home
user-header

                        
                        
Марска мэтаан төрүтэ ирбэт тоҥ сир буолуон сөп
3 апреля 2019 г., 12:08 163

Кыһыл планетаҕа мэтаан кистэлэҥ көстүүтүн ирбэт тоҥ сиргэ астероид түһүүтүн эбэтэр сир хамсааһынын кытта ситимнээбиттэр.


 

Марска биирдэ эмит көстөн ылар мэтаан кини биир улахан кистэлэҥэ буолар. Биһиги сирбитигэр ити көтөр гаас тыынар-тыыннаахтар дьайыыларыттан үөскүүр, оттон кини хайдах тыйыс-тымныы Марс кумах куйаарыгар баар буоларый? Учуонайдар хас да гипотеза таһаарбыттар, ол быыһыгар Марска мэтаан геологияттан үөскүүр хас да механизмын биэрбиттэр. Ол үрдүнэн Марс мэтаанын кэтээн көрүү олус сэдэх, кинини хаста даҕаны көрдүү сатаабыттара да булбатахтара.

 

Рим астрофизика институтун үлэһитэ Марко Джуранно (Marco Giuranna) уонна кини коллегалара Mars Express диэн зонд дааннайдарын туһаммыттар. Кинилэри 2012 ахсынньы ыйыттан 2014 от ыйыгар дылы Гейл кратерыгар мэтаан тахсыыта интириэһиргэппит. Ити хааччах кэм ортотугар, 2013 бэс ыйын 16, кратерга үлэлии сылдьыбыт Curiosity марсоход мэтаан концентрацията эмискэ улааппытын бэлиэтээбит.

 

Mars Express мэтааны эмиэ бу күн бэлиэтээбит, иннэ гынан марсоход дааннайа сөптөөҕө быһаарыллыбыт. Nature Geoscience сурунаалга тахсыбыт ыстатыйаҕа учуонайдар суруйбуттарынан Curiosity мэтаан миллиардка 5,78 чааһа баар диэн быһаарбыт, оттон Mars Express салгыҥҥа быдан элбэх концентрацияны бэлиэтээбит — миллиардка 15,5 чааһын.

 

Учуонайдар киэҥ Гейл кратерын уонна кини тула сытар сирдэри квадраттарга арааран баран атмосфера быһыытын суоттаабыттар уонна мэтаан тахсар кыахтаах сирин геология ньыматынан көрдөөбүттэр. Ити икки хайысха бэйэлэриттэн тутулуга суох үлэлээбиттэр уонна иккиэн кратертан илин 500 км кэриҥэ сытар сири ыйбыттар. Aeolis Mensae — диэн хаптаҕай үрдэл, кини ирбэт тоҥ сирэ хайыта баран мэтааны таһаарар кыахтаах эбит. Геология сыҕарыйыыта (смещение) эбэтэр метеорит түһүүтэ ити процеһы көҕүлээбит буолуохтарын сөп.

 

 

Naked Science

#естественные_науки, #космос, #сахалыы

Избранное
Чтобы оставить комментарий, вам нужно авторизоваться
с помощью аккаунта в соц.сети
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь