home
user-header

                        
                        
    .....
    Чэмэлиинэ_ 10 июля 2014 г., 21:41

    Суруйуох, бичийиэх санаалар

    Үөйбэтэх өттүттэн кэлэллэр,

    Саҥаны айыах-тутуох баҕалар

    Үүйэ-хаайа туталлар...

    Биир тылы бичийбэтэххэ,

    Иккиһинэн салҕаабатахха,

    Күнүм мэнээк ааспыт курдук

    Тугум эрэ тиийбэт курдук...

    Ыраас илииһи марайдаатахха,

    Иэйии тылын хааллардахха,

    Санаам, дууһам уоскуйар,

    Бары кыһалҕа умнуллар....

    © Чэмэлиинэ Ядреева

    Читать далее 1 313
    Хара тураах...
    Чэмэлиинэ_ 16 июня 2014 г., 00:01

    Хатан - кууран бүппүт үөккэ

    Хара тураах олорор,

    Ханна эрэ ааспыт олоҕо

    Халыҥ сылга суураллан.

    Хара тураах ыараханнык

    Үөһэ үөттэн одуулуур,

    Ааһан устар дьылы - кэми

    Биир - биир сыымайдыыр.

    Эмэхтийбит тумсунан

    Ылгаан ылан быраҕар,

    Борук - сорук күннэри,

    Санньыар түгэннэри.

    Курус ахтыы күлүктээх

    Ааспыт кэрэ кэмнэри,

    Хара куорсун кынатыгар

    Имэрийэ сааһылыыр.

    Читать далее 459
    Айаннаан иһэммин...
    Чэмэлиинэ_ 5 июня 2014 г., 16:28

     

    ____20140604_000249.jpg

    Читать далее 4 406
    Баара - суоҕа дьоннорбут...
    Чэмэлиинэ_ 1 июня 2014 г., 21:20

    Үөн - көйүүр, кыыл, көтөр эбиппит буоллар дии санааччыгыт дуу? Арай...

    Бу хоһоон "Мы всего лишь люди" диэн этиини ааҕан баран суруллубута...

     

     

    Хаһан эрэ көҥүл халлааҥҥа

    Улуу кыыллыы, хотойдуу,

    Улуумсуйа, тойомсуйа

    Тэлэһийэ көтөрүм...

     

     

    Хаһан эрэ кыыс лыахтыы

    Кэрэ симэх буоламмын,

    Сайыҥҥы хонуу устунан

    Ыллыы-туойа дайарым...

     

     

    Хаһан эрэ мэник кыыллыы

    Читать далее 2 370
    Киһилии суруйар буолуҥ эрээ...
    Чэмэлиинэ_ 27 мая 2014 г., 15:30

    Эбэтэр бэйэм тугу эрэ сатаан өйдөөбөппүн дуу? Арааһа олохтон хаалан иһэбин дуу ))))

     

    Ол-бу араас ситимнэр, ватсап үөдүйүөҕүттэн.дьон сатаан суруйбат да, саҥарбат да.буолла диэтэхпинэ сыыспатым.буолуо.

     

    Кылгатан суруйуу, уһатыылаах.аһаҕас дорҕоону ылан.быраҕыы, тылы сарбыйыы, сахалыы дьиҥ бичиктэри тумнуу.

     

    Бүтүннүү суруйарга бириэмэни ыытабыт, телефоммут сахалыы бичиги өйөөбөт (не поддерживает), дьон барыта маннык суруйар...диэххит.


    Ол төрүөт буолбатах. "Сүрэҕэлдьиибит" )) 

    Читать далее 2 9 487
    Сөбүлээбэппин...
    Чэмэлиинэ_ 27 мая 2014 г., 10:35

    Сөбүлээбэппин -
    Аахайбат буолалларын,
    Сиргэ-буорга тэпсэллэрин,
    Үтүөнү тумнан 
    Мөкүнү булан ылалларын.

     

    Сөбүлээбэппин -
    Аҕала сатаан түһэрэллэрин,
    Бэйэ дьонун кэбийэллэрин,
    Сырдыгы тулуйумуна
    Хараҥаҕа саһалларын.

     

    Сөбүлээбэппин -
    Кэрэни өйдөөбөттөрүн,
    Тирии таһынан аһаралларын,
    Сүрэх тэбиитин истибэккэ
    Албыҥҥа бэринэллэрин.

     

    Сөбүлүүбүн -
    Астына олох олорору,
    Куруук үтүөнү түстүүрү,
    Хараҥаҕа бэриммэккэ
    Үчүгэйи ыраланары.

    Читать далее 4 3 414
    Халаан уута 2013 (фото), быйылгы халаан хайдах ааһаҕын??
    Чэмэлиинэ_ 6 мая 2014 г., 21:46

    1273040_2l.jpg 

    Читать далее 2 3 583
    дьикти түүл...
    Чэмэлиинэ_ 3 мая 2014 г., 10:37

    2014-05-03_10_31_27.png

    Читать далее 3 433
    Түүл
    Чэмэлиинэ_ 10 марта 2014 г., 00:42

    ...

    Мүччү туттум, куоттардым

    Бөлүүн түүн түһээммин...

    Ыйдаҥа сырдык уотунан

    Оонньуур ыра санаабын...

    Түүлбэр түһээн көрөбүн

    Ыраас халлаан урсунунан

    Чыычаах буолан көтөрбүн

    Дойдубун үөһэттэн одуулуу.

    Арай ол көтөн иһэн аллара

    Кырдьаҕас бэс маска барыаран

    Көстөр хара күлүгү, ыҥырар

    Аптаах дьикти көстүүнү.

    Читать далее 552
    Эргитэ саныыр кэрэ кэм...
    Чэмэлиинэ_ 9 марта 2014 г., 23:39

    ...

    Оҕо сылдьан, кыра буолан

    Кэм-кэрдии бытаан курдуга,

    Улаата охсон, киһи буолаары

    Сааспытын куота ааҕарбыт.

    Арай улааттахпыт ахсын

    Бириэмэ кумахтыы куотар,

    Биир да түгэҥҥэ тохтообокко

    Бүтэ охсоору ыксатар...

    Күн-дьыл хардыытынан

    Олох аа -дьуо ааһар...

    Кэннибит ол аайы уһаан,

    Барыта өйгө эрэ хаалар...

    Читать далее 1 439
    Куруук эдэр буолуҥ.
    Чэмэлиинэ_ 9 марта 2014 г., 23:37

    ...

    Сааспыт ыраатта диэн

    Бүдүгүрэн барымаҥ,

    Торуоска тутан, бөкчөйөн,

    Былаат баанар буолумаҥ.

    Баһаам сааһы көрүстүбүт,

    Элбэх хаары аастыбыт диэн,

    Дьиэҕэ олорор буолумаҥ,

    Күнү-дьылы ааҕымаҥ.

    Төһө да кэм аастын,

    Бириэмэ уһуннун,

    Сааһырбыт буолларгыт,

    Бүдүгүрэн да бардаргыт.

    Дууһалыын, куттуун,

    Читать далее 1 379
    Кэргэммэр...
    Чэмэлиинэ_ 9 марта 2014 г., 23:33

    Кэм-кэрдии баран иһэр

    Күнтэн күн тапталым

    Эйиэхэ күүһүрэр...

    Мин иэйиим кыымнара

    Уостар диэни билиммэт

    Сылтан сыл киэркэйэр.

    Эн күүскэ кууһарыҥ,

    Таптыыбын эйигин диириҥ

    Кынаттыыр сырдыкка...

    Мин чаҕыл сулуһум,

    Аналым, аҥарым,

    Тапталлаах кэргэним.

    Биир тэҥник хардыылаан

    Илииттэн ылсыһан

    Читать далее 1101
    Мин Сахабын
    Чэмэлиинэ_ 9 марта 2014 г., 23:02

    Саха буолалларыттан кыбыстар дьоҥҥо хоруй!

     

    Мин Сахабын, онон киэн туттабын.

    Тыйыс тымныы оҕото буоларбынан,

    Айылҕа сүдү күүһүгэр сүгүрүйэр,

    Иччилэр иннилэригэр хоҥкуйар.

     

    Мин Сахабын, онтон кэмсиммэппин,

    Ирбэт тоҥтон силис тардарбыттан,

    Өбүгэ саҕаттан саха дэнэрбиттэн,

    Читать далее 2 1 480
    Суруйабын... :)
    Чэмэлиинэ_ 9 марта 2014 г., 22:49

    ...

    Аргыый - наллаан олорон

    Тылы оҕуруолуу тиһэммин,

    Биирдии ылан, сыымайдаан,

    Аа-дьуо саптыы оһуордаан,

    Үрүҥ ыраас илииспэр

    Дьэрэкээн буукубанан,

    Оһуор - бичик түһэриэм

    Уран ойуу таһаарыам...

    Ып -ыраас үрүҥ илииһим

    Туолуо кэрэ уруһуйунан,

    Киэркэйиэ сибэккинэн,

    Сайыҥҥы дыргыл сытынан.

    Читать далее 2 695
    Таптал баар эйигин арыаллыыр
    Чэмэлиинэ_ 21 февраля 2014 г., 10:17

    ...

    Санаарҕыыр, саарбахтыыр кэмнэргэр,

    Санньыйар, курус күннэргэр,

    Төһө да хом түһэн бардаргын,

    Төһө да күн сирэ барыардын...

    Умнума таптыыргын, доҕорум,

    Сырдыктан сырдык иэйиигин.

    Кистээмэ хараҥа муннукка

    Эйигин кынаттыыр тапталы.

    Дьон араас саҥатын истимэ,

    Кэрэни киргэ тэпсимэ.

    Куруутун сүрэҕиҥ сулуһа

    Читать далее 1 562
    Сүрэхпэр сибэкки тыллыах курдук...
    Чэмэлиинэ_ 21 февраля 2014 г., 10:16

    ...

    Сүрэхпэр сибэкки тыллыах курдук

    Саас сымнаҕас тыынын ылан

    Тоҥ мууһум оргууй ууллуох курдук

    Ол тыгар күн сыламар манньыйан.

    Саас - уһуктуом мин кыһынтан

    Чаҕыл күннүүн мичилийэ сырсыһан,

    Харалдьыкка ньургуһун быгыыта

    Таптал сиэдэрэй кыымын үүннэрэ.

    От-мас дыргыл сытын ылан

    Уйулҕам үөһээ көтүөҕэ...

    Нуктаабыт туманым сиигэ

    Читать далее 1 422
    Утары уун дуу илиигин...
    Чэмэлиинэ_ 15 января 2014 г., 21:23

    Үрдүккэ талаһа көтүөхпүн,

    Сыһыыга сибэкки буолуохпун,

    Уруйдуу-айхаллыы ыллыахпын,

    Арый дуу сүрэххин...

    Кыһалҕа кэннибэр хаалыаҕын,

    Дьиэм иһэ сырдыы түһүөҕүн,

    Курус санаа сайҕанан сүтүөҕүн

    Бэлэхтээ дуу мичээргин...

    Барыны кыайыахпын-хотуохпун,

    Ситиһии чыпчаалын булуохпун,

    Чаҕылхай сулустуу тыгыахпын

    Утары уун дуу илиигин...

    Читать далее 491
    Буолуоҥ дуо аттыбар?
    Чэмэлиинэ_ 15 января 2014 г., 20:57

    Санаарҕыыр, саарбахтыыр күннэрбэр

    Ыҥырыам, буолуоҥ дуо аттыбар?

    Мунчаарар, муунтуйар түгэммэр

    Суруйуом, хоруйдуоҥ дуо сурукпар?

    Тумарык, хараҥа түүннэрбэр

    Сылаастык кууһан ылыаҥ дуо?

    Туймаарар, санньыйар түүллэрбэр

    Алгыстаах ымыы буолуоҥ дуо?

    Ытаабыт, аймаммыт сүрэхпин

    Уоскутуоҥ, көөнньүөрдүөҥ буолаарай?

    Хом түспүт курус санаам

    Читать далее 1 373
    Мин да кыһыны таптыах курдукпун...
    Чэмэлиинэ_ 15 января 2014 г., 13:39

    Мин да кыһыны син таптыах курдукпун

    Мууһуран эрэр сүрэхпэр холуу...

    Мин эмиэ тымныыны хоһуйуох эбиппин

    Кырыаран эрэр дууһабар ханыылыы.

    Сып-сырдык үрүҥ хаар бүрүйэн

    Айылҕа барахсан утуйар.. .

    Мин иэйиим тумаҥҥа сууланан

    Сылааһын эмиэ сүтэрэр...

    Соҕотох ый хараҥаны сырдата

    Миигинниин сасыһа оонньуура

    Чуҥкуйбут муунтуйбут санаабын

    Читать далее 1 362
    Санаабар сааһырбыт курдукпун
    Чэмэлиинэ_ 14 декабря 2013 г., 14:34

    ...

    Санаабар сааһырбыт курдукпун...

    Эмискэ, биир кылам түгэҥҥэ.

    Көрүҥүм-эдэркээн кыыс эбээт...

    Ол эрэн билбэккит санаабын...

    Сааһырбыт, олохтон сылайбыт,

    Барыга эрэлин сүтэрбит...

    Кэлэйбит, дууһата элэйбит,

    Хом санаа бүттүүннүү баһыйбыт.

    Мичээрбэр кичэйэн кистиибин

    Ол санаам кэбийэр сиэхситин,

    Илиим сылааһар саһыарабын

    Читать далее 562
Обратная связь