home
user-header

                        
                        
Боруонса үйэтээҕи хорҕолдьун хостонор сирин булбуттар
23 сентября 2019 г., 20:22 261

Гейдельберг университет уонна Мангеймнааҕы К. Энгельхорн  аатынан археометрия Киинин чинчийээччилэрэ боруонса үйэтээҕи хорҕолдьун төрүт сирин (источник олова) булбуттар. Учуонайдар ыстатыйалара PLoS One сурунаалга тахсыбыт.

Natalie Ch/Flickr/Indicator.Ru


 

Чаҥ (бронза), алтан уонна хорҕолдьун булкааһа, хайыы-үйэ б.э. IV уонна III тыһ. с. Чугас Илиҥҥэ (Ближний Восток), Анатолияҕа уонна Эгиэй байҕалын тулатыгар оҥоһуллар эбит. Кинини оҥорон таһаарыы билиитин туһунан Европа устун түргэнник тарҕаммыт. Чаҥы сэрии сэбиргэллэрин, киэргэллэри уонна күннээҕи туттуллар предметтары оҥорон таһаарарга тутталлар эбит.

 

Хорҕолдьун төрүөтэ өр кэмҥэ археологтар чинчийиилэригэр таабырын эбит. Бу тимиртэн оҥоһуллубут тэриллэр Европаҕа уонна Азияҕа дэҥҥэ көстөр эбит. Илин Сир ортотунааҕы байҕал эргиэнэ хорҕолдьун сирэ олох да суох эбит. Иннэ гынан бу эргин хантан эмэ хааччыллыахтаах эбит. 

 

Хорҕолдьун төрүөтэ уонна боруонса тэриллэр булуллубут сирдэрэ ( Berger et al. 2019 )

 

Кини төрүөтүн быһаарарга учуонайдар Израильга, турцияҕа уонна Грецияҕа булуллубут б.э. II тыһ. с. хорҕолдьуну чинчийбиттэр. Изотоп уонна микроэлеменнары ырыҥалыыр ньымалары туттан чинчийээччилэр хорҕолдьун кутуу быһыытынан (в виде слиток) Киин Азияттан буолбакка Европаттан кэлэрин быһаарбыттар. Холобура, Израильга булуллубут хорҕолдьун кутуулара улахан аҥаарынан британия Корнуолл уонна Девон хорҕолдьуннарыгар сөп түбэһэрэ быһаарылынна.

 

Бу түмүк көрдөрөрүнэн оннооҕор бронза эпохатыгар Европа уонна Илин Киин байҕал эргиннэр икки ардыларыгар уустук уонна ыраах сытар атыы суоллара баалларын көрдөрөр. Үрдүктүк сыаналанар сырьёлар, хорҕолдьун, янтарь, өстүөкүлэ уонна алтан бу атыы хамсатар күүстэрэ буолбуттар эбит.

 

 

Индикатор

#гуманитарные_науки, #сахалыы

Избранное
Чтобы оставить комментарий, вам нужно авторизоваться или зарегистрироваться
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь