home
user-header

                        
                        
Уу паарынан үлэлиир куйаар зуондун тургутан көрбүттэр
14 января 2019 г., 20:18 674

Уу уонна паар көмөтүнэн планеталар икки ардыларынан көтөр аппарат төһө баҕар өр үлэлиэн сөп уонна хайыы-үйэ бастакы тургутууну (испытание) ааспыт.


 

Pioneer уонна Voyager куйаар зуоннара (космические зонды) Сиртэн 120 астрономия единицатыгар (хас даҕаны миллиард км) тэҥнэһэр кый ыраах көтө сылдьаллар. Инник аппараттарга туттуллар ион хамсатааччы (ионный двигатель) кыамтата олус кыра, ол эрээри сүрдээх барыстаах уонна мөлтөх, ол гынан баран уларыйбат күүс көмөтүнэн (түргэтээһин - ускорение) сүрдээх улахан оскуораһы ылар. Ол эрээри уматык саппааһа ион хамсатааччыларыгар эмиэ бүтэр уонна киһи-аймах хаһан эмэ планеталарга көтөр дьоллоох буоллаҕына биһиги Сиргэ эрэ уматыгынан хааччыныа суохтаахпыт: куйаар хараабыла ханна тохтуур да онно хааччынарбыт баҕалаах.

 

Киин Флорида Университета Күн систематыгар олус тарҕаммыт баайыгар — уу мууһугар —  үлэлиир куйаар аппаратын оҥоруутун туһунан суруйбут. Honeybee Robotics хампаанньа дьоно Фил Мецгер (Phil Metzger) коллегаларын кытта хайыы-үйэ WINE (World Is Not Enough, «Аан Дойду бүтүнүтэ кыра - Целого мира мало») диэн ааттаах зуон бастакы прототибын хомуйбуттар уонна 2018 сыл бүтэһик күнүгэр тургутан көрбүттэр. Аппарат бэйэтэ оҥорон таһаарбыт реактивнай уу паарын күүһүнэн көтөн тирээбилтэн арахсыбыт.

 

Прототип быһа холоон дьиэҕэ баар СВЧ-оһох саҕа кээмэйдээх, Күн систематын иһигэр көтөргө аналлаах күнтэн энергия ылар панеллардаах, оттон Күн сардаҥата тиийбэт сиригэр радиоизотоп термоэлектрогенератор — РИТЭГ — көмө буолар. WINE  ити энергияны туһанан мууһу улам-улам уулларан, паарга кубулутан, онтон паар молекулаларын утааран кыра, ол гынан баран ион хамсатааччы тягатыгар тэҥнэһэр күүһү оҥорор.

 

Теоретически WINE может продолжать работу бесконечно, пока остается в условиях микрогравитации, а вокруг достаточно льда / ©University of Central Florida

Теория этэринэн микрогравитация эйгэтигэр уонна тула муус баар буоллаҕына WINE төһө баҕар өр үлэлиэн сөп. (University of Central Florida хаарт)

 

Күн сардаҥата тиийэр сиригэр уонна радиоактивнай төрүт баарын тухары WINE, арай кылгастык ааһан иһэр астероидка, кометаҕа, планетаҕа дуу мууһунан саппааһын толоруна-толоруна, үлэлиир кыахтаах. «WINE курдук аппараттар Куйаар халлаан чинчийиитин тосту уларытыахтарын сөп», — диир Honeybee Robotics вице-президиэнэ Крис Закни (Kris Zacny).

 

Naked Science

#техника, #космос, #сахалыы

Избранное
Чтобы оставить комментарий, вам нужно авторизоваться или зарегистрироваться
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь