home
user-header

                        
                        
Кымырдаҕас тоҕо күүстээҕин быһаарбыттар
Сур Бере
Pro аккаунт
21 октября 2020 г., 18:54 458

Аан дойдутааҕы учуонайдар бөлөхтөрө кымырдаҕастар түөстэрин рентгеҥҥа түһэрбиттэр уонна дьардьаматын уонна былчыҥнарын чинчийбиттэр. Ол түмүгэр чинчийээччилэр кымырдаҕас күүһэ кини көппөт буолбутуттан ситимнээбиттэр.

Кымырдаҕастар тоҕо күүстээхтэрэ быһаарыллыбыт (stopklopu.com хаарт.)


 

Бу үлэ Frontiers in Zoology сурунаалга уонна Окинаватааҕы наукалар уонна технологиялар институт (OIST) официальнай сайтыгар тахсыбыт. Кымырдаҕастар планета үрдүгэр биир ордук ситиһиилээх үөн-көйүүр буолар. Кинилэр бары климат зоналарыгар барыларыгар тарҕаммыттар — иҥчэҕэй тропиктартан кумах куйаардарга уонна тайҕа тыаларыгар дылы.

 

Сүрүннээн бу үөн-көйүүр социальностарын — ол эбэтэр ситиһиилэрин хааччыйар хамаандаҕа үлэлиир кыахтарын  — эрэ үөрэтэллэр. Ону таһынан тас өттүн үөрэппит чинчийиилэр бааллар. Онтон кымырдаҕас ис оҥоһуутун үөрэппит үлэлэр суохтар эбит.

 

Окинаватааҕы наукалар уонна технологиялар институт (OIST, Япония) уонна Сорбонна Университет (Франция) учуонайдара кымырдаҕастар былчыҥнарын оҥоһуулара таһаҕаһы таһарга хайдах үлэлиирин чинчийбиттэр. 

 

Биллэрин курдук кымырдаҕастар көтөр үөн-көйүүрдэртэн төрүттээхтэр. Онтон көтөр кыах эт-хааҥҥа (организм) хааччахтааһыны үөскэтэр. Ол курдук, көтөр үөн-көйүүрдэр кынаттарын былчыҥнара агда (грудная клетка) улахан аҥаарын ылар — сорох түгэннэргэ агда иэнин улахан аҥаарын. Ол иһин атын былчыҥнарга миэстэ тиийбэт.

 

Оттон көтөр дьоҕур суох буоллаҕына атын былчыҥнар сайдар кыахтаналлар. Ити чахчы (факт) учуонайдары кымырдаҕастар күүстэрин көтөр дьоҕур оннугар «атастаспыттар» диэн санааҕа киллэрбит. Чинчийээччилэр көппөт кымырдаҕастар икки көрүҥ үлэһит уонна королева агдаларын кып-кыра ымпык-чымпыктарын (мельчайшие подробности) үөрэппиттэр.

 

Кинилэри үрдүк разрешениялаах компьютер томография көмөтүнэн чинчийбиттэр уонна агда 3D-моделын оҥорбуттар. Учуонайдар оҥорбут түмүгэ гипотезаларын бигэргэппит: кымырдаҕастар көппөт буоланнар күүстээх буолбуттар. Кинилэр былчыҥнарын сабардама улааппыт, ону тэҥэ моойдорун былчыҥнарын уонна былчыҥнар туттарыыларын (крепление мышц) геометриялара эмиэ уларыйбыттар эбит.

 

Naked Science

#естественные_науки, #сахалыы

Избранное
  • 22 октября 2020 г., 10:46
    Айаролох   Пожаловаться

    Ээ, ол иЬин да5аны кымырда5астар жуоса куустээхтэр даааа? Оччо5уна хайыыбыт, мантан киэЬэ? Вегас да?

    • 22 октября 2020 г., 12:15
      Ачыкы   Пожаловаться

      Айаролох, Вегастаама хайаама, в горшок и спать! )))

      • 22 октября 2020 г., 12:45
        Айаролох   Пожаловаться

        Ачыкы, ону баара кымырдаҕас оннук үлүгэр күүстээх буолбатах. Күүс уонна былчыҥ ситимнэрэ атыттар, күүс (выполненная работа) айылҕаҕа үксүн иҥиирдэртэн тутулуктаах, ити дьон суруйбутун курдук "былчыҥ объемыттан" буолбатах.

        Квантовай физикаҕа, күүс, "От плотности механизма и постоянной гравитации" тутулуктаах. Бу теорийаннан ылан көрдөххө, кымырдаҕаһы киһи саҕа масштабтаатахха, киһитээҕэр олох мөлтөх буолар, бэйэтин атахтара бэйэтин ыйааһыныттан тостуо этилэр.

Чтобы оставить комментарий, вам нужно авторизоваться или зарегистрироваться
Включите премодерацию комментариев
Все комментарии к этому посту будут опубликованы только после вашего подтверждения. Подробнее о премодерации
Обратная связь