home
user-header

                        
                        
Куоскалар иччилэригэр күүстээх сыһыаннаахтар эбит
7 октября 2019 г., 20:23 306

Куоскалар — туспа уонна ким да тутулуга суох сылдьар кыыллар диэн ааҕыллаллар. Ол гынан баран чинчийии көрдөрбүтүнэн дьиэтээҕи куоскалар иччилэригэр (хозяевам) сыһыаннара күүскэ ситэ сыаналаммакка сылдьыбыттар. Ол туһунан ыстатыйа Current Biology сурунаалга таҕыста.

fivediamond/Flickr


 

«Ыттар курдук куоскалар иччилэригэр эмиэ социальнай сатабылларын көрдөрөллөр , — диир үлэ автордарыттан биирдэстэрэ Орегон штат Университетын үлэһитэ Кристин Витале. — Куоскалар улахан аҥаардара иччилэригэр эрэллээх сыһыаннаахтар уонна кинилэри саҥа эйгэҕэ куттала суох төрүтүн (источник безопасности) курдук ааҕаллар».

 

 

Киһи убаныытын (привязанность) чинчийэр биир ньыматынан оҕо саҥа эйгэҕэ кылгас кэмҥэ суох буолан баран төрөппүтүн кытта холбоһорун кэтээн көрүү буолар. Иитээччи төннөн кэллэҕинэ киниэхэ убаммыт оҕолор холку буолаллар, уоскуйаллар уонна туохтан да куттамматтар. Атын оҕолор, иитээччигэ убаныыта суохтар, төттөрүтүн эрэлэ суоҕу уонна ити киһиттэн куота сатыылларын көрдөрөллөр (атыҥырыыллар).

 

 

Инник тестары урут приматтарга уонна ыттарга ыыппыттар уонна элбэх чинчийиилэргэ хаттаан биир кэмнээх түмүктэри (воспроизводимость) көрдөрбүттэр. Ол иһин Орегон штат Университетын учуонайдара ити тесты куоскаларга ыытарга санаммыттар. Экспэримиэн кэмигэр улахан куоска эбэтэр куоска оҕото саҥа хоско икки мүнүүтэ иччитин кытта сылдьыбыт, оттон икки мүнүүтэ соҕотоҕун. Өссө икки мүнүүтэнэн кинилэр холбоспуттар. Куоскалар иччилэрин хаттаан көрбүт реакцияларын убаныы быһыыларынан классификациялаабыттар. 

 

Күүстээх сыһыаннаах куоска 

 

Сэрэхэчийбиттии-сараҥныыр (настороженно-колеблющийся) сыһыаннаах куоска 

 

Сэрэхэчийбиттии-куотар (настороженно-избегающая) сыһыаннаах куоска

 

Түмүктэр көрдөрбүттэринэн куоскалар убаныыларын механизма оҕо убаныытыгар олус майгынныыр эбит. Дьоҥҥо, оҕолор 65% иитээччилэригэр күүстээх убаныылаах эбиттэр. Куоскаларга эмиэ соччо куоска иччилэригэр күүстээх сыһыаннарын көрдөрбүттэр.  

 

 

Бу ылыллыбыт түмүктэр көрдөрөллөрүнэн дьиэтээҕи кыыллар иччилэригэр убаныылара бигэлээх (стабильна) уонна улахан сааска эмиэ баар. Бу социальнай имигэс (социальная гибкость), аавтордар санааларыгар, дьиэтээҕи куоскаларга дьон дьиэлэригэр олохсуйалларыгар көмөлөһөр. Билиҥҥи кэмҥэ учуонайдар инник тестары приюттар иитиэхтэрин кытта туох эмэ атыннаахтарын билээрилэр үлэлииллэр.

 

 

Индикатор

#естественные_науки, #сахалыы

Избранное
Чтобы оставить комментарий, вам нужно авторизоваться или зарегистрироваться
Читайте также

Полковая Тиксинская гауптвахта, #ДМБ2020 была самым знаменитым местом заключения солдат на всём севере от Мурманска до Анадыря. Она принадлежала строительному полку, а я служил в батальоне связи, который относился к ВВС. Таким образом, мы лётчики были чужими на этой губе. Самых отъявленных нарушителей воинской дисциплины привозили сюда на самолётах аж с Воркуты. На «киче» служили солдаты-садисты. А командовал ими жестокий зверь Майор Синяков, по прозвищу Дизель. Эти солдаты жили прямо на гауптвахте, они ни при каких обстоятельствах не показывались в полку и гарнизоне, было слишком много желающих расправиться с ними.

Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь