home
user-header

                        
                        
74 саастаах дьахтар икки оҕону төрөппүт
9 сентября 2019 г., 17:12 290

Соҕуруу Индия Андхра-Прадеш штатын кырдьаҕас дьахтара игирэ кыргыттары төрөппүт.


 

Дьахтар аата Мангаяма Ярамати. Оҕолор төрөөбүттэрин туһунан туоһу сурукка (свидетельство о рождении) кини соторутааҕыта 74 сааһын туолбут диэн суруллубут. 82 саастаах кэргэнин кытта кини хат буоларга ЭКО процедуратын туһаммыт. Ол кэннэ икки чэгиэн оҕолору кесарь хайа быһыытын (кесарево сечение) көмөтүнэн төрөппүт.

 

Саастаах кэргэнниилэр өр кэмҥэ оҕолоно сатаабыттар да кыаллыбатаҕын туһунан кэпсээбиттэр. Интэн сылтаан Ярамати дьиэ кэргэни олорор дэриэбинэлэригэр абааһы көрөллөр эбит. Оҕону өр сылларга элбэхтэ төрөтө сатаабыттар уонна элбэх эмчиттэри кэрийбиттэр, ол гынан баран сөптөөх быраастар саҥа көстүбүттэр.

 

Мангаяма Ярамати төрөөбүтүн сарсыҥы күнүгэр эрэ эмискэ инсуллаабыт, билигин кини бигэ туруктаах уонна балыыһаҕа быраастар көрүүлэригэр-истиилэригэр сытар. Арай туох эмит буоллаҕына оҕолор хайдах олоруохтарай диэн ыйытыыга кырдьаҕас төрөппүттэр «Барыта Таҥара илиитигэр баар, биһиги онно былааспыт суох» диэн хоруйдаабыттар.

 

 

Бу кэмҥэ Мангаяма Ярамати — Аан дойду үрдүнэн оҕо төрөппүт ордук кырдьаҕас дьахтар буолар. Бу иннинэ рекорд Индия атын дьахтара тутан олорбут. Далджиндер Каур 72 сааһыгар оҕоломмут, ол гынан баран кини сааһа докумуоннарынан бигэргэтиллибэтэх. ЭКО технологиятынан теорияҕа хайа баҕар сааска оҕону үөскэтиэххэ сөп. Арай ийэ организма хат кэмин уонна төрүүрү тулуйарыттан эрэ тутулуктаах.

 

Naked Science

#медицина, #общество, #сахалыы

Избранное
Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь