home
user-header

                        
                        
Чэй мэйии үлэтин сайыннарар
16 сентября 2019 г., 19:35 208

Нэдиэлэҕэ түөртэ чэйдиир мэйии ситимнэрин (мозговые связки) сайыннарар.


 

Маннык түмүктэри Сингапурдааҕы Национальнай университет учуонайдара оҥорбуттар. Бу үлэ дааннайдара Aging сурунаалга тахсыбыт. Аавтордар суруйалларынан, чэй туһалааҕын-туһата суоҕун чинчийиилэрэ сүрүннээн нейропсихология ньымаларыгар олоҕурарын өйдөөн көрбүттэр, оттон кинилэр бөлөхтөрө бу утах туһатын нейровизуализация көмөтүнэн көрдөрбүттэр.

 

 

Чинчийээччилэр кыттааччылары икки бөлөххө араарбыттар: чэйи чаастатык иһэр уонна испэт эбэтэр биирдэ эмит иһэр дьоҥҥо. Чэйи иһээччилэргэ бүтэһик 25 сыл иһигэр нэдиэлэҕэ түөртэн элбэхтэ от күөх эбэтэр улуну иһэр дьону киллэрбиттэр. Дьон барыта 60 ааспыт 36 саастаах эбиттэр. Доруобуйаларын, олохторун-дьаһахтарын уонна психология өттүнэн чөл дааннайдарыттан таһынан кинилэр бары нейпропсихология тестын ааспыттар уонна хас биирдии кыттааччы мэйиитин мрт нөҥүө көрбүттэр.

 

 

Учуонайдар кыттааччылар билии доҕурун (когнитивная способность) көрдөрөр тестар дааннайдарын уонна мрт сканнарын тэҥнээбиттэр, ол кэннэ бөлөхтөр түмүктэрин кытта тэҥнээбиттэр. 

 

Чинчийэр бөлөх быһаарбытынан чэйи таптааччылар мэйиилэрин сорох өттө ордук хардарыта ситимэ ордук үчүгэй эбит. Чэйи наар иһии уонна мэйии полушарияларын асимметриятын кыччааһына —  бу үөрүйэх (привычка) туһатын көрдөрөр.

 

«Холобур курдук суол сырыытын ылыахха: Мэйии уобаластара тиийэр сирбит буоллуннар, онтон ситимнэр — суоллар. Суол системата үчүгэйдик оҥоһуллубут буоллаҕына массыыналар уонна пассажирдар сырыылара ордук табыгастаахтык айанныыллар уонна аҕыйах ресурсу туһаналлар. Мэйиилэр уобаластарын икки ардылара ордук сайдыылаах буоллаҕына информацияны чочуйуу ордук туһалаахтык оҥоһуллар», — диир Лэй Фэн, чинчийэр бөлөх салайааччыта. «Бу иннинээҕи чинчийиилэргэ биһиги чэй иһээччилэр чэйи испэт дьоннортон когнитивнай функциялара ордугун көрдөрбүппүт. Бу үлэбит түмүгэ, мэйиигэ сыһыаннаах өртө, ол үлэлэр түмүктэрин бигэргэтэр уонна чэй иһии үчүгэй өртө мэйии үлэтэ ордук таһымнаахтык үлэлиириттэн тахсарын көрдөрөр».

 

Учуонайдар бэлиэтиллэринэн билии функциялара (когнитивные функции) уонна мэйии структурнай оҥоһуута (структурная организация мозга) ыкса ситимнээхтэриттэн сылтаан, кэлиҥҥи үлэлэр чэйгэ баар биология көхтөөх һэктэрэ (Биологически активные вещества) киһи интеллегар дьайарын көрдөрүөҕэ. Ону таһынан, маннык чинчийиилэр өй үөскүүр процеһын уонна билии дьоҕурун туох ордук тутуоҕун көрдөрүөхтэрин сөп.

 

 

Naked Science

#медицина, #сахалыы

Избранное
  • 17 сентября 2019 г., 00:31
    egtomz   Пожаловаться

    Дьиннээх сыаналаах чэй сорогото оннук ини. билигин иьэр чэйбит принцесса гита пакетированный из чайных отходов делаеться и химия натурального ничего нет.

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь