home
user-header

                        
                        
    Маалыкайдар баһылык отчуотун биһирээтилэр
    Село_Малыкай - 4 апреля 2019 г., 18:06 Закрепленный пост

    Кулун тутар 20 күнүгэр Бордоҥ нэһилиэгин баһылыга Леонид Ушканов бу сыл бастакы кыбаарталыгар олохтоох дьаһалта туох-хайдах үлэлээбитин туһунан отчуоттуур мунньах ыытта. Мунньах Ст. Васильев аатынан устуоруйаны уонна кыраайы үөрэтэр түмэлгэ буолла. Отчуоту истэ барыта 71 Маалыкай олохтооҕо кэллэ.

     

     

     

    Читать далее 2 228
    Бордоҥҥо пааралар биллиргэтистилэр
    Село_Малыкай - 4 апреля 2019 г., 16:24 Закрепленный пост

    Кулун тутар 8 күнүгэр Маалыкайдааҕы “Үрдэл” култуура уонна эргиэн киинигэр бэрт сэргэх, саҥа тыыннаах тэрээһин буолан ааста. Кэргэннии Александра уонна Владимир Матвеевтар интернет ситимин нөҥүө бары баҕалаахтары пааранан (дьахтар уонна эр киһи) бильярд күрэҕэр ыҥырдылар. Тэрийээччилэр муҥутаан 5-6 паара кыттыа дии санаабыттарын күрэх бүппүтүн кэннэ биллиммиттэрэ. Онтукалара баара, бэл диэтэр, Ньурба куораттан, Чаппандаттан дьон кэлэн, барыта 28 киһилээх улахан тэрээһин буолла. 

     

     

     

    Читать далее 246
    Маалыкайга оскуола кыргыттарыгар “Күлүмнүүрэ Куо-2019” күрэх буолла
    Село_Малыкай - 3 апреля 2019 г., 17:55 Закрепленный пост

    Кулун тутар 7 күнүгэр, Маалыкайдааҕы “Айар киин” Норуот айымньытын дьиэтэ уонна олохтоох оскуола дьаһалтата “Күлүмнүүрэ Куо-2019” диэн диэн кыргыттар күрэхтэрин ыыттылар. 

    Түөрт аҥар чаастаах күрэххэ 18 кыыс үс бөлөххө арахсан кытыннылар: 1 – 4 кылаастар, 5 – 7 кылаастар уонна 8 – 11 кылаастар. Сорох дьон сыыһа өйдөөбүттэрин иһин өссө төгүл быһааран биэрэбит – ахсыс кылаас кыргыттара үрдүкү бөлөххө киирбиттэрэ.

     

     

     

    Читать далее 1 214
    Маалыкайга дьүөгэлэр күрэхтэстилэр
    Село_Малыкай - 3 апреля 2019 г., 17:22 Закрепленный пост

    Кулун тутар 6 күнүгэр Бордоҥ нэһилиэгин “Айар киин” норуот айымньытын дьиэтин үлэһиттэрэ уонна “Ньургуһун” дьахталлар түмсүүлэрэ олохтоох устуоруйаны уонна кыраайы үөрэтэр түмэлгэ “Истиҥ дьүөгэлэр” диэн күрэх ыыттылар. Бу уустук тургутуулаах, кэрэ сэбэрэ, мааны көстүү таһынан эргиччи талааны, киэҥ билиини-көрүүнү, араас үлэ мындырдарын толору баһылааһыны ирдиир тэрээһиҥҥэ үс паара кытынна.

     

     

     

    Читать далее 1 190
    Маалыкай ытык кырдьаҕаһа Матвиенконы көрүстэ
    Село_Малыкай - 3 апреля 2019 г., 16:54 Закрепленный пост

     Олунньу 15 күнүгэр РФ Федеральнай Мунньаҕын Федерациятын Сэбиэтин салайааччыта Валентина Матвиенко Москваҕа үгэскэ кубулуйубут регионнар араас эйгэҕэ үлэлиир тыа сирин олохтоохторун кытары көрсүһүүнү тэрийдэ. Бу сүүнэ мунньахха Саха сириттэн барыта аҕыс киһи кытынна. Эрдэттэн ыытыллыбыт улахан сүүмэр түмүгүнэн, республика делегациятыгар Маалыкай ытык кырдьаҕаһа Н.Н. Николаев киирбитэ...

    Читать далее 107
    САҤА КУЛУУП ОЛУГА УУРУЛУННА!
    Село_Малыкай - 3 апреля 2019 г., 15:49 Закрепленный пост

    Олунньу 21 күнүгэр Маалыкайга устуоруйаҕа киирэр быһыы-майгы буолла – нэһилиэк килбэйэр киинигэр тутуллуохтаах саҥа кулууп дьиэтин бастакы олуга ууруллар сиэрэ-туома толорулунна. Кэрэхсэбиллээҕэ диэн, саҥа тутуу маалыкайдар бары да кэриэтэ ахта саныыр урукку “Айар киин” кулууптарын турбут миэстэтигэр дьэндэйэр буолла.

    Ыытааччы аан тылы эппитин кэннэ «Сардаҥа саһарҕалара» ансаамбыл хомусчуттарын доҕуһуолунан, «Иэйиэхсит» аҕам саастаахтар түмсүү кыттааччылара мустубут дьону-сэргэни, оҕону-урууну буруонан арчылаатылар.

     

     

    (хаартыскаҕа: Бордоҥ нэһилиэгин баһылыга Л.В. Ушканов уонна Ньурба улууһун баһылыга А.М. Иннокентьев сампаан бытыылкатынан бастакы сваяны "алҕыыллар") 

    Читать далее 153
    Сиэмминэн киэн туттабын
    Село_Малыкай - 3 апреля 2019 г., 12:33 Закрепленный пост

    Максим Сибиряков «Билиҥҥи саха оҕолоро бөдөҥнөр, урут биһиги тустарбыт саҕана улахан ыйааһыннаахтар аҕыйах этибит. Онон билигин төрөлкөй уолаттары кииннээн биир сиргэ дьарыктаталаан, улахан дьону кытта туһуннартаан тоһуталаабакка, саастыылаахтарын кытта эрчийтэлээн, туһуннаран саҥа көлүөнэ тустууктары таһаартыахха,» - диэн ыстатыйатын аахпытым. Ол кэмҥэ мин сиэним Виталий Николаев,  уон иккилээх оҕо 57 киилэ ыйааһыннаах этэ. Д.П. Коркин аатынан Чурапчытааҕы интернат оскуолаҕа оҕо сылдьан эрчиллэ сылдьыбыт буолан, сиэммин онно ыытыахпын баҕарар этим.

     

     

     

     

    Читать далее 1 1 339
    УМНУЛЛУБАТ УЧУУТАЛ УТУМ УУНАР УРУОКТАРА...
    Село_Малыкай - 29 марта 2019 г., 17:24 Закрепленный пост

    Хайыһарга сочуот туттараары дьиэм эргин эрчиллэ сылдьан күөмэйбин тымнытан устунан үгээрдээбиппин. Сөтөллөн тумнаста-тумнаста элгээҥҥэ хойут тиийэн саамай кэнники паара буолан сүүрдүм. Тоҕо да учууталга ыалдьа сылдьабын диэн эппэт урааҥхай эбитим буолла?

    Саатар трассаҕа улахан уол-кыыс бөҕө, субу-субу ситэн кэлэн тоҥуу хаарга туораталлар. Кылааһынньыгым Өлөксүөйэп Лүөҥкэлиин уон биирдээх бэдиктэрбит. Киһим үчүгэй ассыаҥканы сырсыбат. Аа-дьуо араадьыйа төбө буолан иһэр. Мин сыыҥ-сыраан буолан, бүтүннүү үгээр көлөһүнэ ис-испиттэн аллан ону да нэһиилэ ситэн иһэбин.

     

     

     

    Читать далее 2 292
    МААЛЫКАЙГА – ХАБЫР ХАПСЫҺЫЫ!
    Село_Малыкай - 2 марта 2019 г., 20:40 Закрепленный пост

    2019 с. тухары Маалыкайга биллэриллибит “Үүнэр көлүөнэлэр сылларыгар” анаммыт түөлбэлэр икки ардыларынан Комплекснай фестиваль ыытыллар. Бу фестиваль чэрчитинэн спортивнай, культурнай тэрээһиннэр уонна түөлбэлэр төһө көхтөөхтүк флюорографиянан чинчийиигэ кытталлара көрүллүө.

     

    Сыл түмүгүнэн, бастаабыт түөлбэ 100 тыһыынча солкуобайдаах үбү түөлбэтин киэргэтэригэр, дьаһанарыгар (на благоустройство микрорайона) нэһилиэк бүддьүөтүттэн ылар. Иккис миэстэ – 60 тыһыынча, үһүс миэстэ – 40 тыһыынча суммалаах үбү сүүйэр.

     

     

     

    Читать далее 1 529
    Маалыкайдар бырабыыталыстыба үлэтин биһирээтилэр
    Село_Малыкай - 2 марта 2019 г., 18:27 Закрепленный пост

    Олунньу 21 күнүгэр Бордоҥ нэһилиэгэр Саха Өрөспүүбүлүкэтин бырабыытыластыбатын сылын аайы ыытар отчуоттуур мунньаҕа буолан ааста. Оробуочай бөлөҕү СӨ сиргэ уонна баайга-дуолга миниистирэ, биир дойдулаахпыт, Ньурба улууһун куратора Евгения Григорьева баһылаан-көһүлээн аҕалла. Ону таһынан бөлөххө транспорт уонна суол хаһаайыстыбатын миниистирин солбуйааччы Агния Симонова, Тыа хаһаайыстыбатын министиэристибэтин үүнээйи үүннэриитигэр, мелиорацияҕа уонна материальнай-техническэй хааччыйыыга Департаменын салайааччыта Василий Чичигинаров киирдилэр.

     

     

     

    Читать далее 2 399
    В селе Малыкай проводят фестиваль среди микрорайонов
    Село_Малыкай - 1 марта 2019 г., 20:40 Закрепленный пост

     

    Где-где, а в селе Малыкай Нюрбинского улуса, где живёт примерно 2 тысячи человек, жизнь бьёт ключом ;-)

     

    Этот год здесь объявлен «Годом будущих поколений». В его рамках и приурочив к Году театра в РФ, Году консолидации в республике и Году развития человеческого капитала в Нюрбинском районе, местная администрация разработала и утвердила проведение комплексного фестиваля среди девяти микрорайонов наслега.

     

    Сборные команды микрорайонов в течение всего года будут соревноваться в спортивных состязаниях и культурных мероприятиях, а также в общем итоге будет учитываться процент прохождения флюорографического обследования населением (полный перечень см. ниже).

     

    Победившему микрорайону из бюджета наслега 2020-го года будет выделено 100 тысяч рублей на проведение работ по благоустройству. Вице-чемпион будет рассчитывать на 60 тысяч рублей, а бронзовый призёр – на 40 тысяч рублей.

    Конечно, суммы могут показаться некоторым читателям незначительными, но жители деревень прекрасно знают, что в глубинке любая копейка на счету. Особенно если хочешь сделать что-то для общего блага в условиях продолжающейся стагнации в российских сёлах.

     

    Напоминаем, что село Малыкай является одним из всего двух сельских поселений Якутии, которое направляет так называемый «отрицательный трансферт» в бюджет РС (Я). То есть, является не дотационным, а, наоборот, питает республиканскую казну.

     

     

     

     

    Читать далее 2 6 544
    «Мэҥэдьэк сылгытын үөскэппит хаһаайыстыба» кинигэ сүрэхтэннэ
    Село_Малыкай - 8 февраля 2019 г., 12:46 Закрепленный пост

    Тохсунньу 24 күнүгэр Маалыкай устуоруйаны уонна кыраайы үөрэтэр түмэлигэр  «Мэҥэдьэк сылгытын үөскэппит хаһаайыстыба» кинигэ сүрэхтэниитэ буолла. Бу сүҥкэн үлэни Ньурба улууһун, Бордоҥ нэһилиэгин бочуоттаах олохтооҕо Вера Григорьевна Соловьева салайан ыытта. 

    Ст. Васильев аатынан сопхуос устуоруйатын сырдатар үһүс кинигэ бу тэрилтэ 50 сыллаах үбүлүөйүгэр анаан 2017 сыл саҕаланыытыттан бэчээккэ бэлэмнэммитэ. 180 страницалаах дьоһун кинигэ «Бичик» кыһатыгар 2018 сыл бүтүүтэ 250 ахсаанынан бэчээттэнэн тахсыбыта.

     

     

     

    Читать далее 449
    “Бордоҥ кыайда!”
    Село_Малыкай - 8 февраля 2019 г., 12:06 Закрепленный пост

    Тохсунньу 26-27 күннэригэр Маалыкай “Үрдэл” киинигэр бэрт кэрэхсэбиллээх күрэх буолла. Ааспыт субуотаҕа олохтоох бордоҥнору кытары күөн көрсө диэн Сунтаар Сардаҥатыттан (2-с Бордоҥ нэһилиэгэ) уон киһилээх бильярдистар хамаандалара кэллэ...

    Күрэҕи олохтоох депутаттар сэбиэттэрин бэрэсэдээтэлэ Прокопий Степанов аан тылынан арыйда уонна:
    – Бу күрэхпит аҕыйах киһини таарыйар уонна спортка эрэ сыһыаннаах тэрээһин буолбатах. Кини ис хоһооно быдан дириҥ уонна кэскиллээх. Бүгүн биһиги былыр-былыргыттан хаан уруу Бордоҥ нэһилиэктэрэ 21-с үйэҕэ үктэнэн туран утумнарын саҥардар сиэрдэрин-туомнарын толоробут. Бу доҕордоһуу чэрчитинэн ыытыллар күрэх үйэлэргэ өлбөөдүйбэтэх уруулуу-аймахтыы сыһыаны сөргүтүүнү кэрэһэлиир.
    Мантан инники икки нэһилиэк олохтоохторо эн-мин дэһэн өссө чугастык билсиэхпит, үүнэр-сайдар үлэбитигэр бэйэ-бэйэбитигэр сүбэ-ама буолуохпут, – диэн Бордоҥ нэһилиэгин баһылыга Леонид Ушканов тыллара киирбит суругун уонна Маалыкайдааҕы бильярд федерациятын президенын Сергей Яковлев хартыынатын туттарда.

     

     

     

    Читать далее 2 4 549
    Маалыкайга саха балаҕанын малааһына буолла
    Село_Малыкай - 30 января 2019 г., 20:28 Закрепленный пост

    Ахсынньы 19 күнүгэр Маалыкайга  устуоруйаҕа киирэр күн-дьыл үүммүтэ – биэс улахан объект арыйыыта буолбута. Ол иһигэр “Норуот күүһэ – көмүөл күүһэ!” диэн ыҥырыынан салайтаран тутуллубут сахалыы балаҕаны  улуус дьаһалтатын делегацията кыттыылаах арыйбыттара.

    Ол кэнниттэн бу Бордоҥ нэһилиэгин олоҕор улахан суолталаах 14 х 11 миэтэрэ тас иэннээх саҥа тутууга Саҥа дьыллааҕы тэрээһиннэр бэркэ табыллан аастылар. Онтон тохсунньу 9 күнүгэр “Иэйиэхсит” аҕам саастаахтар түмсүүлэрэ балаҕан малааһынын сиэрин-туомун бүтэһиктээхтик ситэрэн ыыттылар. Ити улахан тэрээһиҥҥэ Ньурба куораттан, Антоновкаттан, Чуукартан, Малдьаҕартан, Хатыыттан барыта 120-тэн тахса киһи кэлэн үөрүү үллэһиннилэр, эҕэрдэлэрин тиэртилэр, күндү бэлэх-туһах ууннулар.

     

     

     

    Читать далее 3 2 351
    Мааны Маалыкайга – Малааһын күнэ!
    Село_Малыкай - 25 декабря 2018 г., 11:32 Закрепленный пост

    Ахсынньы 19 күнүгэр Ньурба Бордоҥор туох да баһааҕырдыыта суох нэһилиэк устуоруйатыгар көмүс буукубаларынан суруллан киирэр суолталаах быһыы-майгы буолан ааста. Бу күн Маалыкайга олох-дьаһах бары өртүн кэриэтэ хабар биэс улахан эбийиэк аһылынна – 50 миэстэлээх саҥа уһуйаан таас дьиэтэ, киэҥ-куоҥ сынньанар киин, урут сопхуос дириэктэринэн үлэлээбит үс чулуу Маалыкай уоланнарыгар мэҥэ бэлиэлэр, уопсастыбаннай тэрилтэлэри түмэр сахалыы балаҕан уонна Саха Өрөспүүбүлүкэтин төрүттэспит судаарыстыбаннай деятель М.В. Мегежекскэй саҥардыллыбыт бүүһэ.

     

     

    Читать далее 2 1 611
    “Мичилгэ” Баай Байанай мичик аллайда
    Село_Малыкай - 12 декабря 2018 г., 19:45 Закрепленный пост

    Баай Барыылаах Байанай – сахалар былыр-былыргыттан биир муҥутаан ытыктыыр эргэнэ хара тыа, туох баар сүүрэр атахтаах, кыптыый кынаттаах барытын иччитэ, булт-алт баатын таҥарата буолар. Төгүрүк сыл кэриэтэ өлөр-тиллэр икки ардынан мөхсө сылдьар өбүгэлэрбит, эмискэ үрүҥ тыыны үллүйэр кыахтаах, мичик аллайан, дьылы туоруур эккин-аскын соҕотохто куду анньыан сөп, кыраҕа да үөрүнньэҥ, үтүө киһи көрдөһүүтүн толоругас таҥараларын, ама, ытыктаабат буолуохтара да?

    Дьэ, Бордоҥ нэһилиэгин “Мичил” уһуйааныгар ону бэркэ диэн өйдүүллэр, утуму салҕыыр үтүө үлэни ыыталлар эбит. Бу тэрилтэҕэ оҕолуун-улаханныын, эдэрдиин-эмэнниин бары кыттар Байанай ыйын тэрээһиннэрэ саҕаланнылар...

     

     

     

     

    Читать далее 2 5 755
    Маалыкай “тугутчааннара” Гран-при кууһан эргилиннилэр!
    Село_Малыкай - 7 декабря 2018 г., 19:13 Закрепленный пост

    Ахсынньы ый 5 күнүгэр Ньурба куораттааҕы Кэрэ эйгэ оскуолата "Кыталык" культура дьиэтигэр уһуйаан оҕолоругар анаан улуус таһымнаах II-с “Маленькие ангелы” диэн үҥкүү фестивалын тэрийдэ. Бу күрэххэ 224 Маалыкай, Сүлэ, Ньурбачаан уонна оройуон киинин уһуйааннарын кырачаан иитиллээччилэрэ кытыннылар.

     

     

     

    Читать далее 1 1199
    «Браво», Малыкай! «Бис!», Бордоҥ!
    Село_Малыкай - 6 декабря 2018 г., 19:50 Закрепленный пост

     

     

    Жители Бордонского наслега Нюрбинского района участвуют в районном культурно-спортивном фестивале “Үлэннэн симэммит олох” (“Жизнь, украшенная трудом”). В рамках фестиваля, 2 декабря более 70 малыкайцев приехали в город Нюрба, чтобы показать концерт и устроить ярмарку сельхозпродукции и предметов народного промысла в районном доме культуры «Кыталык».

     

     

     

    Читать далее 1 2 771
    Улуу тренер аата ааттана турар
    Село_Малыкай - 5 декабря 2018 г., 18:25 Закрепленный пост

    Ньурба Маалыкайыгар бу дьыл ахсынньы 1 - 2 күннэригэр бу нэһилиэккэ көҥүл тустууну төрүттээбит биллиилээх тренер, үрдүк категориялаах судьуйа, көҥүл тустууга маастарга хандьыдаат В.Н. Кузнецов бирииһигэр төрдүс төгүлүн оройуоннааҕы күрэхтэһии буолан ааста. Күрэххэ барыта 111 оҕо (2004 – 2009 сс. төрүөх) кыттынна. 

     

     

    Читать далее 2 808
    “Ленин, партия, Комсомол...”
    Село_Малыкай - 4 декабря 2018 г., 12:34 Закрепленный пост

    Бу дьыл сэтинньи 7 күнүгэр Маалыкайга комсомол төрүттэммитэ 100 сылыгар уонна Улуу Өктөөп күнүгэр аналлаах РФКП Маалыкайдааҕы партийнай ячейкатын үөрүүлээх бырааһынньыктааҕы тэрээһинэ олохтоох М.В. Мегежекскэй аатынан устуоруйаны уонна кыраайы үөрэтэр түмэл дьиэтигэр өрө көтөҕүллүүлээхтик буолан ааста.

     

     

    Читать далее 2 4 390
Обратная связь