҥи бэтинээски, сигэнэ оонньуур силлиргэхтээх маһын, аалына оонньуур арынах маһын мин буолбута дуо? - стал объектом насмешки

аалын баһа хоҥнон биэрбэт - медлить, мешкать

аан антах түс- противоречить, не соглашаться

аан далаҕа - разрушительный, сокрушительный (о ветре)

ааннаах-үүттээх киһи - отзывчивый, сердобольный человек

аанньала киирбит - быть в хорошем расположении духа

ааны кэтэҕинэн астар - выгонять из дому, не давая опомниться

аар-маар буол - обалдеть, одуреть

аатын билбэт гына - чрезмерно, непомерно

аах-маас тыллас - говорить бестолково

абааһы кымньыылаабыт - внезапно, остро заболеть

абааһы олоппоһо- низкорослый, полный человек

аҕа баһын тосту олор - превзойти отца, затмить славу отца

аҕыс айдаанынан - с большим трудом, со скандалом

аддай киһи - болтун, глупец, на слова которого нельзя положиться

айаҕар бааттаах - удачливый на еду

айылгы киһи - добрый, обаятельный человек

ала бэлиэ - очень приметный

ала кулуну төрөтөр - сильно мерзнуть

ала чуо - именно, как раз

анна анчыйбат, мунна мунчуйбат - нет ни капли раскаяния, ни сожаления

араас албас - уловки

арыы-сыа курдук тут - держать что-то очень осторожно, бережно нести

атаҕа сири билбэт буолубт - быть на седьмом небе от радости, не чуять ног

атах тэпсэн олорон кэпсэт - поговорить по душам

атын үлүгэрдик - вопреки ожиданиям, неожиданно

ачатын ылларбыт - выбиться из сил, потерять последние силы.

Избранное
  • Автор
    14 августа 2019 г., 21:10
    Руфь   Пожаловаться

    Боотур манна ханнык хоһоону киллэрэҕин?

  • Автор
    14 августа 2019 г., 21:20
    Руфь   Пожаловаться

    Сотору резюме суруйарга "якутский со словарём" диирбит буолуо. Омуннаатахха

  • 14 августа 2019 г., 21:25
    Сур Бере   Пожаловаться

    Олох умнубут тылларым, сорох сомоҕо домохтору билбэт эбиппин

  • 14 августа 2019 г., 22:59
    Дьээрэ   Пожаловаться

    Са5аланыыта то5о нууччалыылаа5ый?) Бэ5эhээнни бэтинээски диэн " вчера игравший в пятнашку", т.е. молодой человек диэн буолбатах дуо?

  • 14 августа 2019 г., 23:36
    xotyyna   Пожаловаться

    Сорох тыллары өйдөөбөтүм,кыбыстыыта сүрүн ньии... Бэҕэһээҥҥи бэтэрээски диэн буолбатах?

    • Автор
      14 августа 2019 г., 23:45
      Руфь   Пожаловаться

      xotyyna, бэтинээски::)

      Аан бастаан Ойуунускай Кыһыл ойуунугар туттубут тыла. Тылбаас. Бедняк диэнтэн. Ахтыыларга баар диэн учуонай кэпсиир

      • 15 августа 2019 г., 10:46
        Дьээрэ   Пожаловаться

        Руфь, өйдөннө.

        Вчерашний бедняжка диэн эбит) бедный диэнтэн.

        Биһиги саҕана оҕонньоттор тутталлар этэ, эдэр дьону хооһургуулларыгар - бу бэҕэһэҥҥи бэтинээски чорбоҥнуур диэн))

    • Автор
      14 августа 2019 г., 23:46
      Руфь   Пожаловаться

      xotyyna, уопсай ис хоһооно өйдөнөр даа?

      • 14 августа 2019 г., 23:50
        xotyyna   Пожаловаться

        Руфь, оттон,син удумуҕалаттым. Иккитэ төхтүрүйэн аахтым)

        • Автор
          14 августа 2019 г., 23:55
          Руфь   Пожаловаться

          xotyyna, итинник баай тыллаах киһи арааһа мындыр өйдөөх буолара буолуо чахчы... Билигин кэпсэтиигэ туттар тылбыт дэлби аҕыйаабыт. Дьүдьэйбит диэххэ дуу...

          • Автор
            14 августа 2019 г., 23:56
            Руфь   Пожаловаться

            Мин тылбаасчытынан туһанным

          • 15 августа 2019 г., 00:03
            xotyyna   Пожаловаться

            Руфь, сытыы тыллаах ахсааннаах ини,ону да үөрэттэххэ буолуо.Аҥаардас нвк ыытааччыларын көрдөххө хайдах эрэ истэргэ соччото суох,сыыс тыллара элбэҕин диибин диэн. Син оттон үөрэхтээх дьон курдуктар ди

  • 15 августа 2019 г., 00:08
    xotyyna   Пожаловаться

    биһиги,боростуой,үөрэҕэ суох дьон ньум-ньам саҥарарбыт дөссө чэ буоллун даҕаны.аны туран,сыыс тыллары үксүн киһи киинэттэн көрөн өйдөөн хаалар,ону эдэр ыччат түргэнник ылынар уонна соннук саҥара сылдьар буолар. холобур, ииндиин даа диэбит курдук

  • Автор
    15 августа 2019 г., 00:44
    Руфь   Пожаловаться

    xotyyna, киинэттэн диэ. Оннук көстүү кырдьык баар. Уонна ити араас "кумир" оностор дьоннорун үтүктэллэр. Ону баара ол дьоммут сорохторо.... Холобур буолбат да дьоннор

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь