home
user-header

                        
                        
Учуонайдар Парфенон дьиҥнээх аатын быһаарбыттар
23 декабря 2019 г., 19:51 180

Нидерланды историктара быһаарбыттарынан Парфенон диэн түҥ былыргы Греция храма үйэлэр тухары сыыһа ааттана сылдьыбыт.

Парфенон диэн ааттана сылдьыбыт Былыргы Греция храма


 

Парфенон — диэн Афина куоракка баар Акрополь диэн томторго турар Античность биир ордук биллэр мэҥэ бэлиэтэ (памятник). Утрехт университетын (Нидерланды) учуонайдара этэллэринэн үйэлэр тухары ити дьиэни сыыһа ааттыы сылдьыбыттар эбит. 

 

Гекатомпедон (Hekatompedon) — дьиҥинэн б.э. 447-438 с. Калликрат архтектор Афина таҥараҕа анаабыт мрамортан оҥоһуллубут храмын былыргы гриэктэр инник ааттыыр эбиттэр. Нидерланды учуонайдара археологическай хаһыылар уонна былыргы гректэр суруйууларыгар олоҕуран оҥорбут чинчийиилэригэр суруйбуттарынан Рим кэмигэр киэҥник биилибит «Парфенон» диэн аат бастаан олох атын дьиэ сүгэ сылдьыбыт.

 

Дьиҥнээх Парфенон дьиҥинэн былыргы кылааты мунньар сир (сокровищница) эбит, онно Афинаҕа сиэртибэ биэрэллэр уонна араас муусука инструменнара, Персия батыйалара уонна атын реликвийалары мунньаллар эбит. Билигин ол дьиэ Эрехтейон диэн аатынан биллэр — кини киин храмтан 100 м тэйиччи турар уонна хас да уонунан сыл хойут тутуллубут. Археологтар уонна историктар Эрехтейон дьиҥнээхтик туохха анаммытын уруккаттан таайа сатаабыттар.

 

Эрехтейон (tepler.ru)

 

Эрехтейон кариатидалара (tepler.ru)

 

Парфенон «кыыс дьахтар дьиэтэ» («дом девственниц») диэн тылбаастанар, ол иһин кыра храм кариатидаларынан киэргэтиллибит — дьиэ кырыысатын тутар дьахтар фигуралаах колонналар. Учуонайдар этэллэринэн Гекатомпедон диэн аат 2500 сыл анараа өттүгэр баар архыыптарга ахтыллан ааһар.

 

«Гекатомпедон «сүүс фут уһуннаах храм» диэн тылбаастанар, оттон храм улахан хоһо кырдьык 100 сут уһуннаах эбит (уһуна 100 пус, πούς — гректэр фут аналога), — диир чинчийии бастыҥ аавтора Янрик ван Роухуизен — Гекатомпедон — саҥарарга ыарахан аат. Ол иһин Парфенон диэн аат ордук киэҥник биллибит буолуон сөп. <…> Мин грек доҕотторум бастаан утаа сэрэхэчэйбиттэрэ, оттон билигин мин теориям олоххо баар буолара дьоһуннаах (достойный) дииллэр».

 

Акрополь (National Geographic)

 

«Храм Рим докумуоннарыгар суруллубут. Тиэкстэргэ баһаам элбэх кылаат ахтыллыбыт, олору ким да аахыйбатах эбит. Атын өттүттэн, ахтыллыбыт объектар Парфенон инвентарыттан эрэ биллэллэр. Ким даҕаны хаһан даҕаны сибээс олохтооботох, тоҕо диэтэргин дьон барыта кылаат-хос улахан храмҥа баар дии саныыр эбит. Ол гынан баран атын түмүк манна суох: Парфенон кыра храм сороҕо», — диэн түмүктүүр Роухуизен.

 

Naked Science

#гуманитарные_науки, #общество, #сахалыы

Избранное
Чтобы оставить комментарий, вам нужно авторизоваться или зарегистрироваться
Читайте также
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь